Қазақстан кубогының финалында «Астана» «Тобылмен» додаға түседі

Тура былтырғыдай, Қазақстан кубогының финалында «Астана» баскетбол клубы командасына Қостанайдың «Тобылы» қарсылас болады. Турнирдің бас бәйгесі сарапқа салынатын шешуші ойын сейсенбі күні, 16 наурызда өтеді. Басталуы – астана уақытымен 17:30-да.

«Тобыл» – Қазақстанның ерлер арасындағы кәсіпқой баскетбол клубы, Қостанай қаласынан. 2003 жылы құрылған.

Жетістіктері:

• Қазақстан чемпионатының жеңімпазы: 2003/2004
• Қазақстан чемпионатының күміс жүлдегері: 2004/2005, 2005/2006, 2006/2007, 2008/2009, 2009/2010, 2010/2011
• Жоғарғы лига жеңімпазы: 2013/2014, 2015/2016, 2016/2017
• Жоғарғы лиганың күміс жүлдегері: 2010/2011
• Қазақстан кубогының иегері: 2005
• Қазақстан кубогының финалына шыққан: 2003, 2006, 2008, 2009, 2012, 2015, 2020
• Қазақстан кубогының қола жүлдегері: 2018

Бұл біздің команданың биылғы ел кубогы додасында қостанайлықтармен екінші рет кездесуі болады. Топтық кезең аясында астана ұжымы оларды аса қиналмай ұтып, 95:61 есебімен үстемдік танытқан болатын. Естеріңізге сала кетейік, 2020 жылғы Қазақстан кубогының финалында да «Тобыл» «Астанамен» додаға түскен. Бірақ елорда ұжымына төтеп бере алмай, ойсырай ұтылып қалған – 66:102. Осыларлы ескерсек, алдағы финалда да “Астана” негізгіфаворит болуы керек.

Команда көшбасшылары: Бұл турнирде Қостанай ұжымының нағыз көшбасшысы – Антон Быков. Сондай-ақ топтық кезеңнің қорытындысы бойынша Дмитрий Климов, Павел Ильин және Шайым Қуанов нәтижелі ойын үлгісін көрсетіп жүр. Команданың енді бір үздік ойыншысы, яғни Константин Двирный бұл турнирдегі үш ойынның біреуінде ғана алаңға шықты.

Матч сейсенбі күні, 16 наурызда Щучинскідегі «Жақсы-2» спорт базасы аренасында өтеді. Басталуы – астана уақытымен 17:30-да. Матчтың онлайн-трансляциясы біздің сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.