Алда айбатты қарсылас
 
ВТБ Бірыңғай Лигасы тұрақты чемпионаты жалғасып жатыр және осы жексенбіде «Астана» өз алаңында турнирлік кестеде үшінші орында тұрған краснодарлық «Локомотив» командасын қабылдайды (9 жеңіс, 3 жеңіліс). Астаналық клубтың қарсылассы тек ЦСКА мен «Зениттен» жеңілген. Қарсылас туралы толығырақ жазып көрдік.
 
Жоққа шыққан болжамдар
 
Биылғы маусымаралық үзілістің басты жаңалығы — «Локомотив» клубы президенті Андрей Ведищевтің бапкерлер құрамына ауысатыны болды әрі ол Спорттық БАҚ көздерінде біраз талқылау туғызды. Команданың 2024/2025 жылдар маусымындағы өнерін көрмеуге болатынын, словениялық маман – Александер Секуличті қызметінен босату өрескел қателік екенін жазған. Алайда дәйект дәлелі жоқ осы пікірлердің барлығы тұрақты маусым басталған бойда жоқ болды және бәрі краснодарлық команданың ойынына іс жүзінде куә болды. Бапкерлік тәжірибесі жоқ жан үшін нәтиже таңғаларлық – команда маусым басындағы тоғыз матчтың бәрінде жеңіске жетті. «Автодор» аңызы Владимир Родионов рекорды да жаңарды. Ол бас бапкер қызметінде қатарынан 7 матчта жеңімпаз атанған.
 
Краснодарлық команданың жеңістер сериясы красноярскілік «Енисеймен» (88:65) ойында басталып, 27 қазанда ЦСКА-мен өткен күрделі матчта аяқталды — 91:92. Артынша команда «Зениттен» (71:77), кейін «ПАРМА-дан» (79:81) жеңілді. Андрей Ведищев матчтан кейінгі баспасөз мәслихаттарының бірінде жеңістер сериясының аяқталғанына өкінбейтінін, мұндай сәттіліктің командаға плей-офф кезеңінде қажет болатынын айтты.
 
Командалық ойын
 
«Локомотивтің» маусымды жарқын бастауына қарап отырып, бірнеше қорытынды шығаруға болады. Біріншіден, 2024/2025 жылдар маусымына құрам жасақтау кезінде клуб басшылығы тәжірибелі шетелдік ойыншылар мен болашағынан үміт күттіретін ресейлік баскетболшылардың командадағы тепе-теңдігін сақтай білді. Бұл кез келген команданың қолынан келе бермейтін жұмыс. Краснодарлықтар бұл «философияға» бірнеше жылдар бері берік әрі бұл – команда үшін спорттық нәтиже жағынан да, Ресейдегі баскетболды дамыту тұрғысынан да win-win жағдай. Екіншіден, өткен маусымда «Локомотив» құрамынан Девон Акун-Перселл жекедара көзге түссе, биыл Андрей Ведищев бастаған команда сапында мұндай көшбасшы ойыншы жоқ. Команданың ең көп ұпай жинаған ойыншылары – Патрик Миллер (14.2 ұпай), Антониус Кливленд (11.9 ұпай), Би Джей Джонсон (11.1 ұпай). Үшіншіден, краснодарлықтардың алмастыратын ойыншыларының көп болуы қарсыласына кедергі келтіруі мүмкін (орта есеппен алаңда 18 минут), Кирилл Елатонцев (18 минут), Владислав Емченко (16 минут).
 
Кездесулер тарихы:
 
ВТБ Бірыңғай Лигасы чемпионатында командалар өзара 20 кездесу өткізген. «Локомотив» 14, ал «Астана» 6 жеңіске қол жеткізген. 2024/2025 жылдар маусымында командалар бір рет кездесіп, онда «Локомотив» 127.84 есебімен жеңіске жетті.
 
Қарсылас құрамында ескі «жақсы таныстар» бар ма?
 
Иә, 2024/2025 жылдар маусымында «Локомотив-Кубань» командасының құрамын шабуылдаушы-қорғаушы, қазақстандық жанкүйерлерге жақсы таныс ойыншы Карвел Андерсон толықтырды. Осыдан бір жыл бұрын «Астана» сапында ойнай жүріп, ол өте көп ойын уақытын алды (32 мин) және әр матчта 16.1 ұпай еншілеп, әріптестеріне 2.8 нәтижелі пас берді.
 
“Астана” БК бас бапкерінің міндетін атқарушы Глеб Плотников алдағы матч туралы:
«Локомотив – Лиганың ең жылдам командасы. Олардың соңғы уақыттағы сәтсіздіктері қарсыласты екі есе қуатты ете түседі. Себебі, мотивациялары жоғары. Бірінші кезекте бізге шабуылда да, қорғаныста да – өз ойынымызға зейін қойып, қолымыздан келгеннің бәрін жасау керек. Сонда ғана лайықты қарсылық көрсете аламыз».
Матч: Астана – Локомотив-Кубань
Күні мен уақыты: 10 ноября, 16:00
Өтетін орны: Астана, «Сарыарқа» велотрегі
Трансляция: «Астана» КБК және ВТБ Бірыңғай Лигасы сайттары
 

