Бейсенбі, 19 ақпанда астаналық команда FIBA WASL — West Asia League топтық кезеңі аясында сырт алаңда «Әл-Вахдаға» қарсы ойнайды. Матч Ливандағы Noshed Nawfal Sports Complex аренасында өтеді, ал ойын жергілікті уақыт бойынша сағат 21:00-де басталады деп жоспарланған. 
Турнирдің келесі кезеңіне шығу мүмкіндігінен айырылған сириялық клуб маусымды жақсы көңіл-күймен аяқтап, жанкүйерлеріне өз алаңында жеңіс сыйлауға талпынады. Дегенмен, турнирлік кестедегі көшбасшылық орнын сақтап қалуға тырысатын «Астана» осы мақсатына жету үшін барын салып, ойынға жоғары дайындықпен шығатыны сөзсіз. 

Командалардың желтоқсан айында өткізген өзара кездесуінде қазақстандық ұжым ойын бойы жоғары қарқын көрсетіп және шабуылда тиміді ойнап, 88:64 есебімен сенімді жеңіске қол жеткізген. 
«Астана» үшін плей-офф кезеңінде өз алаңында ойнауы үшін турнирлік кестедегі көшбасшылық орнын сақтап қалуы маңызды. 
Қазақстандық клуб маусым бойы нағыз командалық ойын өрнегін көрсетіп келеді, ал команданың нәтижесінде шешуші рөлді келесі ойыншылар атқарып жүр:

Адас Юшкявичюс — «Астана» сапында ұпай саны бойынша көшбасшы ойыншы. Ол бір ойында орта есеппен 16.0 ұпай еншілеп, допты алу мен нәтижелі пастарға да елеулі үлесін қосады;

Эрик Дэй — орта есеппен 15.8 ұпай мен 7.8 пас олжалап, команданың шабуылын ұйымдастыруда маңызды рөл ойнайтын баскетболшы; 

Роберт Пан — әр кездесуде орта есеппен еншілейтін 14.9 ұпайы мен 8.0 рет допты алуының арқасында командадағы бірегей ойыншылардың бірі саналады әрі оның тиімділік көрсеткіші тұрақты түрде жоғары;

Сириялық клуб болса, өзінің жетекші ойыншыларының нәтижелі ойын өрнегіне сенім артады:

James Justice Jr. — орта есеппен бір ойында 24.3 ұпай еншілейтін, тиімділік көрсеткіші жоғары және 5.2 пас беретін команданың үздік сұрмергені.

Domagoj Proleta — бір матчта 22.0 ұпйа еншілеп, 6.5 рет допты алатын маңызыд скорер-ойыншы. 

Falando Cortez Jones — әр кездесуде орта есеппен 14.7 ұпайды өз есебіне жазып, шабуылда маңызды рөл ойнайтын баскетболшы. 

Ойын Ливандағы Noshed Nawfal Sports Complex аренасында өтіп, Астана уақытымен сағат 23:55-те басталады.

FIBA West Asia Super League топтық кезеңінің соңғы сырт алаңындағы матчында елордалық «Астана» Ливандағы Nouhad Nawfal Sports Complex аренасында сириялық «Әл-Вахдаға» қарсы ойнады. 

Екі команда да матч бойы таласқа толы ойын өрнегін көрсетіп, жанкүйерлер қос ұжымның да алма-кезек шабуыл алмасқан кездесуіне куі болды. Нәтижесінде номиналды алаң иелері 99:89 есебімен жеңіске жетті. 
Ширектердегі есепке тоқталсақ, әр он минуттық 26:29, 21:30, 27:15 және 25:15 есебімен «Әл-Вахданың» пайдасына аяқталды. Сириялық ұжым ойынның екінші жартысының соңынан бастап ойын барысын өзгерте алып, басымдығын сақтап қала алды. 

«Астана» сапында ұпай саны бойынша Эрик Дэй көш бастап, дабл-дабл авторы атанды — 23 ұпай, 10 пас пен 4 рет допты алу. Сонымен қатар, Руслан Айтқали (17 ұпай), Асқар Майдекин (15 ұпай, 5 рет допты алу) мен Александр Жигулин (12 ұпай, 7 рет допты алу) нәтижелі ойын өрнегін көрсете білді. 

Сириялық клуб құрамында 30 ұпай еншілеп, кездесудің шешуші ширегінде маңызды ойыншыға айналған Фаландо Джонс ерекше көзге түсті. 

Қазақстандық ұжым жеңіліс тапқанына қарамастан, турнирдің плей-офф кезеңіне жолдама алған және қазіргі таңда жарыстың келесі кезеңіне дайындық жүргізіп жатыр.