Ұлттық лигадағы ерлер командалары арасындағы XXIX Қазақстан чемпионаты
Астана
Нұр-Сұлтан
Ұлттық лига, Тұрақты біріншілік
06.04.2021, 21:00 Сс
Арена: Велотрек «Сары-Арқа» (Нұр-Сұлтан)
107:57
Негізгі уақыт
32:17 27:20 22:8 26:12
Ойын нөмірі: 33
Көрермен: 0
Тобыл
Қостанай

Ұлттық лиганың негізгі додасындағы «Астананың» соңғы қарсыласы — «Тобыл»

05.04.2021, 18:00    Просмотров: 34
Источник: Баспасөз қызметі
Автор:

Ұлттық лиганың негізгі додасы аяқталуға айналды. Жеке-дара көш бастап келе жатқан «Астана» баскетбол клубының көмбе соңындағы қарсыласы Қостанайдың «Тобылы» болып отыр. Матчтар сейсенбі және сәрсенбі күндері, яғни 6 және 7 сәуірде Нұр-Сұлтандағы «Сарыарқа» республикалық велотрегі аренасында өтеді.

НАЗАР АУДАРЫҢЫЗДАР! — Коронавирус нәубеті салдарынан, астанаға енгізілген шектеу шараларына байланысты матч көрерменсіз бос трибуналарда өтеді.

«Тобыл» – Қазақстанның ерлер арасындағы кәсіпқой баскетбол клубы, Қостанай қаласынан.

Жетістіктері:

  • Қазақстан чемпионатының жеңімпазы: 2003/2004
  • Қазақстан чемпионатының күміс жүлдегері: 2004/2005, 2005/2006, 2006/2007, 2008/2009, 2009/2010, 2010/2011
  • Жоғарғы лига жеңімпазы: 2013/2014, 2015/2016, 2016/2017
  • Жоғарғы лиганың күміс жүлдегері: 2010/2011
  • Қазақстан кубогының иегері: 2005
  • Қазақстан кубогының финалына шыққан: 2003, 2006, 2008, 2009, 2012, 2015, 2020, 2021
  • Қазақстан кубогының қола жүлдегері: 2018


Баскетбольный клуб Тобол 2020/2021

Биылғы маусымда бірінші рет, Ұлттық лига додасы аясында, “Астана” мен “Тобыл” 17 және 18 қаңтар күндері Қостанайда кездескен. Қарсыласының алаңында өткен екі ойында да астана командасы айқын басымдықпен жеңіске жеткен болатын. Содан бері “Тобыл” 12 ойын өткізіп, оның тоғызын жеңіспен аяқтады. Олар “Алматы Легионымен”, “Ақтөбемен” және “Атырау Барыстарымен” төрт ойыннан өткізді. Алматылықтар Қостанай қырандарына төрт ойында да төтеп бере алмады. Сондай-ақ “Тобыл” төрт рет “Ақтөбені” де тізе бүктірді. Бірақ осы тқртеуінің біреуінде тек овертаймда басымдық таныта алғанын да айта кетуіміз керек. Ал “Атырау Барыстарына” қарсы матчтарда қостанайлықтар көңілге қонымды нәтиже көрсете алмай, төрт ойынның біреуінде ғана жеңіске жетті.

Команда сапындағы өзгерістер: Соңғы ойынан кейін «Тобыл» сапынан екі ойыншы кетіп қалды – Дмитрий Лучко және Станислав Рововой. Екеуі де “Ақтөбеге” ауысты. Бірақ бұл екі ойыншы “Астанамен” өткен матчтарда алаңға шыққан жоқ болатын. Сондықтан олардың кеткендері алдағы матчтарда қонақтардың құрамына ешқандай да әсер етпейді.

Команда көшбасшылары: Команданың нағыз көшбасшысы – еліміздің Ұлттық құрамасының мүшесі Антон Быков. Сондай-ақ, қостанайлықтардың көшбасшылары қатарына Павел Ильин мен Константин Двирныйды да қосуға болады. Максим Воейков, Шайым Қуанов және Дмитрий Климов үшеуін өз ұжымдарына көп үлес қосып жүрген ойыншылар ретінде атап өткен жөн. Сонымен қатар, Даниил Селезнев пен Рустам Валиев матч сайын алаңда жиырма минуттан артық ойнап жүр.

