Ұлттық лигадағы ерлер командалары арасындағы XXX Қазақстан чемпионаты
Атырау Барыстары
Атырау
Ұлттық лига, Тұрақты біріншілік
27.09.2021, 18:00 Дс
Арена: Jysan Arena (Атырау)
65:76
Негізгі уақыт
17:23 14:12 20:20 14:21
Ойын нөмірі: 2
Көрермен: 0
Астана
Нұр-Сұлтан

«Астана» «Атырау Барыстарын» тағы да тізе бүктіріп, батыстан төрт ұпай олжалап қайтты

27.09.2021, 20:15    Просмотров: 29
Источник: Баспасөз қызметі
Автор:

“Астананың” биылғы маусымдағы, Ұлттық лига аясындағы, екінші ойыны да Атырауда өтті. Онда біздің команда тағы да “Атырау Барыстарымен” додаға түсті.

Кешегі ойында “Астана” 30 ұпайдан артық есеп айырмасымен жеңіске жеткен. Сондықтан, бүгін де фаворит ретінде өнер көрсетті. Бірақ шектен тыс сенімділіктің де зияны бар, қарсыласты бағаламауға болмайды. Дарко Руссо бүгін де, Қазақстан ойыншыларымен және Марк Тихоненкомен бірге, кешегідей Джейлен Бэрфорд пен Энтони Хикиді шығарды. Әрі бастапқы бестік те тура кешегідей болды. Джейлен мен Энтониге Николай Бажин, Дмитрий Гаврилов және Максим Марчук қосылды.

Бүгін кешегідей емес, есепті алаң иелері ашты. Бірақ Максим Марчук пен Дмитрий Гаврилов салған доптардан соң “Астана” лезде алға шықты. Алайда “Атырау Барыстары” намысты қолдан бермей, бірінші кезеңнің ортасында көсіле шапты. Сөйтіп, «–6» ұпай айырмасымен ұтылып жатқан алаң иелері «+6» ұпаймен алға озды. Олардың бұл серпілістерін тек Дарко Руссо ғана тоқтатып, дер кезінде тайм-аут ала қойды. Осыдан кейін астана ойыншылары ойын өрнегін өзгертті. Ал Хики мен Бажин салған үш ұпайлық доптар таразы басын лезде теңестірді. “Атырау Барыстары” біздің тайм-ауттан кейін бірде-бір ұпай еншілей алмай, пұшайман болды. Ал бірінші кезеңнің нүктесін Бэрфорд үш ұпайлық соққысымен түйіндеді – 17:23. Екінші кезеңнің басында астана ойыншылары қарқындарын үдете түсті. Әрі Дмитрий Гаврилов, Энтони Хики, сондай-ақ Вадим Щербак салған доптардан кейін біздің басымдығымыз тез арада екі таңбалы санға жетті. Бірақ бұдан кейін біздің команданың ойын өрнегі үйлеспей, бес минуттан астам уақыт бойы шығыршыққа доп түсіре алмай, дал болды. Ал осы уақыт аралығында алаң иелері есепті теңестіруге айналып, екі команданың арасын бір ұпай ғана бөліп тұрды. “Астананың” ұзаққа созылған іркілісін Роберт Пан үзіп, үш ұпайлық  соққысымен есеп айырмасын ұлғайтты. Әрі бұл матчтың бірінші жартысындағы соңғы ұпайлар болып шықты – 31:35.

