Аңдатпа: Пари Нижний Новгород — Астана

12.11.2024, 14:00 Просмотров: 153
Источник: Баспасөз қызметі
Автор:

Бағыт – Нижний Новгород

Маусым күнтізбесінің тығыздығы сонша, Глеб Плотников шәкірттерінің демалысқа уақыты жоқ. ВТБ Бірыңғай Лигасында көшбасшылардың бірі «Локомотив-Кубань» командасымен ойыннан кейін бірден сырт алаңға аттандық. Қарсыласымыз — «Пари Нижний Новгород». Бұл команданың қандай мықты және осал тұстары бар, зерттеп көрейік.

Оңай шағылар жаңғақ емес

Бұл команданың 2024/2025 жылдар маусымындағы өнерін осылай суреттеуге болады, себебі Сергей Козин шәкірттері чемпионат көшбасшыларымен қалай тең дәрежеде ойнау керектігін жақсы біледі. 5 қазанда олар өз алаңында ЦСКА-ны кездесудің соңғы секундтарында жеңіп кетті (77:75), одан соң Санкт-Петербургте «Зенитен» 3 ұпай айырмашылығымен жеңіліс тапты (81:78). Велимир Перисович бастаған қазандық командамен күреске толы ойын өткізді – 73:81. Қазір «Пари Нижний Новгород» турнирлік кестеде бесінші орында тұр. Команда 7 ойында жеңіске жетсе, 6 рет қарсыласына есе жіберген.

Зоран Лукичтің ізі немесе жаңа дүние?

Нижний Новгород қаласы командасы десе, бәрінің есіне баскетболдан Ресей ұлттық құрамасы түседі. Өйткені, мұндай ұлттық құрама ойыншыларының біраз бөлігі өнер көрсетеді. Биыл Лукич көмекшісі Сергей Козиннің келуімен біраз нәрсе өзгерген болуы мүмкін. Андрей Воронцевич «Зенитке» кетті, Михаил Беленицкий өткен маусымды «УНИКС»-те аяқтады, Владимир Ивлев жақында «Уралмашпен» келісімшартқа қол қойды. Алайда Дэвид Блатт пен Евгений Пашутиннің кезіндегі Ресей құрамасымен танымал ойыншыларды алаңнан көруге болады, олар: Дмитрий Хвостов (орта есеппен 19 минут), Евгений Бабурин (21 мин).

Биыл команда сапын ұлттық құраманың тағы бір ойыншысв – Александр Хоменко (17 минут, 4.5 ұпай) толықтырды. Ол Нижний Новгород қаласы командасына МБА-дан ауысты. Хоменкоға қарсы қорғану өте қиын. Сонымен қатар, ол алаңда Дмитрий Хвостовқа көмектесе алады. Бапкер алдыңғы шепте бұрын «Široki» (Босния және Герцеговина) командасына ойнаған америкалық Зак Наталл (23 минут, 12.0 ұпай) мен ҰБА аңыз ойыншысы Джонни Доукинс (Филадельфия-76, Детройт Пистонс және т.б.) ұлы Обри Доукинске (11.9 ұпай) есеп жасай алады. Обридің ЦСКА-ға қарсы ойында жасаған соққысы командаға жеңіс сыйлаған.

Ойыншылар жетіспей ме, әлде жаңа бапкерлік стиль ме?

Нижний Новгород қаласы ұжымынан жақсы командалық қарым-қатынас, өзара түсіністік байқалғанымен, барлық баскетболшы бірдей Сергей Козиннің жүйесіне үйренісе қойған жоқ. Біріншіден, америкалық Кейси Шепардты денсаулығы мазалап жүр. Оның дізесінде созылмалы жарақаты бар. Кейбір дереккөздерге сүйенсек, ол маусым соңына дейін командаға көмектесе алмайды. Екіншіден, бірнеше күн бұрын команда сапынан шабуылшы ДжаКинан Гант кетті. Маусым басында оның «Локомотив-Кубаньмен» келісімшартқа қол қоятыны туралы қауесет болған. Үшіншіден, 3х3 баскетболдан 2020 жылғы Токио Олимпиадасының күміс жүлдегері Илья Карпенковтің (орта есеппен 8 минут) ойын көрсеткіші қарапайым. Ол «Пари Нижний Новгород» сапын Суперлигадағы «Химки» командасы құрамындағы ойынынан кейін толықтырған.

