Турнирлер

Турнир жайлы

Ақпарат

Мемлекет: Ресей Құрылған жылы: 2009 Сайт: www.vtb-league.com
Өтетін уақыты: 30.09.2023 – .. Командалар саны: 14 Өткен маусымдағы жеңімпаз: УНИКС

Сипаттамасы

ВТБ Бірыңғай лигасы – баскетболдан ерлер арасындағы кәсіпқой командалардың жыл сайынғы халықаралық клубтық турнирі. FIBA ресми додасы болып табылады. Турнирді 2008 жылы Шығыс Еуропадағы үздік клубтарды біріктіру мақсатында ВТБ мен Ресей баскетбол федерациясы бірлесе құрған.

2023/2024 маусымда тұрақты чемпионат 2 кезеңге бөлінеді. Бірінші кезеңде 14 команда 2 айналым ойнайды – әрқайсысы әрқайсысымен ойнайды (үйде және қонақта), содан кейін командалар тағы 2 топқа ірікиеледі – А тобы (1-6 орын алған командалар) және В тобы (7-14 орын алған командалар). Екінші кезеңде командалар өз топтарында тағы 2 айналым ойнайды.

Тұрақты чемпионаттың қорытындысы бойынша А тобының командалары плей-оффқа тікелей іріктеледі. Екінші кезеңнің қорытындысы бойынша Б тобының 4 үздік командасы плей-оффтың қалған 2 орны үшін плей-ин кезеңінде күш сынасады.

Чемпион плей-оффта анықталады: ширек финалдық мен 3-орын сериялары 3 жеңіске дейін, жартылай финалдық және финалдық сериялар 4 жеңіске дейін өтеді.

Турнирді өткізудің егжей-тегжейлі жүйесі ВТБ Бірыңғай лигасының сайтында, 2022/2023 маусымы ВТБ Бірыңғай лигасы чемпионатының Регламентінде жарияланған.