Ерлер арасындағы Қазақстан Республикасының Кубогы 2020
Астана
Нұр-Сұлтан
Қазақстан Кубогы, 4-і Финалы 1/2 финалы
17.11.2020, 19:30 Сс
Арена: Велотрек «Сары-Арқа» (Нұр-Сұлтан)
106:37
Негізгі уақыт
33:9 26:11 18:11 29:6
Ойын нөмірі: 8
Көрермен: 0
Каспий
Ақтау

«Каспий» – 2020 жылғы Қазақстан кубогының жартылай финалындағы «Астананың» қарсыласы

16.11.2020, 10:00    Просмотров: 49
Источник: Баспасөз қызметі
Автор:

«Астана» баскетбол клубы 2020 Қазақстан кубогы додасын жартылай финалдық кездесулермен бастап, Ақтаудың «Каспий» клубымен додаға түседі. Бұл матч елордада, сейсенбі күні, 17 қарашада өтеді. Басталуы – астана уақытымен – 19:30-да.

Ақтаудың “Каспий” командасы биыл Ұлттық лига аясында да астана командасының бірінші қарсыласы болған. Сол кездесулер қарсаңында біз бұл команда мен оның құрамына шолу жасап шыққанбыз. Сол екі матчта “Астана” Ақтау баскетболшыларын айқын басымдықпен ұтқан болатын – 87:66 және 99:44. Осы екі ойыннан кейін “Каспий” Ұлтық лига аясында тағы алты матч өткізді. Алайда соның біреуінде ғана жеңіске жетті. Нақтырақ айтқанда, “Алматы Легиондарын” сүріндірді. Бірақ Ақтау командасы дәл осы “Легиондардан” үш рет ұтылып, екі рет “Атырау Барыстарына” есе жіберіп алды.

Өте маңызды жәйт. Қазақстан кубогын өткізу ережелерінің шарттарына байланысты, турнирге Қазақстан ұлттық құрамасының сапына алуға болмайтын ойыншылар қатыса алмайды, яғни тек қазақстандық ойыншылар ғана ойнайды. Ендеше, Ақтау командасының көшбасшылары – америкалықтар Колин Доэрти мен Юджин Артисон, сондай-ақ ресейлік Денис Орленко кубок жолындағы матчтарда өз командаларына көмектесе алмайды. Әрине, біздің де легионерлеріміздің кубок додасына қатыса алмайтындықтарын ұмытпауымыз керек. Әйтсе де, қалай айтсақ та, бұл жұпта біздің команда фаворит болып саналады.

Сейсенбі күні, 17 қарашада, астана уақытымен 19:30-да басталатын “Астана” мен “Каспий” арасындағы матчтан бөлек, дәл осы күні, Нұр-Сұлтандағы “Сарыарқа” велотрегі аренасында, 17:00-де “Атырау Барыстары” мен Қостанайдың “Тобылы” арасында екінші жартылай финалдық ойын өтеді. Бұл матчтың қорытындысы бойынша біздің команданың жүлделі орындардың бірін сарапқа салатын қарсыласы анықталады. Матчтың онлайн-трансляциясы біздің сайтымыздың басты бетінде жүргізіледі.

НАЗАР АУДАРЫҢЫЗДАР! Коронавирус нәубетіне байланысты енгізілген сақтық шараларына байланысты ойындар көрерменсіз өткізіледі.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» «Каспийді» талқандап, Қазақстан кубогының финалына шықты

17.11.2020, 22:30    Просмотров: 14
Источник: Баспасөз қызметі
Автор:
«Астана» баскетбол клубы жартылай финалда «Каспийді» күйрете жеңіп, Қазақстан кубогының бас бәйгесін шешуші матчта Қостанайдың «Тобылымен» сарапқа салатын болды.

Бұл ойында есепті бірден “Каспий” ашты, бірақ Антон Пономарев лезде “Астананы” алға шығарды. Ақтаулықтар бастапқы минуттарда біздің команданың шабуылдарын жауапсыз қалдырған жоқ. Бірақ “Астана” тез арада өз шығыршығына барар жолдың бәрін бітеп тастады. Ал таблодағы есепті тоқсан пайыз тек біздің команда өзгертіп отырды. Максим Марчук үш ұпайлық дәл соққысымен біздің басымдығымызды екі таңбалы санға жеткізді. Ал үш минуттан кейін Андрей Литвиненко есеп айырмасын жиырма ұпайға теңелтті. Бірінші кезеңнің қорытындысы бірмәнді болды – 33:9. Әрине, 10 минуттың ішіндегі 24 ұпайлық гандикап біздің команданың жеңіске жететіндігін күмәнсіз меңзеп тұрды. Ойынның бір ғана ширек бөлігі өтсе де, бұл матчтағы біздің жігіттердің басымдығы өте жоғары болды. Екінші кезеңде қандай да бір өзгеріс жүзеге асқан жоқ. Роберт Панның төртінші минуттағы ұпайлары біздің команданың басымдығын отыз ұпайдан да асырды. “Каспий” шамасының жеткенінше қарсыласып бақты, әрі кезеңнің бел ортасында біздің команданың есепті ұлғайта беруі сап тиылды. Бірақ сәлден кейін есеп айырмасы қайтадан алшақтай бастады. Максим Марчук ойынның бірінші жартысын түйіндеді, есеп – 59:20. Алда – “Астана”.