Кездесулер тарихы

Бұған дейін екі клуб өзара 26 кездесу өткізген. Оның 21-інде «Пари Нижний Новгород», бесеуінде «Астана» жеңіске қол жеткізді. 2024/2025 жылдар маусымында «Астана» өз алаңында Нижний Новгород қаласы командасын қабылдап, 62:90 есебімен жеңіліс тапқан.

«Астана» БК ойыншысы Александра Оразбеков алдағы кездесу туралы:

«Пари Нижний Новгород — турнирлік кестеде 5-орында келе жатқан мықты қарсылас. Алайда біз жеңіс үшін аянып қалмаймыз. Менің міндетім өзгерген жоқ — бапкердің тапсырмасын орындап, өз ойынымды көрсету. Бапкерлер құрамының артқан сенімін бағалаймын, бұл сенімділігімді арттыра түседі. Бойымда прогресс бар екенін байқаймын, алайда бұған команданың қолдауынсыз қол жеткізу мүмкін емес»

“Астана” БК бас бапкерінің міндетін атқарушы Глеб Плотников алдағы ойын жайлы:

«Пари Нижний Новгород – діңі мықты команда, мұнда ұзақ уақыт бойы бірге ойнайтын ресейлік баскетболшылар мен өте мұқият таңдалған легионерлер өнер көрсетеді.
Бұған дейінгі матчтағыдай өз ойынымызға зейін қойып, бірдей қателіктер жібермеуге тырсуымыз керек және бар жан-тәнімізді салып ойнауымыз қажет. Осының арқасында ғана нәтижеге қол жеткізуге болады».

Матч: Пари Нижний Новгород – Астана
Күні мен уақытя: 13 қараша, 21:00
Өтетін орны: Нижний Новгород, «Нагорный» МОСК
Трансляция: Астана КБК сайты мен ВТБ Бірыңғай Лигасы сайты

“Пари Нижний Новгород”. Үшінші ширек шешуші рөл атқарды

14.11.2024, 11:00 Просмотров: 133
Источник: Баспасөз қызметі
Автор:

Алғашқы ширекте мінез көрсеттік

Ойын қарқынын алаң иелері, әсіресе бастапқы бестік қалыптастыра бастады: Неманья Джуришич, Зак Наталл мен Александр Хоменко, олардың шабуылдағы әрекеттері “Пари Нижний Новгородтың” көш бастауына мүмкіндік берді. Алайда бесінші минутта “Астана” жинақталып, есесін қайтара бастады. Дэниэл Утоми соққысы, Галин Смиттің пастары сәтті өте бастады, Руслан Айтқали дәлдік танытты, ал ВТБ Бірыңғай Лигасында екінші матчын өткізген Мағжан Сәрсенғалиевтің алаңға шығуы есепте көш бастауға мүмкіндік берді. Өкінішке қарай, Нижний Новгород қаласы ұжымының тас қамал қорғанысы “Астананы” кезең соңына қарай бірнеше қателік жасауға мәжбүрлеп, командалар үзіліске 23:19 есебімен аттанды. Алаң иелері алда.

