«Астана» баскетбол клубының оңтүстік астанаға барған соңғы сапарына да бір жылдан асып кетті. Осындай ұзақ үзілістен кейін біздің команда «Алматы легионымен» Ұлттық лигада аясында түзде, 8 және 9 желтоқсан күндері кездеседі. Екі матч та Әл-Фараби атындағы ҚазҰУ спорт залы алаңында өтеді. Басталулары – астана уақытымен 20:00-де.

«Алматы Легионы» – Қазақстанның ерлер арасындағы кәсіпқой баскетбол клубы, Алматы қаласынан, 2006 жылы құрылған «Алматы» баскетбол клубының құрамына енеді.

Жетістіктері:

• Қазақстан кубогының екі дүркін жеңімпазы — 2015, 2016
• Қазақстан Жоғарғы лигасының чемпионы — 2017/2018
• Қазақстан Жоғарғы лигасының күміс жүлдегері — 2016/2017
• Қазақстан Ұлттық лигасының күміс жүлдегері — 2007/2008, 2014/2015
• Қазақстан Ұлттық лигасының қола жүлдегері — 2008/2009

Команда құрамы: 

Былиырғы маусымда, қаржы мәселесіне байланысты, команданың негізгі құрамы Ұлттық лига додасына қатысқан жоқ, клуб тек екінші құрамын Жоғарғы лигаға қосты. Биылғы маусымда алматылықтар бұған дейін «Легиондарда» ойнаған ойыншылардың көбісін құрамдарына тартты. Бірақ біз жаңа ойыншыларынан бастайық. Ресей қорғаушысы Сергей Марихин бұған дейін “Нижний Новгород” клубының намысын қорғаған және 2017 жылғы қаңтар айында “Астанаға” қарсы ойнаған. Одан кейін “Рязань”, “Динамо” (Ставрополь) және “Зенит 2” командалары сапында өнер көрсетті. Бірақ ол алиатылықтар сапына тіркелгенімен, биылғы маусымда әлі бірде-бір ойын өткізген жоқ. Александр Кодола – тәжірибелі украин қорғаушысы, Мәскеуде туған. Ол “Кировогрд” және “Житомир” сапында Украина бірінші лигасының жеңімпазы болған, жеті жылдың ішінде. Сондай-ақ 3х3 баскетболында ерекше көзге түсіп, 2019 жылы PRO санаты бойынша және 2020 жылы Украина чемпионаттарының алтын жүлдесін жеңіп алған. Әрі 3х3 баскетболынан Украина чемпионатының суперлигасында күміс жүлдегер атанған. Сонымен қатар, алматылықтар сапында қазір ресейлік қорғаушы Роман Лагутин ойнайды. Ол осыдан екі маусым бұрын алматылықтардың намысын қорғаған. Ал оған дейін “Автодор”, “Спартак” (Санкт-Петербург) және “Иркут” сынды Ресей клубтарында өнер көрсеткен. Ал былтырғы маусымды Көкшетаудың “Синегорье” командасында өткізді. “Легиондар” сапындағы енді бір легионер – өзбекстандық орталық шеп ойыншысы Дмитрий Свиридов. Оның Қазақстан баскетболының өз ойыншысына айнала бастағанына да біраз жыл болды. Дмитрий кезінде Беларусьтің “Гродно 93” және “Минск”, Словенияның “Хопси” және Косовоның “Беса”, сондай-ақ Грузияның “Цхалтубо” командалары сапында ойнаған. Бірақ соңғы сегіз жылда толықтай дерлік Қазақстанда ойнап, “Атырау Барыстары”, “Қапшағай”, “Каспий” және “Алматы Легионы” командаларының намысын қорғады.



Қазақстан ойыншылары ішінен, әрине, орталық шептегі Всеволод Фадейкин мен шабуылшы Роман Марчукті бөле-жара атап өтуге болады. Екеуі де кезінде “Астана” сапында ойнаған. Бірақ Роман Марчук қазір “Легион” сапында үнемі ойнап жүр де, Фадейкин әзірше бірде-бір ойын өткізбей, команданың қағаз жүзіндегі ойыншысы ғана болып отыр. Команданың қазақстандық негізгі күші Вадим Коржов, Темірлан Жүнісов, Никита Тимофеев, Әнуар Шәкіров және Константин Марзан сынды ойыншылар болып саналады, ал Даниеэль Альбрант пен Максим Раковских “Алматы Легионы” сапыда әлі алаңға шыққан емес. Сонымен қатар, клубтың екінші командасы бар, биыл олар Жоғарғы лигада ойнайды – “Алматы Легионы 2”. Олардың сапынан негізгі құрамға көмек ретінде Станислав Сахипов жиі тіркеліп отырады. Бір рет Вадим Фабрикантов та тіркелген.

