Ұлттық лигадағы ерлер командалары арасындағы XXIX Қазақстан чемпионаты
Атырау Барыстары
Атырау
Ұлттық лига, Тұрақты біріншілік
29.11.2020, 18:00 Жс
Арена: Jysan Arena (Атырау)
59:89
Негізгі уақыт
20:20 19:19 16:28 4:22
Ойын нөмірі: 39
Көрермен: 0
Астана
Нұр-Сұлтан

«Астана» тағы да батысты бетке алды, бұл жолы «Атырау Барыстарымен» кездеседі

28.11.2020, 18:00    Просмотров: 41
Источник: Баспасөз қызметі
Автор:

«Астана» баскетбол клубының Ұлттық лигада аясындағы, «Атырау Барыстарымен» қаңтардың ортасына жоспарланған түздегі екі ойыны 29 және 30 қараша күндеріне ауыстырылды. Астана командасы жасыл-ақ жейделілермен додаға түсу үшін Атырауға аттанып та кетті. Бұл ойындар “Jysan Arena”спорт кешені алаңында өтеді. Екі матч та астана уақытымен 18:00-де басталады.

«Атырау Барыстары» – Қазақстанның ерлер арасындағы кәсіби баскетбол клубы, Атырау қаласынан. 2003 жылы құрылған.

Жетістіктері:

  • Қазақстан чемпионы: 2010/2011, 2015/2016
  • Қазақстан чемпионаты Ұлттық лигасының күміс жүлдегері: 2011/2012, 2012/2013, 2013/2014, 2016/2017
  • Қазақстан чемпионаты Жоғары лигасының жеңімпазы: 2014/2015
  • Қазақстан кубогының иегері: 2009
  • Қазақстан кубогының күміс жүлдегері: 2010, 2011, 2012, 2016, 2017, 2018
  • Қазақстан кубогының қола жүлдегері: 2020


Команда құрамы: “Атырау Барыстары” – біздің команданың Ұлттық лигадағы ең басты қарсыласы. Естеріңізге сала кетейік, әрі дәл осы атыраулық команда кезінде «Астананы» чемпиондық атақтан құр қалдырған. Сонымен қатар, соңғы маусымдарда дәл осы ұжым Қазақстан чемпионатының финалдарында “Астанамен» тайталасып жүр. Команда құрамына келер болсақ, былтырғы маусыммен салыстырғанда, көп өзгерген жоқ. Командадан америкалық қорғаушы Лисандер Брейси мен ресейлік қорғаушы Игорь Савченко кетіп қалды. Сондай-ақ алаңға көп шықпайтын және бастапқы бестікке ілікпей жүретін қазақстандық екі ойыншы да кетті – қорғаушылар Артем Педько және Александр Чигрин. Атыраулықтар былтырғы маусымда негізгі құрамда ойнаған легионерлерін, атап айтқанда, Эдвард Картер III және Райан Кук сынды америкалық қорғаушыларын сақтап қалды. Сондай-ақ, қазақстандық сегіз баскетболшы Атыраудағы жылы орындарын суытпай, команда сапында қалды – Владимир Иванов, Асқар Ахметжан, Мерей Уапов, Артем Парфенов, Рустам Өтеген, Әділхан Марат, Олег Балашов және Ибрагим Қонысов. “Барыстар” бұл ойыншыларды бірнеше маусым бойы шыңдап келеді. Командаға жаңадан екі ресейлік ойыншы қосылды. Қорғаушы Евгений Маринин мансабын Санкт-Петербургтегі “Спартак” жүйесінде бастаған. Ресей U-18 құрамасында ойнаған. Сонымен қатар, ресейлік “Рязань”, “Саранск”, “Буревестник”, “Университет-Югра” және “Уфимец” командалары сапында өнер көрсеткен. Ал былтырғы маусымды Туланың “Арсеналында” өткізді. Шабуылшы Павел Сизов – ЦСКА түлегі. Әскерилер клубының жасөспірімдері құрамдарында ойнап шыққан. Сондай-ақ, “Химкидің” екінші құрамы мен “МБА”, “АлтайБаскет”, “Тамбов” командалары сапында ойнаған. Павел де былтырғы маусымды Туланың “Арсеналында” өткізді. Бұларға қоса, “Атырау Барыстары” өзінің екінші командасындағы ойыншыларды да пайдалана алады.