Екінші ширек бойы…

Екінші ширек бойы “Астана” өзін шабуылда сенімді сезінді (орталық аймақтан дәл соққы жасау көрсеткіші — 62%, үш ұпайлық соққылар дәлдігі — 38%) және алаң иелерінің босаңсуына жол бермеді. Екі команда да, расымен, қызық баскетбол көрсете білді. “Пари Нижний Новгородтың әр шабуылына Глеб Плотников шәкірттері арнайы комбинация дайындап қойған. Тағы да Александр Оразбеков пастарымен қуантты. Оның Галин Смитке асыра берген пастарына ерекше назау аудару керек. Әрі қарай команданың снайпер ойыншылары – Данил Походяев пен Рустам Мурзагалиевті алаңға шығару дұрыс шешім болды. Олардың соққыларының арқасында есеп айырмасын бір ұпайға дейін қысқарта алдық — 33:32. Алайда кездесуді дәл осы қарқында жалғастыру үшін қарсыластың қорғанысын бұзып өту керек еді (18:13). Ойынның осы көрсеткіші оңайға түспеді, сөйтіп, тағы кезең соңы алаң иелерінің пайдасына шешілді — 43:37.

Шешуші ширек

Үшінші он минуттықта “Пари Нижний Новгород” он ұпай айырмашылығымен есепте алға кетіп, “Астананың” ойынға қайта оралуына мүмкіндік бермеді. Қазақстандық ұжым Даниэл Утоми, Галин Смит пен Мағжан Сәрсенғалиевтің жылдам шабуылдарының арқасында таблодағы көрсеткіш жайын жақсарта алды. Алайда бүгін сақина астында ойнаған Карпенковті тоқтату мүмкін болмады. Шешуші кезең алдындағы есеп — 68:51.

Майдекиннің айып соққылары

Кездесудің шешуші ширегі Майдекиннің айып соққыларымен есте қалғаны анық. Алаң иелері қарсыласының камюэк жасауына мүмкіндік бергісі келмей соңына дейін күресті, дабл-тим жасады, көп ереже бұзды. Әсіресе ереже “Астананың” орталық йоыншысы Асқар Майдекинге қарсы көп бұзылды. Қарсылас Майдекин айып соққыларын нашар орындайды деген үмітте болған. Алайда олардың бұл ойы жүзеге асқан жоқ. Асқар Майдекин айып соққыларын орындауда жақсы көрсеткіш көрсетті – 9 дәл соққы (барлығы 14), 64%. Осының арқасында “Астана” ширек ортасында есеп айырмасын қысқартты. Жалпы, астаналықтар бұл он минуттықта тең ойын өрнегін көрсетті. Алайда команда қанша тырысқанымен, Нижний Новгород қаласы ұжымына 87:69 есебімен жол берді.

«Пари Нижний Новгород» — «Астана» 87:69 (23:19, 20:18, 25:14, 19:18)
«Астана»: Даниэл Утоми (15 ұпай, 6 пас), Галин Смит (12 ұпай), Аскар Майдекин (11 ұпай), Мағжан Сәрсенғалиев (10 ұпай, 2 пас)
«Пари Нижний Новгород»: Зак Наталл (15 ұпай), Александр Хоменко (14 ұпай, 6 рет допты тартып алу), Сергей Зоткин (13 ұпай, 7 пас)

Глеб Плотников, «Астана» БК бас бапкерінің міндетін атқарушы:
— Өткен “Локомотивке” қарсы матчтағыдай бізге қысым көрсетілді, оған тойтарыс бере алмадық. 22 қателікке жол беріп, ойында жеңімпаз атану мүмкін емес. Команда құрамында мәселелер бар, негізгі ойыншымыз Григорий Мотовилов жоқ. “Нижний Новгородты” жеңісімен құттықтаймыз. Бүгін қарсыласымыз агрессия мен өзіне сай ойын стилін көрсетті.

Сергей Козин, «Пари Нижний Новгород» БК бас бапкері:
— Өзіміз болжағандай қиын матч болды. “Астананың” алдыңғы матчтарына сараптама жасадық, “Локомен” өте жақсы ойнады. Екатеринбургтегі матчта да естен шығармау керек. Команданы күреске толы болатын матчқа дайындадым. “Астананың” ойынын ерекше атап өткім келеді, жігіттер әр доп үшін, оған әр кез иелік ету үшін барын салып жатыр. Жұмысқа деген осындай қарым-қатынас түбі жеңіске әкеледі. Бақытымызға орай, бүгін жеңіске біз жеттік.