Бас бапкер: 

Биылғы маусымда «легионерлердің» тізгінін Ресей маманы Олег Киселев ұстады. Ол бұған дейін де Алматы командасын жаттықтырған. Ал оған жас жаттықтырушы Леонид Воронушкин көмектеседі. Биылғы маусымда ол алғаш рет бапкер ретінде бақ сынап отыр. Леонид бұған дейін “Алматы Легионының” ойыншысы болған.

Команда көшбасшылары: 

«Легион» ардагері Дмитрий Свиридов – дәл қазір алматылықтардың ең тиімді және көп ұпай еншілеген ойыншысы. Енді бір көшбасшысы – Роман Марчук. Сонымен қатар, Вадим Коржов пен Роман Лагутин де команданың негізгі күштері болып саналады. Негізгі құрам ойыншылары ретінде Александр Кодола, Әнуар Шәкіров, Темірлан Жүнісов және Никита Тимофеевті де атап өтуге болады. Ал Константин Марзан мен Станислав Сахипов алаңға жиі қосылып отырады.

Кездесулер тарихы: 

Қазақстан чемпионаттары аясында “Астана” “Алматы Легионымен” 13 рет кездесті. Сонымен қатар, бір рет Қазақстан кубогы аясында жолдары түйісті. Жалпы, бұл ретте астана командасы үстемдік танытып келеді – 14 ойын, 14 жеңіс.

Турнир кестесіндегі жағдай: 

“Астана” дәл қазір Қазақстан чемпионатында үстемдік құрып, сегіз ойынның сегізінде де жеңіске жетіп, бірінші орында көш бастап келеді. “Алматы Легионы” қазір турнир кестесінің екінші сатысында тұр. Олар сегіз ойынның екеуінде ұтылып қалды. Алдағы екі ойын алматылықтардың турнир кестесіндегі жағдайына айрықша әсер етеді. Олардың бірінші орынға шығып кетуге болатын да мүмкіндіктері бар. Бірақ ол үшін екі матчта да жеңіске жету керек. Ал егер екі рет ұтылса, онда олар үшінші орынға сырғиды.

Қызықты деректер: 

• “Алматы Легионының” қазіргі бас бапкері Олег Киселев кезінде “Атырау Барыстарын” жаттықтырып, “Астананы” 2015/2016 жылдар маусымында Қазақстан чемпионы атағынан айырған.
• Қазір “Алматы Легионы” сапында команда көшбасшыларының бірі болып жүрген Роман Марчук осыдан бірер жыл бұрын “Астана” сапында ойнаған, әрі ол – астана командасының шабуылшысы Максим Марчуктің ағасы.

Матчтар сейсенбі және сәрсенбі күндері – 8 және 9 желтоқсанда Алматыдағы Әл-Фараби атындағы ҚазҰУ спорт залы алаңында өтеді. Екі матч та астана уақытымен 20:00-де басталады. Матчтардың онлайн-трансляциялары сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

“Астананың” оңтүстік астанаға жолы түспей, “Алматы Легионына” қонаққа бармағанына бір жылдан асып кеткен еді. Алматылықтар осы ойынның алдында турнир кестесінің екінші сатысында тұрған және біздің командаға жеңісті қолдан берместері анық еді. Ал елорда ұжымы Алматыға фаворит ретінде барды. Эмиль Райкович бұл ойында алаңға легионерлерден Девин Марбл мен Джеремайя Хиллді шығарды.

Ойынның басында біздің команда толықтай үстемдік көрсетті. Бұл матчта Дэвин Марбл есеп ашып, ал Роберт Пан үш ұпайлық добымен қоса, екі айып соққысын да мүлтіксіз орындап, біздің команда бірден қара үзіп кетті. Дмитрий Гаврилов пен Максим Марчук ойынның төртінші минутында есеп айырмасын 13 ұпайға жеткізді. Ал алаң иелері болса, бірде-бір ұпай еншілей алмай, қара терге түсті. Алматылықтар матчтың төртінші минутының соңында ғана шығыршықты дәл көздеп, біздің ойыншылармен тайталаса бастады. Содан бірінші кезеңнің соңына дейін доп додасы біршама тең деңгейде өтті. Осы уақыт аралығында таблодағы команда қоржынына Джеремайя Хилл, Рустам Мырзағалиев, Антон Пономарев және Асқар Майдекин ұпай қосты. Ал Вадима Щербак екі мәрте үш ұпайлық соққысымен бірінші кезеңнің нүктесін қойды – 16:31. Біздің жігіттер алға ұзап кетті. Екінші кезеңні бастапқы минуттарында “Астана” 15 ұпай басымдықты уысынан шығармай, ұстап тұрды. Бірақ “Алматы Легионы” еңсесн түсірмей тайталасып, тіпті ойын тізгінін өз қолдарына ала бастады. Біздің команданың басымдығы ешқайда кеткен жоқ, бірақ кезеңнің бел отасына қарай екі еседей қысқарып, сегіз ұпайды құрады. Әйткенмен, Джеремайя Хилл, Вадима Щербак және Роберт Панның еншілеген ұпайлары тез арада “Астана” басымдығын 14 ұпайға дейін жеткізді. Матчтың бірінші жартысының соңына дейін “Легион” тағы да есеп айырмасын қысқарта түсті, бірақ үлкен үзіліске командалар 11 ұпай айырмасымен шықты – 39:50.