Атырау Барыстары баскетбол клубы 2020/2021

Бас бапкер: “Атырау Барыстарының” бас бапкері қызметін үшінші жыл қатарынан латыш маманы Арнис Вецвагарс атқарып келеді. Атыраулықтар ұжымның жаттықтырушылары штабындағы жаңа есім Ресей маманы Виктор Усков болып отыр, ол Қазақстанның батыс өңіріне Туланың “Арсеналынан” ауысып келді.

Арнис Вецвагарс

Команда көшбасшылары: команданың негізгі қозғалтқыш күші америкалық Эдвард Картер III және орталық шептегі қазақстандық Владимир Иванов болып саналады. Сондай-ақ шабуылшы Павел Сизовты да атап өтуге болады. Ол – командадағы ең көп ұпай еншілеп жүрген ойыншылардың бірі. Бастапқы бестікте бұлармен қоса америкалық қорғаушы Райан Кук және ресейлік қорғаушы Евгений Маринин ойнайды. Қазақстан шабуылшысы Рустам Өтеген тәп-тәуір ойын өрнегін көрсетіп жүр. Сонымен қатар, атыраулықтардың бапкері алаңға Әділхан Марат, Олег Балашов, Мерей Уапов және Артем Парфенов сынды қазақстандықтарды жиі шығарып отырады.

Кездесулер тарихы: Ұлттық лига мен Қазақстан кубогы аясындағы додалардың бәрінде “Астана” мен “Атырау Барыстары” алпыстан астам, нақтырақ айтқанда, 64 ойын өткізді. “Атырау Барыстары” қазақстандық басқа ұжымдарға қарағанда “Астананы” көбірек жеңген команда – 7 рет. Бірақ бұл ертеректе, 2015/2016 жылдар маусымында болған.

Турнир кестесіндегі жағдай: Екі ұжым да, маусым басталғалы алты ойыннан өткізді. “Астана” өз ойындарының бәрінде жеңіске жетіп, турнир кестесінде көш бастап келеді. Ал “Атырау Барыстары” бір рет сүрініп, екінші орында тұр.

Матчтар жексенбі және дүйсенбі күндері – 29 және 30 қарашада Атыраудағы “Jysan Arena”спорт кешені алаңында өтеді. Екі матч та астана уақытымен 18:00-де басталады. Матчтардың онлайн-трансляциялары біздің сайтымыздың басты бетінде жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Барыстар» «Астанамен» тайталасты-ақ, бірақ матчтың екінші жартысында жігерлері құм болды

30.11.2020, 10:00    Просмотров: 35
Источник: Баспасөз қызметі
Автор:
«Астана» баскетбол клубының түздегі «Атырау Барыстарымен» болған кездесуі, матчтың бірінші бөлігінде, табан тірескен қызу додамен басталды.   Бірақ үлкен үзілістен кейін біздің жігіттер ойын тізгінін өз қолдарына алды да, алаң иелерінің аптықтарын басып, жеңіске жетті. Атырауда Эмиль Райкович алаңға Қазақстан ойыншыларымен бірге Девин Марбл мен Майкл Томпсонды шығарды.

Бұл ойында есепті Антон Пономарев ашты. Бірақ “Атырау Барыстары” бұған дайын болып шықты, әрі тез арада таразы басын өздеріне қарай аударып алды. Девин Марбл есепті теңестіріп, содан соң ол біздің команданы қайтадан алға шығарды. Бірақ бұл да ұзаққа созылмады. Алаң иелері бірінші кезең бел ортасынан ауғанда еселерін қайтарды. Алаңдағы тартысты доп додасы бәр сәтке де бәсеңсімей, одан әрі қыза түсті. Жасыл-ақ жейделілер өрнекті ойын үлгісін көрсетіп, қайта-қайта суырылып, алға шығумен болды. Бірақ алысқа ұзап кете алмады. “Астана” қуып жетуге тырысып отырды. Ал біздің капитан – Рустам Мырзағалиев екі рет есепті теңестірді. Әрі екіншісінде, мергендігін бірінші кезеңнің соңғы секундтарында паш етті. Осылай, алғашқы онминуттық тең есеппен аяқталды – 20:20. Екінші кезеңде де біріншісіндегідей шиеленісті доп додасы жалғасын тапты. “Барыстар” бірден алға шықты, бірақ Мырзағалиев қайтадан таразы басын теңестірді. Ал Максим Марчук астана командасын алға шығарды. Қара үзіп кету жайлы айтудың өзі артық, өйткені екінші кезеңнің ортасына қарай есеп кезекті рет теңесті. Матчтың бірінші жартысының соңғы бес минутында біздің команда тағы да қуып жетуге тырысумен болды. Әрі тағы да соңғы секундтарда өз мұраттарына жетті. Үлкен үзіліске шығардың алдында Антон Пономарев үш ұпайлық соққысын дөп түсіріп, есепті теңестірді – 39:39.

