«Астана» баскетбол клубы Ұлттық лига аясында «Ақтөбемен» өз алаңында екі мәрте қос кездесуден өткізеді. Өйткені, қызыл-ақ жейделілермен түзде өтетін екі ойын астанаға ауыстырылды. Матчтар 23, 24 және 26, 27 желтоқсан күндері Нұр-Сұлтандағы «Сарыарқа» велотрегі аренасында өтеді. Бастапқы екі ойын мен соңғы матч, астана уақытымен 19:30-да, ал жексенбідегі ойын 15:00-да басталады. Төрт матчқа да кіру – тегін.
! НАЗАР АУДАРЫҢЫЗДАР — Барлық жанкүйерлерден Өз алаңымызда өтетін матчтарға кіру Ережелерімен мұқият танысып шығуларыңызды өтінеміз. Аренаға тек Солтүстік есіктен ғана кіруге болады (Орынбор көшесі жағынан, жанармай бекетіне қарама-қарсы).
«Ақтөбе» – Қазақстанның ерлер арасындағы баскетбол клубы, Ақтөбе қаласынан. 2017 жылы құрылған.
Жетістіктері:
Команда құрамы: Былтырғы маусымда “Ақтөбенің” құрамында ойыншылар біршама көп болған. Биыл солардың жетеуі ғана команда сапында қалды. Командадан шетелдік ойыншыларының бәрі кетті – Митчел Табет, Кент Хансон, Владислав Гусак, Эмир Азизов және Бахтиер Насриддинов. Соңғысы “Каспий” құрамына ойысты. Ал Қазақстан ойыншыларынан Азим Ягодкин, Айдархан Тоқтаров, Роман Греков, Никита Лытых, Никита Федченко және Руслан Тренин кетті. Былтырғы маусымнан қалғандар – Сергей Борматенков, Василий Петришинец, Александр Евдокимов, Александр Папшив, Бақыт Маханалин, Богдан Лащ және Станислав Рововой. Бірақ Рововой да маусым басталған соң командамен қоштасты. “Тобылда” өткізген екі маусымынан соң командаға Константин Двирный қайта оралды. Антон Пономарев қайта сабақтаған карьерасын “Ақтөбеде” өткізіп жүр. Сонымен қатар, маусым басында команда құрамына екі жас ойыншы тіркелді – Данил Рудометкин және Байназар Омаров. Екеуі де былтырғы маусымда фарм-командада ойнаған. Бірінші ойынның қарсаңында команда сапына екі ойыншы қосымша өтініммен тіркелді – қазақстандық Арсен Телеуов, ол команда жаттықтырушысы қызметін де қоса атқарады және америкалық ойын үйлестіруші Далвин Хоуг, ол бұған дейін Арменияның “Гюмри” командасында ойнаған. Сәл кейінірек командағы тағы бір америкалық қосылды – шабуылшы Давриус Райт. Ал желтоқсан айында “Ақтөбе” сапын ресейлік үш ойыншы толықтырды – еңгерзедей шабуылшы Александр Тихонин – ЦСКА түлегі, соңғы маусымдарды Ресейдегі “МБА” және “ТЕМП-СУМЗ-УГМК” командалары сапында өткізген. Плеймейкер Борис Назмутдинов кезінде Қазанның УНИКС клубының екінші командасында ойнаған, сондай-ақ “Уфимец” және “Купол-Родники” командаларында өнер көрсеткен. Шабуылшы Иван Белоусов өткен маусымдарда ВТБ Жастар лигасындағы “Зенит-2” сапында ойнаған. Тағы бір қосымша өтініммен былтырғы маусымда жергілікті екінші командада ойнаған, қазақстандық жас ойыншы тіркелді – Бибарыс Айтқұлов.
Бас бапкер: Елді елең еткізер, ең басты өзгерісі жаттықтырушылар құрамында жүзеге асты. Биылғы маусымда команданың бас бапкері болып, өткен жылдардағы ең тәжірибелі баскетболшы қыздардың бірі Элен Шакирова бекітілді. Элен – Олимпиада чемпионы, Еуропа чемпионы. Еуропаның екі дүркін күміс және бір рет қола жүлдегері болған. “Атис”, ЦСКА, “Динамо Мәскеу”, “Балтийская Звезда”, “Вологда-Чеваката”, “Надежда” және “Энергия” сынды кеңестік және ресейлік командаларда ойнаған. Өз карьерасының ортасын шетелдік командаларда өткізген: “Валансьен-Орши” – Франция, “Лотос Гдыня” – Польша және “Гамбринус Брно” – Чехия. Сонымен қатар, әйелдер арасындағы NBA-да, “Хьюстон Кометс” сапында өнер көрсеткен. Жаттықтырушы өтілін “Динамо Курск” клубында бастаған. Сондай-ақ, Ресейдің “Инвента” және Польшаның “Энергия” командаларын жаттықтырған.