Матчтағы дода көрігі осылай “өшіп”, енді “Каспий” бұл ойынға қандай да бір өзгеріс енгізеді дегенге ешкім де сенбеді. Алайда дәл осы сенімділік біздің командаға кері әсерін тигізіп, он бес минуттық үзілістен кейін олар босаңсып қалды. Десек те, ойын тізгінін уыстарынан шығарған жоқ. Асқар Майдекиннің ұпайларынан соң “Астананың” басымдығы қырық ұпайдан асты, содан соң лезде қырық алты ұпайға жетті. Бірақ үшінші кезеңнің қалған сегіз минутында есеп айырмасы өзгерген жоқ деуге де болады. Осы ойын бөлігі астана командасы үшін өте нәтижесіз болды. Әйткенмен, олар 10 минутта 18 ұпай еншіледі. Бұған қарамастан, “Астана” өз басымдығын 7 ұпайға арттырды – 77:31. Төртінші кезеңде біздің команда қайтадан құйындай орап соқты. Ал ақтаулықтар оларға мүлдем төтеп бере алмай қалды. “Каспий” үшін соңғы 10 минут ең нәтижесіз кезең болып шықты – олар өз қоржындарына небәрі алты ұпай ғана қосты. Ал “Астана” болса, көсіле сілтеді. Руслан Айтқали мен Максим Марчуктің ұпайларынан соң есеп айырмасы елу ұпайдан асып кетті. Бірер минуттан кейін Николай Бажиннің ұпайлары астананың басымдығын алпыс ұпайдан да асырды. Ал отыз секундтан кейін Андрей Литвиненко ұпай қорымызды жүздікке жеткізді. Бүгінгі матчты нүктесін Роберт Пан қойды – 106:37.
 

Ең көп ұпай еншілегендер:
 

Ең көп ұпай еншілегендер:

  • «Астана» – бүгін Эмиль Райкович ойыншылардың бәріне бірдей уақыт бергенін атап өтуіміз керек. Нақтырақ айтқанда, матч хаттамасына тіркелген әрбір ойыншы алаңда 20 минут (+/- бір-екі минут) өнер көрсетті. Әрі бәрі де ұпай еншілеп, допты қағып алып, нәтижелі пас берді. Тек екі ойыншы ғана допты «қиып» алу көрсеткіші бойынша «қаражаяу» қалды. Ең тиімді және көп ұпай еншілеген ойыншы Антон Пономарев болды (20 ұпай, 5 рет доп қағып алды). Ал тиімділігі жиырма және одан жоғары болғандар: Максим Марчук (14 ұпай, 3 рет доп қағып алды, 2 пас және 5 рет допты “қиып” әкетті), Дмитрий Гаврилов (11 ұпай, 8 рет доп қағып алды, 2 пас).
  • «Каспий» – ақтаулықтар сапында Денис Дегтярев үздік шықты (9 ұпай, 5 рет доп қағып алды, 2 рет допты “қиып” әкетті, 1 блокшот).

Салдары: “Астана” айқын басымдықпен жеңіске жетіп, ел кубогы финалына шықты. Онда біздің команданы Қостанайдың “Тобылы” күтіп тұр, олар бұдан сәл ертерек “Атырау Барыстарынан” басым түскен болатын.

Келесі матч: 2020 жылғы Қазақстан кубогының “Тобыл” мен “Астана” арасындағы финалдық ойыны 19 қараша күні, 19:30-да “Сарыарқа” велотрегінде өтеді.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құлылған жылы: 2008 Клубтық түстері: ақ, көк
Мемлекет: Қазақстан Арена: СК «Батыр»
Қала: Ақтау Сайт: www.bccaspiy.kz

Сипаттамасы

«Каспий» – Қазақстанның ерлер арасындағы кәсіпқой баскетбол клубы, Ақтау қаласынан.

«Каспий» баскетбол клубы 2008 жылы сәур айында Маңғыстау облыстық Дене шынықтыру және спорт басқармасы мен Маңғыстау облысы әкімдігінің қолдауымен құрылған.

Жетістіктері:
  • Қазақстан чемпионатының қола жүлдегері: 2011/2012, 2012/2013, 2013/2014, 2014/2015, 2016/2017
  • Қазақстан кубогының қола жүлдегері: 2012, 2013, 2017

Команданың жалпы суреті

Каспий