Плей-офф, әлде плей-ин?

«Автодор» ВТБ Бірыңғай Лигасы тұрақты чемпионаты турнирлік кестесінде сегізінші орында келеді, сәйкесінше команда плей-офф үшін таласты жалғастырып жатыр. Саратов қаласы командасы қоржынында 15 жеңіс пен 22 жеңіліс бар, ал 6-7 орындарда тұрған «Парма» мен «Пари НН» ұжымдарында 16 жеңістен бар.

Миленко Богичевич шәкірттері соңғы бес ойында екі жеңіске қол жеткізді. Команда МБА-МАИ-ді 85:95 және «Самараны» 74:90 есебімен жеңді. Алайда Саратов баскетболшылары «Пармаға» (79:73), ЦСКА (69:87) мен «Зенитке» (91:68) есе жіберді.

Лиганың тұрақты чемпионатының аяқталуына санаулы матчтар қалды, «Автодорды» алда өте қиын матчтар күтіп тұр. Команда алад УНИКС, «Локомотив-Кубань» және «Пари  НН» ұжымдарына қарсы ойнайды. Турнирлік кестедегі жағдайды есепке алғанда, Саратов қаласы ұжымы плей-оффқа тікелей жолдама беретін алтыншы орын үшін талас жүргізе алады. Алайда ол үшін команданың соңғы матчтарда жеңіске жетуі аса маңызды.

Орталық ойыншылардың теке-тіресін көре аламыз ба?

«Автодор» — «Зенит» матчының алдында саратовтықтардың орталық ойыншысы Артем Клименко (бойы – 214 см) постер жасап, ол өткен аптаның ең үздік он сәтінде бірінші орын алды. Ол дәл сондай данкті Андрей Десятников арқылы жасай ала ма?

Қарсыласымыздың құрамында Клименко алмастыра алатын ойыншы бар, ол – түркиялық орталық ойыншы Керем Кантер. Жалпы, маусым барысында ол 12.7 ұпай еншілеп келеді, ал «Самараға» қарсы матчта ол нәтижелі ойын өрнегін көрсетті – 25 ұпай, 8 рет допты алу, тиімдлігі үшін 32 балл. Бұл оның ВТБ Бірыңғай Лигасы жарыс аптасының (28 ақпан – 2 наурыз) үздік бестігіне енуіне мүмкіндік берді.

Тағы бір ақпарат

Алдағы ойында Дэниэл Утоми биылғы маусымда «Астана» сапындағы 500-ұпайын еншілеуі мүмкін. Ол үшін ойыншыға «Автодормен» матчта 14 ұпай олжалау керек. 

Кездесулер тарихы

Командалардың бұған дейінгі өткізген 26 кездесуінің біразында жеңіс «Автодор» жақта болған (18), ал «Астана» 8 матчта үздік шыққан. Соңғы рет астаналықтар Саратов қаласы командасын 2022 жылдың 13 желтоқсанында жеңді (70:69).

Глеб Плотников, «Астана» БК бас бапкерінің міндетін атқарушы:

«Бізді ұйымшыл ойын өрнегін көрсететін командамен кездесу күтіп тұр. Бұл ойында біз қорғаныста жеңілмей, қателікті аз жіберуге тырысып, жылдам әрі дұрыс шешім қабылдап, шабуылда ұйымдасқан ойын өрнегін көрсетуге талпынуымыз керек. Жанкүйерлерде командаға қолдау көрсету үшін велотрек алаңына шақырамын»

Матч: «Астана» — «Автодор»
Күні мен уақыты: 21 наурыз, 20:00
 Өтетін жері: Астана, «Сарыарқа» велотрегі
Трансляция: клуб сайтында

Кездесудің бірінші ширегі нәтижелі өтпегенімен, кезең тең дәрежедегі күреске толы болып, матч көшбасшысы бірнеше рет ауысты. Ойынның алғашқы минуттарында «Астана» 5:0 есебімен алға шықты, артынша қарсыластың Кроуфорд және Петенев сынды ойыншылары көзге түсіп, таразы басы теңесті. Әрі қарай командалар өзара шабуылмен алмасып, тіпті «Астана» 14:11 есебімен көш бастады. Дегенмен, одан соң Саратов қаласы командасы +5 ұпай айырмашылығымен есепте алға шықты.

Екінші ширек Глеб Плотников шәкірттері үшін нағыз сынақ болды, жігіттер қарқынды сақтап қалуға тырысты және Рустам Мурзагалиевтің үш ұпайлық соққысы қайтадан үміт отын жақты. Алайда қарсыластың Петенев пен Мэннингтің дәл соққыларының арқасында:  ұпай айырмашылығымен есепте алға шығуы матч тағдырын айқындап берді. Осылай, «Автодор» үлкен үзіліске +19 ұпай айырмашылығымен аттанды.

Үшінші он минуттықтың басында «Астана» ойын барысын өзгерте алмады. Керісінше, команда өте көп қателік жіберіп,» Автодор» ол үшін бірден жазалап отырды (4-16). Кезең соңына қарай Ти Джей Старкс белсенді ойын өрнегін көрсетіп, батыл шешімдер қабылдаған кезде қайтадан үміт пайда болған еді… Алайда кезең «Автодордың» айқын басымлығымен аяқталды — +30.

Ойын тағдыры толығымен шешілгендей болған кезде ғана «Астана» шабуылда нәтижелі ойнай бастады. Вадим Щербак, Данила Походяев (х2) пен Руслан Айтқали үш ұпайлық соққылармен көзге түсті. Өкінішке қарай, бұл кезде кездесу тағдырына өзгеріс енгізу тым кеш болатын.

 «Астана» – «Автодор» 56:88 (15:20, 10:24, 15:26, 16:18)

«Астана»: Рустам Мурзагалиев (11 ұпай + 4 пас), Данила Походяев (9 ұпай + 5 рет допты алу), Ти Джей Старкс (9 ұпай + 5 пас), Дэниэл Утоми (8 ұпай).

Глеб Плотников, «Астана» БК бас бапкерінің міндетін атқарушы:

— Өте нашар ойын. Ойыншыларымыздың кейбірі өз мамандықтарына қайта қарап, «кәсібилік» сөзіне қатысты ой жүгіртуі керек. «Кәсіби маман» сөзі – ойынға келіп, ойнап, демалу деген сөз емес. Бұл сөздің мәні тереңде жатыр. Кәсіби маман болу үшін күн сайын өзіңмен жұмыс істеуің керек. Матч кезінде назар ойында емес, басқа нәрседе болса, ойыншыға мотивация беру қиын. Бүгінгі кездесу жайлы статистика сөйлеп тұр: алыстан жасалған соққылар көрсеткіші – 25%, ойыннан – 31%, оған қоса 14 қателік бар. Жігіттерге «Автодордың» өте ұйымшыл команда екенін ескертіп айттым. Олар бүгін командалық ойын өрнегін паш етті, ал біз керісінше. Жарақаттанған ойыншылар бойынша, Саша Оразбековтің мұрны сынды, ал Григорий Мотовилов оңалту кезеңінен өтуді жалғастырып жатыр. Өкінішке қарай, қазір жанкүйерлерімізді қуантатындай деңгейде ойнап жатқан жоқпыз».

 «Астана» ВТБ Бірыңғай Лигасы чемпионаты аясындағы келесі матчын 26 наурызда сырт алаңда «Самараға» қарсы өткізеді.