Күнтізбеде желтоқсан айы. ВТБ Бірыңғай Лигасы тұрақты чемпионаты жалғасып жатыр. Осы айда командамыз 6 ойын өткізеді, оның үшеуін – өз алаңында. Олардың алғашқысы 4 желтоқсанда өтеді. «Сарыарқа» велотрегінде турнирлік кестеде төртінші орында тұрған қазандық УНИКС-ті (11-5) қабылдаймыз. Қарсыласымыз туралы толығырақ мақалада.
 
Үздік төрттіктегі команда
 
Биылғы маусымда Велимир Перасовичтің шәкірттері өте жоғары деңгейдегі баскетбол көрсетіп жүргенімен, ЦСКА (71:55, 73:80), «Зенит» (84:87), «Локомотив-Кубань» (78:71, 75:87) командаларын жеңу әзірге қолдарынан келген жоқ. Команданың өткен маусымдағы көшбасшы ойыншысы Ненад Димитриевичтің алаңда жоқтығы айтарлықтай сезіледі. Оның орнына түркиялық «Бахчешихирдан» америкалық Тони Тэйлор келген, статистикасы да жақсы (10.9 ұпай, 4.9 пас), алайда оны команданың сөзсіз көшбасшысы деп айту әзірге қиын. Ұпай саны бойынша команданың үздік ойыншылары: Маркос Найт (15.2), ДеВон Акун-Перселл (15.1) және Джален Рейнольдс (13.3). Екі ұпайлық соққыларды жүзеге асыру бойынша ВТБ Бірыңғай Лигасында бельгиялық Исмаэль Бако (68%) көш бастап тұр. Ресей жастар құрамасының мүшелері Михаил Беленицкий (23 минут) мен Андрей Лопатин (17 минут) көп ойын уақытын алып жүр. Жақында олар Достық Кубогына қатысып, Ливия (108:60) және Тунис (83:73 ОТ) құрамаларын жеңгенін айта кетейік.
 
Кездесулер тарихы
ВТБ Бірыңғай Лигасы чемпионаттарында командалар 24 рет кездесіп, оның басым бөлігінде «УНИКС» жеңіске жеткен – 22. Ал «Астана» екі ойында жеңімпаз атанды. 2024/2025 жылдар маусымында командалар 15 қазанда кездесіп, ол ойында қазандық клуб 97:81 есебімен жеңіске жеткен.
 
Ойынды неліктен көру керек?
 
УНИКС – 2023 жылғы ВТБ Бірыңғай Лигасы чемпиондары ғана емес, ВТБ Бірыңғай Лигасы Суперкубогының (2021, 2022) екі дүркін қола жүлдегері. Титулдар мен жетістіктер саны бойынша Ресей мен Еуропаның кез келген клубы УНИКС-пен теңесе алмайды және мұндай деңгейдегі командамен ойнау – баскетболшылар үшін мол тәжірибе әрі бұл кездесуде көрермен хайлайтқа толы баскетболға куә болады.
 
Одан бөлек, «Астана» сапында жас таланттар ашылып жатыр. Александр Оразбеков, Владислав Исаенко мен Мағжан Сәрсенғалиевтің Лигадағы дебютін көрдік. Ендігі кезек – Сардал Абашидзеде. Өткен ойында ол құрамға енгенімен, алаңға шыққан жоқ. Жас ойыншыға алдағы матчта мүмкіндік беріле ме екен?!
 
«Астана» Павлодарда қос жеңіске қол жеткізді!
 
Қазақстандық жанкүйерлер үшін қуанышты жаңалық! «Астана» Ұлттық Лигада «Ертіспен» өткізген екі ойынының екеуінде де жеңіске жетті – 66:89, 71:62. Негізгі команданың қос ойыншысы Андрей Десятников пен Рустам Мурзагалиев «Астананың» осы екі матчта сенімді жеңіске қол жеткізуіне көмектесті.
 
«Астана» БК бас бапкерінің міндетін атқарушы Глеб Плотников алдағы матч туралы:

 «УНИКС – Белов кубогына үміткерлердің бірі және команданы таныстырудың қажеті де жоқ. Біздің мақсатымыз – матчқа құрған жоспарымызды орындау, мінез көрсету және жан-тәнімізді салып ойнау.
Павлодардағы матчтарға қатысқан ойыншыларға келер болсақ, бұл оларға қосымша сенімділік береді деп үміттенеміз. Исаенко ұлттық құрамаға шақырту алған ойыншылар болмаған кезде, командамен жақсы жаттығу өткізді және тактикадағы өзгерістерден хабардар болды. Сондықтан оны негізгі құрамға қосу туралы шешім қабылданды».

