Аңдатпа: «Уралмаш» — «Астана»

03.11.2024, 18:00 Просмотров: 91
Источник: Баспасөз қызметі
Автор:

Команда Екатеринбургке аттанды. Бұл жолғықарсыласымыз турнирлік кестеде сегізіншіорында тұрған – «Уралмаш». Ойындағымүмкіндігіміз қандай? Талдау жасап көрейік.

Енді жаңа ойыншылар емес

Егер өткен маусымда Ростислав Вергунның «Минсктен» «Уралмашқа» ауысуы ойыншының өзі мен екатеринбургтік команда үшін нағыз жұлдызды сәт болғанымен (плей-офф, «Зенитке» қарсы 5 матч), 2024/2025 жылдар маусымы оның шәкірттері үшін айтарлықтай қиын өтіп жатыр.

Біріншіден, маусым алдындағы дайындық кезінде «Уралмаштың» басты жұлдызы – Октавиус Эллис (өткен маусымда 18 ұпай, 8 рет допты алу) командадан кетіп қалды. Объективті тұрғыдан алғанда, ВТБ Бірыңғай Лигасында мұндай қабілетті ойыншыны біраздан бері көрген жоқ. Екіншіден, шынтағынан жарақат алған команданың негізгі ойыншыларының бірі, эмоционалды тұрғыдан қоладу көрсетіп, көп нәтижелі пас беретін және шешуші сәтте соққы жасай алатын Антон Глазунов (өткен маусымда 6,4 ұпай, 4,6 нәтижелі пас) әріптестеріне көмектесе алмай жатыр. Үшіншіден, «Уралмаштың» жаңа ойыншысы – америкалық Джонни О’Брайанттың дебюті туралы айту қиын (10 ұпай, 4 рет допты алу). Алғашқы ойындарда жапониялық лигадан кейін мұнда бейімделуіне біраз уақыт керек екендігі байқалған. Октавиус Эллистің алаңға шыққан алғашқы минуттарынан кейінгі әсердей емес. Алайда оның Саратовтың «Автодорына» қарсы өткізген матчы (25 ұпай!) және Джонни 16 ұпай еншілеген қазандық «УНИКС»-пен кездесу оның ойынын бағаламауға болмайтындығын көрсетті. Сондай-ақ, «Уралмаштың» «УНИКС»-ке қарсы өткізген ойынына команданың негізгі ойыншыларының бірі Стэнли Уиттакер (14,3 ұпай, 4,7 нәтижелі пас) пен Евгений Белянков (4,2 ұпай, 3,1 рет допты алу) қатысқан жоқ. Осыдан екатеринбургтік команданың әзірге өзінің толық күшімен ойнамай жүргені туралы қорытынды шығаруға болады. Бұл – қарсылас қолдана алатын ең басты басымдық.

Кездесулер тарихы

ВТБ Бірыңғай Лигасы чемпионаты аясында командалар 4 рет өзара кездескен, оның үшеуінде «Уралмаш» жеңіске жетті. «Астана» өткен маусымдағы алғашқы өзара кездесуге жеңімпаз атанған.

Лиганың ең көп ұпай жинайтын қос ойыншысының кездесуі

«Астананың» маусымды нашар бастағанына қарамастан, команданың негізгі ойыншысы Маркелл Джонсон – ВТБ Бірыңғай лигасының ең нәтижелі баскетболшысы (25,1 ұпай). Бұл көрсеткіште екінші орында қарсылас команда ойыншысы Джеремайя Мартин тұр (17,1 ұпай). Сондықтан 4 қарашада екі америкалық ойыншының тартысты теке-тіресін көруіміз мүмкін.

«Астана» бас бапкерінің міндетін атқарушы Глеб Плотниковтің алдағы матч туралы пікірі:

«Уралмаш» — әр позицияда кем дегенде деңгейлес екі ойыншысы бар мықты команда. Матчтан не күтемін? Мінез көрсетіп, ойынға құрған жоспарымызды ұстанып, қолымыздан бар келгенді жасап, жеңіске жетуіміз керек деп есептеймін».