Турнир кестесіндегі жағдай: “Астана” турнир кестесінде жеке-дара көш бастап келеді: 8 ойын – 8 жеңіс. Ал “Ақтөбе” 10 ойын өткізіп, тек 4 матчта ғана жеңіске жетті. Әйтсе де, осы көрсеткішімен үшінші орынды иеленіп тұр. “Ақтөбе” биылғы маусымда “Тобылға” екі мәрте есе жіберіп, “Атырау Барыстарын” бір ойында жеңіп, үш рет ұтылды. Ал “Каспийді” керісінше, үш рет ұтып, бір матчта ұтылып қалды.
Команда көшбасшылары: Қызыл-ақ жейделілердің көшбасшысы – Антон Пономарев. Америкалықтар Далвин Хоуг пен Давриус Райт та ерекше көзге түсіп жүрген, бірақ бейресми деректерге сенсек, екеуі де командадан кетіп қалыпты. Сондай-ақ, ақтөбеліктердің негізін Қазақстан ойыншылары Александр Папшив, Константин Двирный, Василий Петришинец және Сергей Борматенков құрайды. Ал ресейлік жаңа ойыншылары небәрі екі ойыннан ғана өткізді, әйтсе де, Александр Тихонин, Борис Назмутдинов және Иван Белоусов үшеуі сенім үдесінен шыға білді.
Кездесулер тарихы: Екі ұжым Ұлттық лига аясында 8 мәрте, ал Қазақстан кубогында бір рет додаға түсті. Осы ойындардың бәрінде де біздің команда айқын басымдықпен жеңіске жетті.
Қызықты деректер:
Матчтар Нұр-Сұлтандағы «Сарыарқа» велотрегі аренасында өтеді. Бастапқы екі ойын мен соңғы матч, астана уақытымен 19:30-да, ал жексенбідегі ойын 15:00-да басталады. Төрт ойынның да онлайн-трансляциясы біздің сайтымыздың басты бетінде жүргізіледі.
Аренаға кіру тек Солтүстік есіктен жүзеге асырылатын болады (Орынбор көшесі жағынан, жанармай бекетіне қарама-қарсы), мына сызбаға сай:
Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.
«Астана» баскетбол клубы өз алаңындағы төрт ойынның алғашқысында «Ақтөбе» жанкүйерлерін жасытты. «Қызыл-ақ» жейделілердің Жаңа жыл қарсаңында есе қайтарып, өз фанаттарын қуанта алатын әлі үш мүмкіндігі бар.
Бұл ойында Дарко Руссо жетекшілік ететін жаттықтырушылар құрамы америкалық ойыншылардан Джейлен Барфорд пен Антонио Кэмпбеллге тоқталды. Сонымен қатар, екі айға жуық уақыттан соң, жарақатынан айығып, алаңға Вадим Щербак та шықты. Әрі ойын хаттамасына фарм-команда сапынан Әлижан Ыдырысжан тіркелді. Бастапқы бестікті Джейлен Бэрфорд, Антонио Кэмпбелл, Олег Балашов, Роберт Пан және Вадим Щербак құрады.
