25 сәуірден 16 майға дейін XXX Қазақстан чемпионатының ерлер арасындағы Ұлттық лигасында плей-офф додасы өтіп, 2021/2022 мерейтойлы маусымдағы еліміздің ең үздік командасы анықталады.
Чемпиондық тәжді сарапқа салу 1/2 финалынан басталып, ел біріншілігінің негізгі додасында топ жарған елорданың «Астанасы» былтырғы өз атағын қорғап қалуды Қостанайдың «Тобылымен» бастайды.
Плей-офф сатысындағы барлық кездесулер алма-кезек екі ұжымның алаңында, 2+2+1 сұлбасы бойынша өтеді. Бірақ бірінші жартылай финалдық жұптағы “Астана” мен “Тобыл” арасындағы бастапқы үш матч екі команданың ортақ келісімімен астана командасыны алаңында, яғни 25, 26 және 28 сәуір күндері «Сарыарқа» республикалық велотрегінде өтеді. Матчтардың басталуы – астана уақытымен 19:30-да. Қажет болса, өтуі тиіс төртінші және бесінші ойындарды да Нұр-Сұлтанда өткізу жоспарланған – 29 сәуір мен 3 мамырда.
Финалдық дода мен 3-ші орынды сарапқа салу 8 мамырда басталып, максимум 16 мамырға дейін созылады.
Плей-офф сатысындағы барлық ойындардың онлайн-трансляциясы біздің сайтымыздың басты бетінде жүргізіледі – pbcastana.kz.
«Тобыл» – Қазақстанның ерлер арасындағы кәсіпқой баскетбол клубы, Қостанай қаласынан.
Жетістіктері:
Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.
“Астана” мен “Тобыл” Ұлттық лига финалы жолдамасын сарапқа салуды бастады. Елорда ұжымы ел чемпионатының негізгі додасындағы екеуара матчтардың бәрінде де басымдық танытқан, әрі жартылай финалдық додада сөзсіз фаворит болып саналады.
Ойын барысы: Бұл матчты алаң иелері аса жоғары қарқында бастап, олардың басымдығы лезде екі таңбалы санға жетті. “Тобыл” бірінші кезеңнің ортасына қарай есеп айырмасын сәл де болса қысқартты, бірақ соңғы минуттарда қайтадан қарсыласына төтеп бере алмай қалды. Сөйтіп, “Астана” бірінші онминуттықта екі еседен артық есеп айырмасымен үстем түсті – 33:15. Сары-көкшілдер екінші кезеңде де көсіле сілтеп, үш минут ойын уақытынан соң +25 ұпаймен қара үзе бастады. Алайда үлкен үзіліске дейін ойын өрісі теңесіп, командалар арасы өзгерген жоқ. Осылай, астаналық 25 ұпай басымдық сақталып қалды – 52:27. “Астана” бұл басымдықты қанағат тұтып, шығыршық ауыстырған соң осы есеп айырмасынан уысынан шығармауды ғана ойлады. Үшінші кезеңде алаң иелері қарқындарын бәсеңсітіп, соның арқасында осы ойын бөлігінде қостанайлықтар басым болды. Бірақ олар жалпы есепті үш ұпайға ғана кемітті – 70:48. Соңғы онминуттықта “Тобылдың” ойын өрісін өзгертерліктей мүмкіндігі болған жоқ. Ал “Астана” жеңіске қарай адымдай түсті. Матчтың аяқталуына бес минут қалғанда олар 30 ұпайдан артық есеп айырмасымен алда тұрды. Әрі еш қиындықсыз бұл ойынды ірі жеңіспен аяқтады – 95:69.
Маңызды сәт: “Астана” бірінші кезеңде айқын басымдық танытып, қара үзіп кетті, сөйтіп бүгінгі жеңісінің түпнұсқасын қалап алды.
Матч үздігі: “Астана” тамаша командалық ойын үлгісін көрсетіп, бес ойыншысы бірдей он және одан артық ұпай еншіледі.
Көп ұпай жинағандар:
Салдары: “Астана” “Тобылмен” өтіп жатқан жартылай финалдық додада алға шықты.
Келесі ойын: Ертең, 26 сәуір күні “Астана” мен “Тобыл” жартылай финалдық кезеңде екінші рет додаға түседі. Бұл ойын да астанадағы “Сарыарқа” велотрегі алаңында өтеді. Ойынның басталуы – астана уақытымен 19:30-да. Матчтың онлайн трансляциясы біздің сайтымыздың басты бетінде және «In Sport» телеарнасы эфирінде жүргізіледі.
Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.