Турнир кестесіндегі жағдай: “Астана” биылғы маусымда жеңілістің кермек дәмін татпай, өткізген ойындарының бәрінде жеңіске жетті. Әрі турнир кестесінде бірінші орынға жайғасты, енді оларда ешбір команда қуып жете алмайды. Биылғы маусымда 22 ойын өткізген “Тобыл”12 жеңісімен үшінші орынды иеленіп тұр. Олар да плей-офф додасына бақ сынау құқығына қол жеткізген, бірақ енді үшінші орыннан жоғары көтеріле алмайды. Айтпақшы, оларды “Каспий” командасының үшінші орыннан ығыстыруы ықтимал матемитикалық мүмкіндік бар, бірақ мұның жүзеге асуы – екіталай.

Матчтар сейсенбі және сәрсенбі күндері, яғни 6 және 7 сәуірде Нұр-Сұлтандағы «Сарыарқа» республикалық велотрегі аренасында өтеді. Астана уақытымен, бірінші матч 21:00-де, ал екінші ойын 16:00-де басталады. Матчтардың онлайн-трансляциялары біздің сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Хилл трипл-дабл орындап, «Астана» «Тобылды» тас-талқан қылды

07.04.2021, 10:00    Просмотров: 28
Источник: Баспасөз қызметі
Автор:

«Астана» баскетбол клубы Ұлттық лига чемпионатының негізгі додасындағы соңғы екі ойынын өткізе бастап, біріншісінде “Тобылды” ойсырата жеңді. Айта кетуге тиіспіз, бұл ойынды біздің команда ықшам ғана құрамда өткізді. Эмиль Райкович бұл ойынға Джеремайя Хилла мен Майкл Томпсонды қосқанда, 8 ойыншы ғана шығарды. Ал қонақтардың көшбасшысы Антон Быков алаңда қара көрсетіп, ойын хаттамасына тіркелгенімен, командалар құрамымен таныстыру рәсімі басталғанда, оның ойнамайтыны белгілі болды.

Бұл ойындағы алғашқы ұпайларды Роберт Пан еншілеп, оны матч басында Майкл Томпсон мен Антон Пономарев қолдады. Алайда қонақтар да қарап қалмады, олар біздің әрбір нәтижелі шабуылымызды аяқсыз қалдырмай, жауап беріп отырды. Ал екінші минутта қостанайлықтар алға да шықты. Бірақ Пономарев таразы басын тез теңестірді. Осындай арпалыста ойынның алты минуты да өте шықты. Ал таблодағы есеп бірнеше рет теңесіп, өзгеріп отырды. Осы уақыт аралығында «Астана» еншісіндегі ұпайларды Бажин, Томпсон, Пан және Хилл олжалады. Бірінші кезеңнің соңғы 4 минуты алға қарай лап қойған, біздің жігіттердің үстемдік құруымен өтті – 17:2. Осы ойын бөлігінде Руслан Айтқали, Асқар Майдекин және Андрей Литвиненко осы матчтағы алғашқы ұпайларын еншіледі, яғни бірінші кезеңде осы ойынға тіркелген ойыншыларымыздың бәрі де ұпай еншілеп шықты. Ал кезең қорытындысында “Астана” үстем түсті – 32:17. Екінші кезеңде де астана ұжымы ойын тізгінін толықтай өз қолдарына алып, қонақтардың ойын өрісін өзгертулеріне ешқандай да мүмкіндік берген жоқ. Негізі, “Тобыл” бұл кезеңде нәтижелі ойын өрнегін көрсеткен болатын. Әйтсе де, олар тағы 7 ұпай айырмасымен есе жіберіп алды. Бұл кезеңде “Астана” сапынан көп ұпай еншілегендер Джеремайя Хилл мен Руслан Айтқали болды. Екеуі 20 ұпай олжалап, Бажин мен Томпсон да ұпай қорларын молайта түсті. “Астана” екі кезеңнен кейін 20 ұпайдан артық есеп айырмасымен қара үзіп кетті – 59:37.