Дмитрий Гаврилов

Матчтың бірінші жартысы екі команда да тек жеңіске жетуді көздейтіндіктерін көрсетті. Доп додасы қыза түсті. Бірақ ұзаққа созылған жоқ. Әуелі Майкл Томпсон таразы басын тең шамаға жеткізді. Одан кейін алаң иелері ұзап кетуге тырысқан біздің ұжымды тоқтатып, есепті теңелтті. “Астананы” Майкл Томпсон кезекті рет алға шығарды. “Атырау Барыстары” біраз уақыт біздің команданың өкшесін басып, қалмай отырды. Бірақ есепті кезекті рет теңестіре алмады. Ал біздің команда ойын тізгінін бірте-бірте өз қолдарына ала бастады. Девин Марбл есеп айырмасын бұл матчта бірінші рет екі таңбалы санға жеткізді. Сөйтіп, отыз минуттық ойын уақытытан соң “Астана” алға оза бастады. Бірақ бұл басымдықты арқаны кеңге саларлықтай деп айтуға әлі ерте еді – 55:67. Төртінші кезеңде астана командасы алаң иелерінің аптықтырын түпкілікті басты. Олардың ойындары мүлде үйлеспей қойды. Бастапқы бес минутта “Атырау Барыстары” мүлдем ұпай еншілей алмай, пұшайман болды. Ал “Астана”, керісінше, өз мүмкіндіктерін мүлт жібермей, өз басымдығын екі еседен артық шамаға ұлғайтты. Матчтың аяқталуына бес минут қалғанда біздің жігіттер 24 ұпай айырмасымен ұтып жатты. Былайша айтқанда, матч тағдыры шешілген де еді. Алаң иелері соңғы кезеңдегі алғашқы ұпайларын матчтың аяқталуына үш минут қалғанда ғана еншіледі. Ал бұл кезде олар ойсырай ұтылып жатқан болатын. Сөйтіп, атыраулықтар соңғы он минутта небәрі төрт ұпай ғана еншілеп, ірі есеппен ұтылып қалды – 59:89.

Ең көп ұпай еншілегендер:
  • «Атырау Барыстары» – алаң иелері сапындағы америкалықтар нәтижелі ойын өрнектерін көрсетіп, Райан Кук пен Эдвард Картер III бүгін 15 ұпайдан еншіледі.
  • «Астана» – ең тиімді және көп ұпай еншілеген ойыншы Девин Марбл болды – 23 ұпай, 4 рет доп қағып алды және 5 рет допты “қиып” әкетті. Майкл Томпсон өз еншісіне 14 ұпай жазды, 3 рет доп қағып алып, 3 рет допты “қиып” әкетті және 6 пас берді. Роберт Панның еншісінде – 10 ұпай. Ал Дмитрий Гаврилов бүгін 6 ұпай еншілеп, 8 рет доп қағып алды.

Салдары: “Астана” маусымдағы жеңіліссіз ойындарын одан әрі сабақтай түсті, әрі біздің команда турнир кестесінің басында өздерін сенімді сезініп жүр. Ал “Барыстар” бүгін жеңіліске ұшырап, алдарына “Алматы Легионын” шығарып алып, үшінші орынға сырғыды.

Келесі матч: «Атырау Барыстарымен» өтетін екеуара екінші ойын ертең, яғни 30 қараша күні Атыраудағы «Jysan Arena» спорт кешені алаңында өтеді. Басталуы – астана уақытымен 18:00-де.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құлылған жылы: 2005 Клубтық түстері: ақ, жасыл
Мемлекет: Қазақстан Арена: Jysan Arena
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014
  • Жоғары лигасының жеңімпазы: 2014/2015
  • Қазақстан Кубогының иегері: 2009
  • Қазақстан Кубогының күміс жүлдегері: 2010, 2011, 2012, 2016, 2017
  • Қазақстан Кубогының қола жүлдегері: 2020

Команданың жалпы суреті

Атырау Барыстары