 «Астана» БК шабуылшысы Дэниэл Утоми ойын жайлы:

«Матч оңай болмайды. УНИКС – қиын қарсылас, сондықтан ойынға жүз пайыздық дайындықпен шығып, қателік жібермеуге тырысуымыз керек. Әсіресе, қорғаныста жақсылап жұмыс істеуіміз қажет, қарсыластың әр ойыншысын бақылауда ұстауымыз керек болады».

Матч: Астана – УНИКС
Күні мен уақыты: 4 желтоқсан, 18:00 (Мәскеу уақыты), 20:00 (Астана уақыты)  
Өтетін орны: «Сарыарқа» велотрегі
Трансляция: клуб сайтында
Жанкүйер, сен – команданың алтыншы ойыншысың, қазір қолдауың ауадай қажет! Сені аренада күтеміз! Жеңістерге бірге жетейік!
Билеттер Тicketon.kz сайтында.

Мачт жарқын сәтпен басталды: Галин Смит қарсылас шабуылшысы Акун-Перселдің кездесу есебін ашуына мүмкіндік бермей, керемет блок-шот жасады. «Астана» сапынан алғаш болып Рустам Мурзагалиев ұпай еншіледі, ол бірінші ширекте қатарынан екі үш ұпайлық соққы жасады. Елордалық ұжымның америкалық шабуылшысы да допты алуда өте жақсы ойнады (оның допты алуы мен Мурзагалиевтің соққысынан кейін сақинаны дәл көздеген сәтін қарап шығыңыздар). Ойынның алғашқы минуттарында кездесу шиеленіске толы болатындай көрінген. Алайда әрі қарай бұл матчта қарсыласқа күрес көрсету қиын болатыны байқала бастады. Ойынның бірінші жартысында астаналықтар 15 қателікке жол берді, екінші ширекте фол алды, Беленицкийді бақылау ұстай алмайды, соныдай-ақ өкінішке қарай, Маркос Найттың еркін ойнауына мүмкіндік беріп қойды…

УНИКС қателіктері үшін қарсыласына аяушылық танытқан жоқ, жоғары прессинг көрсетіп ойнады. Мүмкін, жарақат алып қалған Дэниэл Утомидің алаңда жоқтығы сезілген шығар. Әрі бұл матч шебер ойыншылары көп командалардың ВТБ Бірыңғай Лигасы турнирлік кестесінде қалай алғашқы орындарда тұрғанының нағыз мысалы болды.

Алайда бұған қарамастан «Астананың» да жақсы мүмкіндіктері болды. Команда шабуылда аз ойнады, дегенмен үшінші ширекте орталық ойыншы Аскар Майдекин «Астананың» ойында бар екенін көрсетті. Ал Влад Исаенко болса, 25 минут ойын уақытын алды. Одан бөлек, Сардал Абашидзе дебюттік матчын өткізді әрі төртінші ширекте ерекше көзге түсті. Лигадағы өзінің алғашқы ойынында ол 6 ұпай еншілеп, 1 пас берді және 4 рет допты алды.

«Астана» — УНИКС 39:91 (12:26, 6:13, 10:30, 10:22)

«Астана»: Галин Смит (9 ұпай), Рустам Мурзагалиев (9 ұпай, 5 рет допты алу), Сардал Абашидзе (6 ұпай, 4 рет допты алу) .
УНИКС: Маркос Найт (21 ұпай, 4 пас), Исмаэль Бако (14 ұпай, 4 рет допты алу), Михаил Беленицкий (13 ұпай)

Глеб Плотников, «Астана» бас бапкерінің міндетін атқарушы:

- Қатарынан нешінші кездесуде ұйымшылдықтың жоқтығынан зардап шегіп отырмыз… 31 қателік. Қорғаныста толығымен жеңілдік. Әр кездесуде мұндай көрсеткішпен жеңіске жету мүмкін емес екенін айтамын. Білуімше, Утомидің ескі жарақаты қайта сыр берген, келесі ойынға дейін жазылады деп сенемін.

Сардал Абашидзе, «Астана» шабуылшысы:

-  Не айта аламын… Жеңіліс таптық, қателіктерімізбен жұмыс істейміз. Дебютке келер болсақ, өзімді көрсетуге мүмкіндік бергендері үшін қуаныштымын. Сенімді ақтай алдым деп ойлаймын.