Роберт Пан

Алаңдағы орындарын ауыстырған соң ойын тізгіні толықтай астаналықтарға көшті. Ал “Тобыл” үшін үшінші кезең өте нәтижесіз болып шықты. Олар тіпті 10 ұпай да еншілей алмады. Ал біздің жігіттер есеп айырмасын ұлғайтқан үстіне ұлғайта берді. Бастапқы бес минутта «Астана» басымдығын Роберт Пан мен Майкл Томпсон, сондай-ақ Антон Пономарев ұлғайты. Кезеңнің бел ортасынан кейінгі Джеремайя Хилл мен Роберт Пан еншілеген ұпайлардан соң есеп айырмасы 30 ұпайдан да асып кетті. Ал Руслан Айтқали үш кезеңнен кейінгі ойын есебін түйіндеді – 81:45. Ойын тағдыры шешілген де еді, бұған 40 ұпайдан асатын есеп айырмасы да дәлел бола алады. Бірақ біздің команда тізгін тартпай, соңғы кезеңнің басында көсіле сілтеді – 12:0. Бұл серпілісімізде ұпай еншілегендер Роберт Пан, Асқар Майдекин, Руслан Айтқали және Андрей Литвиненко болды. содан кезең соңына дейін ойын біршама тең дәрежеде өтті. Сөйтіп, “Астана” ірі жеңіске сенімді түрде адымдай түсті. Матчтың аяқталуына бір жарым минут уақыт қалғанда Асқар Майдекин алаң иелері есебін үш таңбалы санға жеткізді. Ал біздің команданың осы матчтағы соңғы ұпайларын Руслан Айтқали еншілеп, соңғы минутта екі рет үш ұпайлық соққыларын шығыршыққа дөп түсірді. Ойын қорытындысында “Астана” 50 ұпай айырмасымен өте ірі жеңіске қол жеткізді – 107:57.

Руслан Айткали

Салдары: “Астанаға” ел чемпионатын жеңіліссіз аяқтауға, бір қадам ғана қалды. Ал “Тобыл” үшінші орнын сақтап тұр.

Ең көп ұпай еншілегендер:

  • «Астана» –  Бірінші кезеңде-ақ, біздің ойыншылардың бәрі де ұпай еншіледі. Джеремайя Хилл бүгінгі матчта трипл-дабл авторы атанды – 20 ұпай, 12 рет доп қағып алды, 10 пас, сондай-ақ 5 рет допты тартып әкетті. Осы ретте, айта кеткеніміз жөн болар, бұл – барлық командаларды есепке алғанда, Ұлттық лиганың биылғы маусымындағы ең бірінші трипл-дабл. Роберт Пан 20 ұпай жинап, 5 рет доп қағып алды, 2 пас беріп, 4 рет допты тартып әкетті және 1 блокшот. Руслан Айтқалидың еншісінде – 25 ұпай және 7 рет доп қағып алды. Майкл Томпсон 15 ұпай еншілеп, 5 рет доп қағып алды және 2 пас берді. Николай Бажин өз есебіне 5 ұпай жазды, 10 рет доп қағып алды, 7 пас және блокшот.«Тобыл» – Бүгін Павел Ильин мен Рустам Валиев қана он ұпайдан артық жинай алды – 14 және 12 сәйкесінше.


Келесі матч: «Тобылмен» өтетін екеуара екінші ойын ертең, яғни 7 сәуір күні, Нұр-Сұлтандағы «Сарыарқа» велотрегі алаңында өтеді. Басталуы – астана уақытымен 16:00-де. Матчтың онлайн-трансляциясы сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құлылған жылы: 2003 Клубтық түстері: сары, көк
Мемлекет: Қазақстан Арена: ССК «Қостанай»
Қала: Қостанай Сайт: www.bctobol.kz

Сипаттамасы

«Тобыл» – Қазақстанның ерлер арасындағы кәсіпқой баскетбол клубы, Қостанай қаласынан.

Жетістіктері:
  • Қазақстан чемпионатының жеңімпазы: 2003/2004
  • Қазақстан чемпионатының күміс жүлдегері: 2004/2005, 2005/2006, 2006/2007, 2008/2009, 2009/2010, 2010/2011
  • Жоғары лигасының жеңімпазы: 2013/2014, 2015/2016, 2016/2017
  • Жоғары лигасының күміс жүлдегері: 2010/2011
  • Қазақстан кубогының иегері: 2005
  • Қазақстан кубогының финалына шықты: 2003, 2006, 2008, 2009, 2012, 2015, 2020
  • Қазақстан кубогының қола жүлдегері: 2018

Команданың жалпы суреті

Тобыл