Ұлттық лигадағы ерлер командалары арасындағы XXVIII Қазақстан чемпионаты
Астана
Астана
Ұлттық лига, Тұрақты біріншілік
19.11.2019, 19:30 Сс
Арена: «Сары-Арқа» велотрегі (Астана)
89:81
Негізгі уақыт
23:17 26:21 21:23 19:20
Ойын нөмірі: 25
Көрермен: 0
Атырау Барыстары
Атырау

Елордада «Астана» мен «Атырау Барыстары» тағы да кездеседі

18.11.2019, 09:00    Просмотров: 529
Источник: Баспасөз қызметі
Автор:
«Астана» Президенттік баскетбол клубы Ұлттық лигада аясында «Атырау Барыстарын» өз алаңында қабылдайды.

«Атырау Барыстары» – Қазақстанның ерлер арасындағы кәсіби баскетбол клубы, Атырау қаласынан. 2003 жылы құрылған.

Жетістіктері:
  • Қазақстан чемпионы: 2010/2011, 2015/2016
  • Қазақстан чемпионаты Ұлттық лигасының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019
  • Қазақстан чемпионаты Жоғары лигасының жеңімпазы: 2014/2015
  • Қазақстан кубогының иегері: 2009
  • Қазақстан кубогының күміс жүлдегері: 2010, 2011, 2012, 2017, 2018

Бұл – екі команданың қайта жолығуы, әрі алдағы қос ойын Ұлттық лига чемпионатының биылғы маусымындағы соңғы кездесулері болады. Бұған дейінгі екі матч осыдан бір айға да жетпес уақыт бұрын Атырауда өткен. Онда елорда командасы қарсыласына ешқандай да мүмкіндік бермей, екі ойында да ірі есеппен жеңіске жеткен болатын – 67:102 және 67:86. Дәл осы матчтардан соң атыраулықтар бір ғана командамен кездесті – түзде олар Ақтаудың «Каспий» клубын екі рет тізе бүктірді. Жалпы, жасыл-ақ жейделілер маусым басталғалы 10 ойын өткізіп, үш рет жеңілістің кермек дәмін татты. Өз алаңында біздің жігіттерден екі мәрте ұтылып, бір рет «Торбылға» есе жіберіп алды. Сондай-ақ «Ақтөбеден» қос кездесуде де, яғни төрт ойында да басым түсіп, «Каспийді» түзде екі рет жеңіп, «Тобылды» бір рет тобықтан қақты. Ал Эмиль Райковичтің шәкірттері болса, Ұлттық лигада әлі жеңілген жоқ. Сегіз ойын өткізіп, бәрінде де басым түсті. Әрі турнир кестесінде жүз пайыздық көрсеткішпен көш бастап келеді.

Қарсыластың көшбасшылары: Егер қарсыласымыздың құрамына көз жүгіртер болсақ, онда Атырау командасының ең тиімді ойыншысы –орталық шептегі қазақстандық баскетболшы Владимир Иванов, ол өз ұжымында қайтқан допты қағып алудан да үздік. Америкалық легионерлер – қорғаушы Брейси Лисандер мен ойын үйлестіруші Райан Кук команда қоржынына ең көп ұпай салып жүргендер – тиісінше, орта есеппен бір ойында 15,83 және 14 ұпайдан. Кук команданыңнегізгі плеймейкері ретінде нәтижелі пас үлестірумен көзге түсіп жүр. Ал қарсы команданың доптарын тартып әкетуден Қазақстан қорғаушысы Рустам Өтеген көш бастап келеді. Бұлардан бөлек, «Атырау Барыстарының» негізгі құрамында Қазақстан қорғаушысы Әділхан Марат мен шабуылшысы Асқар Ахметжан, сондай-ақ Ресей қорғаушысы Игорь Савченко ойнап жүр.
 
Командадағы өзгеріс: Команда көшбасшыларының бірі америкалық Донте Ламонт МакГилл атыраулықтар сапынан кетіп қалды. Ол біздің командамен өткен бірінші кездесулерде ойнаған жоқ болатын. Есесіне, команда сапына жаңа екі ойыншы қосылды. Бірақ Қазақстан қорғаушысы Александр Чигрин әлі бірде-бір ойында алаңға шыққан жоқ, ал америкалық Эдуард Чарльз Картер III Ақтауда екі ойын өткізіп, команда көшбасшыларының бірі болды. Естеріңізе сала кетейік, ол өткен маусымның те жартысын дәл осы «Каспий» сапында өткізген болатын. Әрі ақтаулықтардың көшбасшыларының бірі болған және «Астанаға» қарсы ойнаған. Қазақстанға келгенше ол Македония және Косово чемпионаттарында өнер көрсеткен.
 
Турнир кестесіндегі жағдай: «Атырау Барыстары» бұған дейінгі Ақтауда өткен екі матчта жеңіске жетулерінің арқасында турнир кестесінің екінші орнына қайта көтерілді. Бірақ олар Нұр-Сұлтанда екі рет ұтылса, онда қайтадан үшінші орынға сырғуы, Қостанай клубының алдын орап кетуі әбден мүмкін. Алдағы екі ойында «Астана» фаворит болып есептеледі. Тіпті осы екі матчта «Барыстар» жеңіске жетсе де, біздің команда көш басындағы орнынан айырылмайды.