Дмитрий Гаврилов

Он бес минуттық үзілістен кейін “Астана” алаң иелерін 4 ұпай айырмасымен ғана ұтып жатты. Әрі бұл тұрақты басымдық емес еді. Бэрфорд пен Гаврилов салған доптардан кейін астана ұжымы он ұпайлық басымдықты жуықтап қалған. Бірақ “Атырау Барыстары” біздің жігіттерді алысқа ұзатпады. Тіпті “Астана” екі таңбалы санға тең басымдыққа қол жеткізсе де, атыраулықтар табан тіресе қарсылық көрсетіп, нәтижелі ойын өрнегін көрсете бастады.  Үшінші кезеңнің аяғына қарай “Астананың” әлгі басымдығынан жұқана да қалмай, таблодағы есеп теңесті. Әйтсе де, бұл кезеңдегі соңғы ұпайларды біздің жігіттер олжалады. Энтони Хики үш ұпайлық добын дөп түсіріп, дәл осы мезетте Роберт Панға қарсы ойын ережесі бұзылып, ол айып соққыларын орындау құқығына ие болды. Сөйтіп, соңғы онминуттық қарсаңында таразы басы қайтадан бізге қарай ауды – 51:55. Төртінші кезеңнің басында “Барыстар” қамшыны басты, бірақ есеп айырмасы екі ұпайға дейін ғана қысқарды. Ал бұдан кейін Энтони Хики мен Марк Тихоненко маңызды шабуылдарын сәтті аяқтады. Содан соң Дмитрий Гаврилов та доп салып, астаналық гандикап 14 ұпайға дейін жетті. Осылай, матч соңында «Астана» өзін еркін сезінді. “Барыстар” біздің команданың соңғы серпілісінен еңсе тіктей алмай, дода көрігін қыздыра түспеді. Біздің команда сапынан бұл ойындағы соңғы ұпайларды америкалықтар Хики мен Бэрфорд еншіледі. Бүгінгі матч біршама тартысты өтіп, “Астана” тағы да жеңіске жетті – 65:76.

Ең көп ұпай еншілегендер:

  • «Астана» — біздің команда сапында ең көп ұпай жинаған ойыншы Джейлен Бэрфорд болды – 21 ұпай, 6 рет доп қағып алды, 5 пас және 3 рет допты тартып әкетті. Ал ең тиімді ойыншы – Энтони Хики (19 ұпай, 2 рет доп қағып алды, 7 пас, 6 рет допты тартып әкетті). Дмитрий Гавриловтың еншісінде – 9 ұпай, әрі 8 рет доп қағып алды. Марк Тихоненко 8 ұпай жинап, 3 рет доп қағып алды, 4 пас берді және блокшот. Ал Николай Бажин өз еншісіне 6 ұпай жазып, 5 рет доп қағып алды және 2 блокшот.
  • «Атырау Барыстары» — Джордан Уатсон бүгін, бақандай 7 рет доптан айырылып қалды. Әйтсе де, ол өз командасы сапындағы ең үздік ойыншы болды. Ол 27 ұпай жинап, 4 рет доп қағып алды, 9 пас беріп, 4 рет допты тартып әкетті. Владимир Иванов 10 ұпай еншілеп, 6 рет доп қағып алды, 2 пас беріп, 2 рет допты тартып әкетті. Ал Эрон Харрис 12 ұпай олжалап, 4 рет доп қағып алды және 2 пас берді.
 
Келесі матч: “Астана” 4 қазан күні ВТБ Бірыңғай лигасында маусымдағы бірінші ойынын өткізіп, Санкт-Петербургте жергілікті «Зенитпен» додаға түседі. Ал Ұлттық лигадағы келесі ойынын тек 22 қазан күні, Қостанайда “Тобылмен” өткізеді.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.Келесі матч: “Астана” 4 қазан күні ВТБ Бірыңғай лигасында маусымдағы бірінші ойынын өткізіп, Санкт-Петербургте жергілікті «Зенитпен» додаға түседі. Ал Ұлттық лигадағы келесі ойынын тек 22 қазан күні, Қостанайда “Тобылмен” өткізеді.


Келесі матч: “Астана” 4 қазан күні ВТБ Бірыңғай лигасында маусымдағы бірінші ойынын өткізіп, Санкт-Петербургте жергілікті «Зенитпен» додаға түседі. Ал Ұлттық лигадағы келесі ойынын тек 22 қазан күні, Қостанайда “Тобылмен” өткізеді.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құлылған жылы: 2005 Клубтық түстері: ақ, жасыл
Мемлекет: Қазақстан Арена: Jysan Arena
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014
  • Жоғары лигасының жеңімпазы: 2014/2015
  • Қазақстан Кубогының иегері: 2009
  • Қазақстан Кубогының күміс жүлдегері: 2010, 2011, 2012, 2016, 2017
  • Қазақстан Кубогының қола жүлдегері: 2020, 2021

Команданың жалпы суреті

Атырау Барыстары