Алаң иелері шығыршық ауыстырғаннан кейін де тайталасып, біздің команданың алысқа үзап кетуіне жол берген жоқ. Ал есеп айырмасы болса, үшінші кезеңінің бастапқы бес минутында он сегіз ұпайға дейін ұлғайып, “Астана” атой салды. “Легионерлер” өрнекті ойын өрнегін көрсетіп, үшінші кезеңнің бес минут уақыты өткенде, он екі ұпай айырмасымен ұтылып жатты, яғни бес минут ішінде бір ғана ұпай есе жіберді. Алматылықтар тіпті өздерінің ойын өрнектерін жетілдіре түсіп, үшінші кезеңінің аяқталуына екі минут жиырма секунд қалғанда, есепті біршама қысқартып, тоғыз ұпай айырмасымен ұтылып жатты. Әрі дода көрігі мейілінше қыза түсті. Алайда Девин Марбл, Максим Марчук және Асқар Майдекин еншілеген ұпайлар “Астана” басымдығын қайтадан екі таңбалы санға жеткізді. Осылай үшінші кезең 13 ұпай айырмасымен аяқталды – 60:73. Ал төртінші кезеңде астана командасы алаң иелерінің адымдарын аштырмай, екі минуттың ішінде есеп айырмасын жиырма ұпайдан да асырды. Әрі біздің жігіттер мұнымен тоқталған жоқ, алматылықтырды қыспаққа ала түсті. Соңғы кезеңнің ортасына қарай Джеремайя Хилл біздің басымдығымызды отыз ұпайға жеткізді. Алаң иелерінің төртінші кезеңде ойындары мүлде үйлеспей, олар тізгінді біздің командаға беріп қойды. Матчтың аяқталуына отыз ұпаймен қара үзіп кеткен “Астананың” бұл ойында жеңіске жететіндігін меңзеп тұрды. Ойынның аяқталуына екі жарым минут қалғанда Андрей Литвиненко біздің команданың ұпай қорын жүзге жеткізді. Ал “Астана” отыз бес ұпай айырмасынан да артық есеппен ұтып жатты. пяти очков. Бұл матчтағы соңғы ұпайларды Антон Пономарев еншілеп, есепті түйіндеді – 67:107.

Ең көп ұпай еншілегендер:

• «Астана» – бұл ойында астана командасының алаңға шыққан ойыншылары түгелдей ұпай еншіледі. Ал ең көп ұпай жинаған ойыншымыз Асқар Майдекин болды – 22 ұпай. Сонымен қатар, ол 5 рет доп қағып алды және 3 нәтижелі пас берді. Джеремайя Хилл өз еншісіне 15 ұпай жазып, 5 рет доп қағып алды, 3 пас беріп, 3 рет допты тартып әкетті. Девин Марбл мен Роберт Пан 13 ұпайдан еншіледі, бірақ Роберт онымен шектелген жоқ, 6 рет доп қағып алды. Антон Пономарев 12 ұпай олжалап, 7 рет доп қағып алды және 4 рет допты тартып әкетті. Ал Максим Марчук небәрі 3 ұпай еншілесе де, 13 рет доп қағып алды және 3 пас беріп, 3 рет допты тартып әкетті.
• «Алматины Легионы» – алматылықтар сапында ең көп ұпай жинаған Роман Лагутин болды – 27 ұпай, 4 рет доп қағып алды және 2 рет допты тартып әкетті. Ал Дмитрий Свиридов 8 ұпай еншілеп, 12 рет доп қағып алды.

Салдары: “Астана” әлі жеңілістің кермек дәмін тапып көрмей, Ұлттық лигада көш бастап келеді. Ал “Алматы Легионы” бүгінгі жеңілісінен соң, екінші орыннан айырылып қалып, алдарына “Атырау Барыстарын” шығарып алды.

Келесі матч: «Алматы Легионымен» өтетін екеуара екінші ойын ертең, яғни 9 желтоқсан Алматыда, Әл-Фараби атындағы ҚазҰУ спорт залы алаңында өтеді. Басталуы – астана уақытымен 20:00-де. Матчтың онлайн-трансляциясы сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.