Бүгін «Астана» ВТБ Бірыңғай лигасы аясында кезекті үй матчын өткізеді.

Қарсылас — Саратов қаласының «Автодоры». Дәл осы командаға қарсы елордалық ұжым чемпионаттың алғашқы матчын өткізді – сырт алаңда қазақстандықтар 72:94 есебімен жеңілді.

Қазір «Автодор» ВТБ Бірыңғай лигасының тұрақты чемпионаты кестесінде 9-шы орында тұр. Дарко Руссо командасының есебінде 5 жеңіс пен 10 жеңіліс бар. Қонақтардың көшбасшылары – Малик Ньюмэн (бір матчқа 14.9 ұпай), Брэндон Гаррет (бір матчқа 6.2 рет допқа жету) және Райан Боутрайт (бір матчқа 6.2 пас).

«Біз өз жанкүйерлеріміздің алдында, үйде ойнайтынымызға қуаныштымыз. Үлкен күш-жігермен жаттығу жасадық. Біздің толық құрамда болғанымыз маңызды. Мұны ойын барысында көрсетіп, бапкерлер штабының тапсырмасын орындай отырып, жанкүйерлерді және өзімізді сапалы ойынмен қуантамыз. Әр ойын қандай нәтижемен аяқталғанына қарамастан, құдды біо мереке сияқты. Бірақ, әрине, барлығы жеңіске жетуді қалайды және біз «Астанаға» жеңіс әкелу үшін барымызды аламыз. Алға!» — деді Даниил Аксенов матч алдында. 

«Біз үнемі дамып келе жатқан командамен кездесіп жатырмыз. Маусымның басында «Астана» нашар өнер көрсетті, бірақ қазір олар әлдеқайда жақсы ойнайды, әсіресе қорғаныста. Жақында біздің қарсыластарымыз тағы екі сапалы қорғаушыны – Вон мен Джонсонды қатарына қосты. «Астанаға» қарсы біз қайтадан толық құрамда ойнамаймыз. Гаррет, Боутрайт және Колесников бізге көмектеспейтіні сөзсіз. Загорац матчқа қатыса ма, жоқ па, оны әлі білмейміз, өйткені форвардты арқасы мазалайды. Бір күн бұрын температурасы көтерілген Пранаускис те қатыспауы мүмкін. Петенев Қазақстанға ұшып келді, бірақ соңғы 20 күнде бізбен бірге жаттығу жасамады. Қалай болғанда да, біз қолымыздан келгеннің бәрін жасауға тырысамыз», — деді «Автодордың» бас жаттықтырушысы Дарко Руссо ойын алдында.

Бірқатар жеңілістерге қарамастан, «Астана» әр матчта жақсы ойнайды – мұны қарсылас командалардың өкілдері де атап өтеді. Сондықтан бүгінгі жекпе-жектен екі команданың да айтулы текетіресін күткен жөн.

Ойын «Сарыарқа» велотрегінде өтеді, сағат 19:30-да басталады. Билеттер Zakazbiletov  сайтында қолжетімді.

Матчтың трансляциясын клубтың веб-сайтынан көруге болады.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» ВТБ Бірыңғай лигасында кезекті үй матчын өткізіп, көптен күткен жеңісіне жетті.

Қиын кездесуде Саратовтың «Автодоры» ұтылды, ал айырмашылық тек бір ұпай – 70:69.

Бірінші бөлік 21:19 есебімен алаң иелерінің жеңісімен аяқталды, алайда екінші және үшінші бөлікте қонақтар ойынды қолға алды – 52:62 есебімен «Автодордың» пайдасына шықты.

Осыған қарамастан, Олег Киселевтің командасы артта таразы басын теңестіре алды және бір доп айырмасымен болса да, алға шықты. Таблодағы қорытынды есепке дейін тағы бір жарым минут ойнау керек болды. Осы уақыт ішінде командалар бірнеше рет тайм-аут алды, ал нәтиже бірнеше рет өзгеруі мүмкін еді – дегенмен, қонақтар да өз шабуылдарын жүзеге асырмады, сондай-ақ «Астана» айыппұлдарға қарамастан есепті арттыра алмады.

Қазақстандық команданың үздіктері Даниил Аксенов (24 ұпай, 5 пас), Маркелл Джонсон (14 ұпай), Майкл Майерс (6 ұпай, 12 рет допқа жету) болды.«Автодор» 19 ұпай жинаған Малик Ньюмэнды ең мықты деп таныды.
 
«Астананы» құттықтаймын. Олар бүгін ғана емес, бір айдан астам уақыт бойы жақсы ойнады. Мен бұның оңай болмайтынын білдім. Біз ойынға толық емес құраммен келдік, қорғаныста ойнау, жүгіру қиын болды, соңғы үш минутта ойыншыларға қозғалу қиынға соқты. Мұндайды күттік, ары қарай жақсы ойнау мүмкін болмады», — деді ойыннан кейін қонақтардың жаттықтырушысы Дарко Руссо.

«Астана» келесі ойынды 17 желтоқсанда «ПАРМА-ПАРИ» командасымен өткізеді.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.