Бүгін «Астана» жаңа баскетбол маусымын ашады. Команда ұлттық лигада «Атырау Барыстарымен» екі матч өткізеді, ойындар 29 және 30 қыркүйекте өтеді.
 
Атыраулық клуб 2003 жылы құрылған. Осы уақыт ішінде «Барыстар» екі рет Қазақстан чемпионатын жеңіп алды (маусымдарда-2010/11 және 2015/16), сондай-ақ бірнеше рет ұлттық біріншіліктің күміс жүлдегері атанды.
 
Өткен маусымда атыраулық команда ел Кубогының финалында «Астананы» жеңді, ал астаналық клуб Ұлттық лиганың финалдық сериясында озық шықты, сондықтан алдағы кездесудің маңызы аса жоғары.

Бұл жолы кім жеңеді? Мұны жақын арада білеміз.

Билеттер мына сілтеме арқылы қолжетімді Zakazbiletov.kz.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» жаңа маусымның бірінші ойынында «Атырау Барыстарын» жеңді.

Қонақтар елордалық командаға едәуір қарсылық көрсете білді, ойынның бірінші жартысында қарсыластар (39:35) ұпай жағынан алаң иелеріне жақындау болғанына қарамастан, үшінші және соңғы бөлік астаналықтардың басымдығымен өтті. Қорытынды есеп — 92:59 біздің пайдамызға.

Ұпай саны бойынша «Астананың»  Дмитрий Гаврилов (17) көш бастады, екі ұпайлық 7 мүмкіндікті жүзеге асырды. Екінші орында Роман Марчук (14), оның еншісінде 4 рет үш ұпайлық доп бар.
 
«Астана» мен «Атырау Барыстары» арасындағы екінші матч ертең сағат 19:00-де «Сарыарқа» велотрегінде өтеді. Барлық жанкүйерді күтеміз!

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.