Матч: Уралмаш – Астана
Күні мен уақыты: 4 қараша, 17:00
Өтетін орны: Екатеринбург, ОСС

Екатеринбургте жеңіліс таптық

04.11.2024, 22:00 Просмотров: 16
Источник: Баспасөз қызметі
Автор:

Кездесудің алғашқы минуттарында-ақ командамыз маңызды ойыншысымен қоштасқанына қарамастан, Екатеринбургтегі матчқа күрес жүргізу үшін келгендігін көрсетті. Дәл осы матчтың алдында «Астана» құрамынан негізгі бестік ойыншысы Маркелл Джонсон кетті. Сондықтан бұл кездесуде негізгі ойыншы міндетін атқару Рустам Мурзагалиев, Александр Оразбеков пен Вадим Щербакқа табысталды. Ойын есебін Дэниэл Утоми үш ұпайлық соққыны орындау арқылы ашты және алғашқы сегіз минут бойы «Астана» басымдыққа ие болды. Алайда Джеремайя Мартиннің қатарынан бірнеше рет допты тартып алуының арқасында алаң иелері бірінші ширекті 16:14 есебімен аяқтады.

Ойынның екінші бөлігінің басында «Уралмаш» Вячеслав Зайцевтің арқасында 11 ұпаймен айырмашылығымен алға шықты. Ол 2024/2025 жылдар маусымындағы ең үздік матчын өткізгенін айта кету керек. Сақина астында Тайрел Нельсон мен Джонни О’Брайант Андрей Десятниковке қиындық туғызды. Он минуттықтың екінші жартысында ғана Галин Смит белсенді ойын өрнегін көрсете бастап, ол командаға 8 ұпай сыйлады. Өкінішке қарай, Глеб Плотников шәкірттерінің жіберген қателіктерінің саны (13) «Астананың» есеп айырмасын қысқартуына мүмкіндік бермеді. Ойынның алғашқы жартысының қорытындысында таблодағы есеп 37:29 болды. Алаң иелері алда.

Үшінші ширек астаналық ұжым үшін сәтті басталды. Данила Походяев командаға 5 ұпай әкелсе, Вадим Щербактың үш ұпайлық соққысы есеп айырмасын бір ұпайға дейін қысқартты. Алайда алаң иелері бұған тас қамал қорғаныспен жауап қатты. Андрей Десятников допты алған бойда, оған қарсы фол жасалды. Оған қоса, «Уралмаш» шабуылында Зайцев айрықшы көзге түсуін тоқтатпады. Тек кезең соңына қарай астаналықтар есеп айырмасын бес ұпайға дейін қысқарта білді, оған Походяевтің бастамасы сеп болды. Осылайша, астаналықтар үшінші ширекті өз пайдасына жазды — 57:52.

Төртінші он минуттықта «Астананың» камбэк жасауға мүмкіндігі болмаған: Походяев пен Оразбеков ойын барысын өзгерткілері келген, алайда олардың жеке әрекеттері жеңіс үшін жеткіліксіз болды. Нәтижесінде, тартысты кездесуде «Уралмашқа» 72:62 есебімен жол бердік.

«Уралмаш» — «Астана» 72:62 (16:14, 21:15, 20:23, 15:10)
«Уралмаш»: Вячеслав Зайцев (22 ұпай, 4 рет допты алу) Джеремайя Мартин(13 ұпай, 5 рет допты тартып алу, Джонни О’Брайант (13 ұпай, 9 рет допты алу)
«Астана»: Даниэл Утоми (19 ұпай, 8 рет допты алу), Данила Походяев (18 ұпай, 8 рет допты алу), Галин Смит (12 ұпай, 6 рет допты алу).

Глеб Плотников, «Астана» БК бас бапкерінің міндетін атқарушы:
– Біріншіден, «Уралмашты» жеңісімен құттықтаймын. Сонымен қатар, бүгін жігіттердің ойынына көңілім толды, олар берілмей, мінез көрсетті. Осыған дейін матчтың екінші жартысында нашар ойын өрнегін көрсететінбіз. Ал бүгін керісінше болды. Өз қателіктеріміздің жазасын тарттық деуге болады. Қарсыластың мүмкіндігі көп болған кезде жеңіске жету қиын. Десе де, командалық ойынның жақсарғанын байқадым. Көңілім толды.

Ростислав Вергун, «Уралмаш» БК бас бапкері:
— Алаңдағы алтыншы ойыншының міндетін керемет атқарған жанкүйерлерімізге алғыс айтамын. Белгілі себептерге байланысты жарқын ойын өрнегін көрсете алмадық. Сырт алаңдағы ойындар сериясы күрделі өтті әрі жарақаттар бар, ойыншылардан жақсы эмоцияның жетіспеушілігі байқалады және ол бүгінгі матчтағы дәлдік көрсеткішімізге де әсер етті.
«Астана» қазір эмоционалдық жағынан мықты. Олар жақсы кұрес жүргізді, сауатты ойын өрнегін көрсетті. Осы қиындықтарға қарамастан, жеңіске жете алғанымызға қуаныштымын.