Ойынға ортадан қосылған допты біздің жігіттер іліп алып, бірінші шабуылда-ақ Роберт Пан ойын есебін ашып, өзінің алғашқы ұпайларын еншісіне жазды. Одан кейін біздің қоржынымызды Джейлен Барфорд толықтырды. Алайда, қонақтар да қарап қалмады, қатарынан екі шабуылдарын сәтті аяқтап, алға шығып кетті. Бірақ алда ұзақ тұра алмады, Антонио Кэмпбелл “Астананы” қайтадан алға сүйреп, іле-шала біздің команда сапынан бірінші болып үш ұпайлық доп салды. Біздің келесі шабуылдарымызды тек Барфорд түйіндеп отырды – екі мәрте доға сыртынан және бір рет қонақтардың қорғанысын бұзып өтіп. “Ақтөбе” біздің команданы алысқа ұзатпай, аракідік лайықты түрде жауап беріп отырды. Кезең бел ортасынан ауғанда біздің команда алға қарай лап қойды. Руслан Айтқали, Марк Тихоненко, Дмитрий Гаврилов және Олег Балашов доп салып, біздің басымдығымыз лезде екі таңбалы санға жетті. Қонақтар мұндай жоғары қарқынға төтеп бере алмай, қара үзіп қала бастады. Бірінші кезеңнің соңында Николай Бажин мен Дмитрий Гаврилов айып соққыларын мүлтіксіз орындап, біздің қоржынымызды ұлғайта түсті – 29:16. Екінші онминуттық мейілінше тең дәрежеде өтіп, жалпы есептегі біздің айқын басымдығымызға ешқандай қауіп төндірген жоқ. Джейлен Барфорд пен Антонио Кэмпбелл кезекті доптарын салып, Вадим Щербак екі айға жуық емінен кейін алғашқы ұпайларын еншіледі. Дмитрий Гаврилов қонақтардың қорғанысын бұзып өтіп, доп салған соң, біздің басымдығымыз 20 ұпайдан асып кетті. Бұл ақтөбеліктердің жаттықтырушылары құрамын тайм-аут алуға мәжбүрледі. Одан кейін де, матчтың бірінші жартысы аяқталғанша, есеп айырмасы 20 ұпай шамасында сақталып тұрды. Біздің команда сапынан Роберт Пан, Дмитрий Гаврилов, Олег Балашов және Николай Бажин доп салды. Қонақтар есеп айырмасын сәл де болса қысқартып, үлкен үзіліске 15 ұпай кем есеппен шықты – 53:38.
Он бес минуттық үзілістен кейін Антонио Кэмпбелл кезекті рет “энд уан” орындап, Дмитрий Гаврилов еншісіне екі ұпай қосты, а Рустам Мырзағалиев осы ойындағы алғашқы ұпайларына қол жеткізді – доға сыртынан үш ұпайлық. Үшінші кезеңнің бел ортасына таман Николай Бажин доп салды, бірақ есеп айырмасы көп өзгерген жоқ. Бірақ бұдан кейін таразы басы бізге қарай тарта бастап, “Астана” есеп айырмасын ұлғайтқан үстіне ұлғайта түсті. Бажин екі ұпай еншілеп, капитан тағы үш ұпайлық доп салды, оны үш ұпайлық соққысымен Айтқали да қолдады. Бұдан кейін ол тағы шығыршыққа доп салып, қонақтарды қайтадан тайм-аут алуға мәжбүрледі. Бір минуттық үзіліс біздің команданың қарқынын бас алмады. Рустам Мырзағалиев тағы бір үш ұпайлық соққысын нысанаға дөп түсірді, ал Айтқали тағы бір жылдам шабуылды түйіндеп, допты 182 градус шыр айналып, шығыршықтың үстінен тоғытты. “Астана” соңғы кезең қарсаңында есеп айырмасын әжептәуір ұлғайтып, жеңіске жететіндерін де белгілі бола бастады – 78:51. Төртінші кезеңнің басында Роберт Пан, Вадим Щербак және Руслан Айтқали доп салып, біздің команданың басымдығы 30 ұпайдан да асып кетті. Ал қонақтардың ойын өрнектері үйлеспей, соққылары нысанаған сирек жетіп отырды. Кезеңнің ортасы аса нәтижелі болып, Роберт Пан екі рет доп салды. Бұдан кейінгі үш минутта біздің команда бірде-бір ұпай еншілей алмады. Ал қонақтар бір ғана доп салды. Содан кейін Мырзағалиев доға сыртынан тағы да мергендік танытты. Одан кейін біздің жігіттер қатарынан үш шабуылды сәтті аяқтады – Литвиненко, Гаврилов және Тихоненко екі ұпайдан еншіледі. Матч соңында “Ақтөбе” бес ұпай олжалады. Әйтсе де, бұл ойында біздің команда өте ірі есеппен жеңіске жеті – 98:59.
Ең көп ұпай еншілегендер:
Салдары: “Астана” әлі жеңілістің кермек дәмін татпай, турнир кестесінде жеке-дара көш бастап келеді.
Келесі матч: “Ақтөбемен” өтетін өзара екінші матч ертең, 24 желтоқсан күні, Нұр-Сұлтандағы “ Сарыарқа ” велотрегі аренасында өтеді. Басталуы – астана уақытымен 19:30-да. Матчтың онлайн-трансляциясы біздің сайтымыздың басты бетінде жүргізіледі.
Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.
