Ұлттық лигадағы ерлер командалары арасындағы XXX Қазақстан Чемпионаты
Астана
Астана
Ұлттық лига, Тұрақты біріншілік
04.03.2022, 19:30 Жм
Арена: «Сары-Арқа» велотрегі (Астана)
91:68
Негізгі уақыт
22:25 28:17 22:15 19:11
Ойын нөмірі: 59
Көрермен: 0
Атырау Барыстары
Атырау

«Астана» «Атырау Барыстарымен» ел чемпионатындағы соңғы ойындарын өткізеді

03.03.2022, 10:00    Просмотров: 156
Источник: Баспасөз қызметі
Автор:

4 және 5 наурыз күндері «Астана» баскетбол клубы Ұлттық лига аясындағы кезекті ойындарын өткізіп, өз алаңында «Атырау Барыстарымен» додаға түседі. Матчтың басталуы – астана уақытымен 19:30-да.

! НАЗАР АУДАРЫҢЫЗДАР — Барлық жанкүйерлерден Өз алаңымыздағы матчтарға кіру Ережелерімен мұқият танысып шығуларын өтінеміз.

«Атырау Барыстары» – Қазақстанның ерлер арасындағы кәсіби баскетбол клубы, Атырау қаласынан. 2003 жылы құрылған.

Жетістіктері:

  • Қазақстан чемпионатының жеңімпазы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014, 2016/2017
  • Жоғары лига жеңімпазы: 2014/2015
  • Қазақстан кубогының иегері: 2009, 2022
  • V-Bet Еуразия баскетбол лигасының күміс жүлдегері: 2019/2020
  • Қазақстан кубогының күміс жүлдегері: 2010, 2011, 2012, 2016, 2017, 2018
  • Қазақстан кубогының қола жүлдегері: 2020, 2021

Барсы Атырау баскетбол клубы


Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» биылғы маусымда «Атырау Барыстарын» бесінші рет тізе бүктірді

05.03.2022, 10:00    Просмотров: 144
Источник: ҰБФ ҚР
Автор:

“Астана” мен Атырау Барыстары” Ұлттық лига маусымында бесінші рет додаға түсті. Бұған дейінгі төрт ойында да «Астана» басым түскен болатын. Бүгінгі ойын өте қызықты болады деп күтілді, алайда біздің астаналық ұжымның жеңіске жететініне сенетіндер көп еді.

Ойын барысы: “Астана” ойын басталған бетте алға қарай лап қойып, екі минуттың ішінде алты ұпай еншілеп, алда тұрды. Бірақ қонақтар да қарап қалмай, тез арада еңселерін тіктеп, бірінші кезеңнің алдында тіпті бір ұпай айырмасымен алға шықты. Бірінші кезең аяқталғанша ойын тең дәрежеде өрбіп, екі команда алма-кезек алға шығып отырды. Әрі “Атырау Барыстары” осы кезеңдегі соңғы шабуылды сәтті аяқтап, онминуттықта басым түсті – 22:25. Атыраулықтар екінші кезеңінің бастапқы екі минутында да алда тұрды. Бұдан кейін астана ұжымы алға шығып, матчтың бірінші бөлігі аяқталғанша ойын тізгінін өз уыстарынан шығарған жоқ. Алайда, “Астана” қонақтарынан алысқа ұзап кете алмады. Десек те, үлкен үзіліс қарсаңында астаналықтар серпіліс жасап, үлкен үзіліске дейін есеп айырмасын біршама ұлғайтты – 50:42. Шығыршық ауыстырған соң алаң иелері алға қарай лап қойып, есеп айырмасын лезде 20 ұпайға жуықтатты. Атырау команда осыдан кейін ғана үшінші кезеңдегі аллғашқы добын салды. Бұдан кейінгі төрт минутта командалар арасы осы шамада сақталып тұрды. “Барыстар” үшінші кезеңнің соңына дейін есепті аздап қысқартқандарымен, соңғы кезең қарсаңында 15 ұпай айырмасымен ұтылып жатты – 72:57. Жасыл-ақ жейделілерге ойын барысын өзгерту үшін қамшыны басу керек еді, бірақ төртінші кезеңнің бастапқы бес минутында олардың ойындары үйлеспей қойды. Матчтың аяқталуына бес минут уақыт қалғанда “Астана” 16 ұпай айырмасымен ұтып жатты. Әрі кезең бел ортасынан ауған соң алаң иелері шабуылды үдете түсіп, айқын басымдықпен жеңіске жетті. Есеп – 91:68.

Маңызды сәт:“Астана” үшінші кезеңнің басында серпіліс жасап, төртінші кезеңнің екінші жартысында да көсіле сілтеп, ірі жеңіске қол жеткізді.

Матч үздігі: Скайлар Спенсер бүгінгі матчта көсіле сілтеп, матчтың ең тиімді ойыншысы болды.

Көп ұпай жинағандар: Скайлар Спенсер (16 ұпай, 9 рет доп қағып алды, 4 пас, 2 рет допты тартып алды, 2 блокшот), Руслан Айтқали (16 ұпай, 6 рет доп қағып алды), Олег Балашов (13 ұпай, 2 рет доп қағып алды, 8 пас, 2 рет допты тартып алды).

Келесі ойын: Ертең, 5 наурыз күні, “Астана” мен “Атырау Барыстары” тағы да Нұр-Сұлтандағы “ Сарыарқа ” велотрегі аренасында додаға түсіп, ел чемпионатындағы екеуара соңғы ойындарын өткізеді. Ойынның басталуы – астана уақытымен 19:30-да.
 


Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2005 Клубтық түстері: ақ, жасыл
Мемлекет: Қазақстан Арена: Jusan Arena
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
  • Жоғары лигасының жеңімпазы: 2014/2015
  • Қазақстан Кубогының иегері: 2009, 2022
  • Қазақстан Кубогының күміс жүлдегері: 2010, 2011, 2012, 2016, 2017, 2018
  • Қазақстан Кубогының қола жүлдегері: 2020, 2021

Команданың жалпы суреті

Атырау Барыстары