Қарсыластың басымдыққа ие болуына жол бермедік
 
«Астана» ойынды жақсы бастайды, мұнда мәселе жоқ. Бұны 2024/2025 жылдар маусымында командалардың барлығы дерлік түсінді. Ойынның алғашқы минуттарында клуб өте сенімді ойын өрнегін көрсетеді, тіпті мықты қарсыластармен матчтарда да. Краснодарлық командамен ойын да шетте қалған жоқ. Бірінші ширектің дәл ортасына дейін алаң иелері 14:5 есебімен алды болды. Вадим Щербак пен Даниэл Утоми шабуылға жақсы қарқын беріп отырды. Он минуттықтың екінші жартысында қарсылас ойынға қайта оралды (6-0). Бұған Мағжан Сәрсенғалиевке жақсы қысым көрсеткен қорғаушы Михаил Ведищевтің ойыны көмектесті. 15:13 – бірінші ширек «Астана» пайдасына шешілді.
 
Ищенкоға шамамыз жетпеді
 
Екінші ширек те ойынның алғашқы бөлігі сияқты ширақ басталды. Даниэл Утомидің ойынын ерекше атап өту керек, 27 жастағы шабуылшы ашық соққылар жасауда өте мықты және мүмкіндік болған жағдайда командаға жақсы ұпайлар сыйлайды. Александр Оразбеков те дер кезінде шабуылға жақсы қосыла білді. Бүгінгі оның жылдам ойыны мен 12 нәтижелі пасы командаға пайдасын тигізді. Екінші ширектің ортасы – астаналық команда 22:13 есебімен алда. Алайда ойынның әрі қарайғы тағдырына Всеволод Ищенконың қорғаныстағы өнері ықпал етті. Оның қатарынан бірнеше допты тартып алуы «Локомотивтің» екінші ширекте есепте алға шығып, матчтағы көшбасшылығын сақтап қалуына көмектесті. Есеп — 28:45.
 
Бірнеше үш ұпайлық соққы…
 
Данила Походяевтің бірнеше үш ұпайлық соққысы мен Вадим Щербактың үшінші ширек басындағы 5 ұпайы «Астананың» күрес жүргізуіне көмектесті. Ойынның бұл бөлігінде бірнеше қызықты сәттер болды: Оразбековтің артына қарамай, Смитке берген пасының өзі қандай! Бұны міндетті түрде ВТБ Бірыңғай Лигасы үздік сәттерінің біріне қосу керек. Үшінші кезеңнің ортасында «Астана» есеп айырмасын 12 ұпайға дейін қысқарта алды, алайда команданың күші сарқыла бастады. Осылайша, «Локо» тағы да есепте алға кетті. Ойынның шешуші бөлігінің алдындағы таблодағы көрсеткіш — 47:65.
 
Шешуші аккорд…
 
Өкінішке қарай, шешуші аккорд біздің командамыздың жағында болмады. «Астана» шабуылда жаңа дүние ойлап тапқысы келді, оған дәл жасалған айып соққылары, Даниэл Утомидің үш ұпайлық соққылары мен Галин Смиттің жоғарыдан жасаған соққылары көмектесті. Дегенмен, камбэк жасау мүмкін болмады. 59:93 — «Локомотив» жеңісі.
 
 
«Астана» — «Локомотив-Кубань» 59:93 (15:13, 13:32, 19:20, 12:28)
«Астана»:  Даниэл Утоми (15 ұпай, 5 рет допты алу), Вадим Щербак (12 ұпай), Александр Оразбеков (7 ұпай, 12 пас)
«Локомотив-Кубань»: Всеволод Ищенко (15 ұпай, 6 рет допты тартып алу), Патрик Миллер (12 ұпай), Дмитрий Узинский (11 ұпай, 6 рет допты алу)
Глеб Плотников, «Астана» БК бас бапкерінің міндетін атқарушы:
— Ойынды жақсы бастадық, үшінші ширекті де жақсы өткіздік. Екінші және төртінші ширектердегі қарсыластың агрессиясына сай өнер көрсете алмадық. Оған қоса, команда 26 қателікке жол берген кезде, жеңіске жету қиын. Жұмыс істеп, өзімізді жақсарта түсуден басөа қолдан келер шара жоқ. Мотовиловты құрамда күтеміз, бізге көмектеседі деп сенемін. Қазір ол оңалту процесінен өтіп жатыр. Оған көп үміт артып отырмыз.
Мағжан Сәрсенғалиев, «Астана» БК қорғаушысы:
— Әрине, жеңіліс тапқанымыз үшін көңіліс түсіп отыр. Өкінішке қарай, өте көп қателікке жол бердік (26), алайда оларды жөндеу үшін жұмыс істейміз. ВТБ Бірыңғай Лигасындағы ойын деңгейі Қазақстан чемпионатынан біраз жоғары, мұнда жылдамдық жоғары.
Андрей Ведищев, «Локомотив-Кубань» БК бас бапкері:
— Жеңіске жеткеніміз үшін қуаныштымын. Қатарынан үш рет жеңіліс табу қиын, сондықтан бүгін бізге жеңіске жету маңызды болды. Матчты сәтті бастадық дей алмаймын, алайда командалық ойын өрнегін көрсетіп, жеңіске қол жеткіздік.