Матчтар сейсенбі және сәрсенбі күндері – 19 және 20 қарашада Нұр-Сұлтандағы «Сарыарқа» велотрегі алаңында өтеді. Матчтардың басталуы – астана уақытымен 19:30-да. Кіру тегін. Матчтардың онлайн-трансляциялары біздің сайтымыздың басты бетінде жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Атырау Барыстары» азуын білесе де, елордада «Астанадан» ұтылды

20.11.2019, 10:00    Просмотров: 447
Источник: Баспасөз қызметі
Автор:
«Астана» Президенттік баскетбол клубының Ұлттық лига маусымындағы «Атырау Барыстарымен» өткен үшінші кездесуі елорда командасының кезекті жеңісімен аяқталды.

Естеріңізге сала кетейік, бұған дейін Атырауда өткен екі матчта да елорда командасы қарсыласына ешқандай мүмкіндік бермей, екеуінде де ірі есеппен жеңіске жеткен болатын. Өз алаңындағы бірінші ойында елорда командасының легионерлері сапынан алаңға екі Хилл шықты – Малкольм және Джеремая.

«Астана» алаң иесі екенін бірден сездіріп, есеп ашқанымен, ойын тізгінін лезде өз қолдарына ала алмады. «Атырау Барыстары» іле-шала алға шығып, бес минут бойы дес бермеді. Алғашқы он минуттықтың қалған уақытын біздің команда сәтті өткізіп, соның арқасында алға шықты, қонақтардан 6 ұпай ұзап кетті. Мұндай есеп айырмасы біздің команданың ойыншыларының да, жаттықтырушыларының да көңілдерінен шыға қоймады. Сондықтан екінші кезеңнің басы өте нәтижелі болып, Эмиль Райковичтің шәкірттері көсіле сілтеп, есеп айырмасы 10 ұпайдан асып түсті. Әйткенмен, жасыл-ақ жейделілер намысты қолдан бермеуге тырысып, табан тіресе тайталасты. Әрі олар екі минуттың ішінде есеп айырмасын 3 ұпайға дейін қысқартты. Одан әрі дода көрігі қыза түсті. «Атырау Барыстары» тізгін тартпай, барлық күш-жігерлерін салып, біздің команданың құйындай орап соққан қарқынына төтеп беруге тырысты. Алайда біздің жігіттер қайсарлық танытып, үлкен үзіліске дейін есеп айырмасын 11 ұпайға жеткізді – 49:38



Үшінші кезеңде табан тірескен дүлей дода толастаған жоқ, «Барыстар» азуларын білеп, жанкештілік танытты. «Астана» өз кезегінде үстемдік құруын жалғастырып, бес минут ойын уақыты ішінде есеп айырмасын 18 ұпайға жеткізді. Мұны енді айқын басымдық деуге болушы еді. Алайда бұл да қонақтардың сағын сындыра алмады. Олар әр мүмкіндікті мүлт жібермеуге тырысып, алға қарай ентелей берді. Үшінші кезеңнің екінші бес минуттығында қонақтар көсіле шапты. Сөйтіп олар есеп айырмасын екі есе қысқартты. Ал соңғы кезең алдында елордалық гандикап небәрі 9 ұпайды құрады. Үш кезең бойғы «тербеліс» төртінші кезеңде де дода көрігі қыза түсет індігін меңзеп тұрғандай еді. «Атырау Барыстары» төртінші кезең басталған бетте есеп айырмасын 4  ұпайға дейін қысқартты. Бұдан кейін қиын-кескі дода басталды. Біздің жігіттер дер кезінде қарқындарын үдетіп, матч соңында жеңісті уыстарынан шығарған жоқ – 89:81 (23:17, 26:21, 21:23, 19:20).

Бұл ойын маусым басталғалы бері «Астананың» Ұлттық лигадағы ең тартыстысы болды. «Атырау Барыстары» біздің жігіттердің жүйкелерін жұқартып, тайсалмай қарсыласты. Сонымен, біздің команда жеңісті жолын жалғап, әлі жеңілістің кермек дәмін татып көрмей, көш басында тұр. Ал «Атырау Барыстары» осы жеңілістерінен соң екінші орыннан үшінші сатыға сырғыды.
 

Ең көп ұпай еншілегендер:
  • «Астана» — бұл ойында көсіле шауып, ең көп ұпай жинағандар Александр Жигулин мен Малкольм Хилл болды, әрқайсысының еншісінде – 23 ұпайдан. Сонымен қатар, Александр 8 рет доп қағып алды, ал Малкольм бұл көрсеткіш бойынша бір допқа ғана қалып қойды.
  • «Атырау Барыстары» — атыраулықтар сапында Эдуард Картер III Чарлез теңдессіз шықты, оның еншісінде – 27 ұпай, 5 рет доп қағып алды және 2 пас, сондай-ақ Владимир Иванов 14 ұпай еншгілеп жіне 7 рет доп қағып алып, өз командасының нәтижесіне сүбелі үлес қосты.

Келесі матч: ертең, яғни 20 қараша күні «Астана» мен «Атырау Барыстары» арасындағы Ұлттық лига чемпионатындағы соңғы кездесу өтеді. Басталуы – астана уақытымен 19:30-да.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2005 Клубтық түстері: ақ, жасыл
Мемлекет: Қазақстан Арена: AIROM ARENA
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
  • Жоғары лигасының жеңімпазы: 2014/2015
  • Қазақстан Кубогының иегері: 2009, 2022
  • Қазақстан Кубогының күміс жүлдегері: 2010, 2011, 2012, 2016, 2017, 2018
  • Қазақстан Кубогының қола жүлдегері: 2020, 2021

Команданың жалпы суреті

Атырау Барыстары