«Астана» Президенттік баскетбол клубы өз тарихында бірінші рет Қазақстан командасы «Ақтөбемен», Ұлттық лига аясында додаға түседі. Қос ойын 11 және 12 қараша күндері Нұр-Сұлтанда өтеді.

«Ақтөбе» – Қазақстанның ерлер арасындағы баскетбол клубы, Ақтөбе қаласынан. 2017 жылы құрылған.

Жетістіктері:

• Қазақстан чемпионатының Жоғары лигадағы жеңімпазы: 2018/2019

«Ақтөбені» биылғы маусымда да, былтырғыдай Арсен Телеуов жаттықтырады. Ал оған Алмат Кенжеғұлов көмектеседі, бір қызығы, ол да ойыншы ретінде де тіркелген. Сондай-ақ былтырғы маусымда «Ақтөбе» әйелдер командасын жаттықтырған Асқар Жылқыбаев да – көмекшісі. Былтырғы маусымдағы 10 ойыншы биыл команда сапына ілікпей қалды: Александр Поздняков, Қанат Нағин, Данияр Тәуекелов, Владимир Формазонов, Роман Греков, Владислав Батурин, Руслан Асфандияров, Бақыт Маханалин, Богдан Лащ «Каспий» клубына ауысты, Константин Двирный «Тобылдың» намысын қорғайды. Өткен маусымдағы 8 ойыншы «Ақтөбемен» өз келісімшарттарын ұзартты: Сергей Борматенков, Темірлан Жүнісов, Константин Нефф, Александр Евдокимов, Глеб Жуков, Никита Наливайко, Арсен Телеуов және Алмат Кенжеғұлов. Лигаға биыл ғана қосылған команда сапындағы жаңа ойыншыларының бірі – ресейлік Владислав Гусак. Ол бұған дейінгі екі маусымды АСБ-да (Ресейдің студенттік баскетболы қауымдастығында) өткізіп, Дондағы Ростовтың Оңтүстік Федералды Университеті командасында өнер көрсеткен. Ал 2018/2019 маусымында Арменияның «А» лигасындағы «Артик» командасында ойнаған. Сонымен қатар, Ақтөбе командасы құрамынан америкалық Филип Риган Хайнспен толықтырды. Қазақстан ойыншыларынан бұл командаға қосылғандар: Константин Марзан, өз карьерасын түгелдей дерлік Қапшағайда өткізген және Айдархан Тоқтаров, карьерасының басым бөлігін «Тобылда» өткізіп, соңғы маусымда «Синегорье» сапында ойнаған; сондай-ақ Ибрагим Қонысов, былтырғы маусымды «Атырау Барыстары» құрамында бастап, Павлодардың «Ертісі» сапында аяқтаған.

Кездесулер тарихы: «Ақтөбе» кейінде құрылған ұжым, биылғы маусымда Ұлттық лигада бірінші рет сынға түсіп жатыр және «Астанамен» екеуінің жолдары әлі түйіспеген.

Турнир кестесіндегі жағдай: «Астана» алты ойын өткізіп, алтауында да айқын басымдықпен  жеңіске жетті және турнир кестесінде жеке-дара көш бастап келеді. «Ақтөбе» де алты ойын өткізген, бірақ олар екі ойында ғана жеңіске жетті, соның арқасында төртінші орынға орналасты.

Қызықты деректер:

• Бұл «Астана» және «Ақтөбе» командаларының тарихындағы алғашқы кездесу болады.
• «Астана» ПБК балалар академиясының жаттықтырушылары Владимир Формазонов пен Исмаил Бимендин «Ақтөбе» сапында ойнаған: Владимир – былтырғы маусымда, ал Исмаил – оған дейінгі маусымда.

Матчтар дүйсенбі және сейсенбі күндері – 11 және 12 қарашада Нұр-Сұлтандағы «Сарыарқа» велотрегі алаңында өтеді. Матчтардың басталуы – астана уақытымен 19:30-да.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» Президенттік баскетбол клубы мен Ұлттық лигаға биыл ғана қосылған «Ақтөбе» командасының тарихтағы бірінші ойыны елордалықтардың ірі жеңісімен аяқталды.

«Астанаға» тарихта бірінші рет «Ақтөбе» командасы қонақа келіп, екі ұжым өзара алғаш рет додаға түсті. Бірінші ойында елорда командасының легионерлері сапынан алаңға Малкольм Хилл мен Айзея Уайтхед шықты. Осылайша, соңғысы Ұлттық лигада алғаш рет өнер көрсетті.

Біздің команда алғашқы 5 минутта мүлдем қонақжайлық танытпады. «Ақтөбе» осы уақыт аралығында біздің шығыршыққа бір рет қана доп түсіріп, 2 ұпай енешіледі. Ал «Астана» болса, сол екі ортада еншісіне 16 ұпай жазып үлгерді. Бұл тіпті «кім қожайын» деген риторикалық сұраққа жауап іспетті болды. Бұдан кейін қонақтарымыз құйындай орап соққан біздің команданың жойқын қарқынына төтеп беріп, өздерінің ойын өрнектерін жетілдіре түсті. Ал бірінші кезең аяқталғанша, есеп айырмасын едәуір қысқартып, небәрі 9 ұпай айырмасымен ұтылып жатты. Екінші кезеңде астана баскетболшылары есеп айырмасын тағы да екі таңбалы санға лезде жеткізді. Бірақ ақтөбеліктер қолдарынан келгенінше «Астананы» тойтаруға тырысты. Сөйтіп, елорда ұжымы қара үзіп кете алмады, бірақ үлкен үзіліске шыққанда, арқаны кеңге салуға болатындай басымдыққа ие болды. Есеп – 43:26.



Үшінші кезеңнің басы мейілінше нәтижелі болды. Екі команда 5 минуттың ішінде бір-бірінің шығыршығына жалпы саны 34 ұпай салды. Бірақ әрқайсысының еншілеген ұпайы осы санның 50 пайызы емес. «Ақтөбе» 13 ұпай еншілесе, «Астана» 21 ұпай салды. Алайда матчтың үшінші ширек бөлігінің соңында қарқындары бәсеңсіп қалды. 30 минут ойын уақытынан соң таблода алаң иелерінің 24 ұпай айырмасымен алда тұрғаны жарқырап тұрды. Яғни бәрі де түсінікті еді, енді «Ақтөбенің» қауіпті комбэк жасауға шамасы жетпейтінін және «Астананың» өз еншісіне 2 ұпай қосатынын бәрі де білді. Бірақ мұны ресми түрде тіркеу үшін әлі 10 минут ойнау керек болатын. Эмиль Райковичтің шәкірттері қонақтарына мүмкіндік беретін сыңай танытпай, 5 минуттан кейін есеп айырмасын 33 ұпайға дейін ұлғайтты. Әрі «Астанаға» қарсыласын ірі есеппен жеңу соншалықты қиынға түспеді – 92:63 (23:14, 20:12, 25:18, 24:19).

Жалпы, «Ақтөбе» ойын басында «Астанаға төтеп бере алмай қалды. Әйтсе де, еңселерін түсірмей, намысты қолдан бермеуге талпынды. Дегенмен, қонақтар ойсырай ұтыла бастады, бірақ ойынның кейбір сәттерінде табандылық танытып, ойын тізгінін өз қолдарына алудан тайсалған жоқ. «Астана» осы жеңістен кейін тек турнир кестесінің бірінші сатысындағы өз жағдайын нығайта түсті, ал «Ақтөбе» төртінші орыннан қозғалған жоқ.
 
Ең көп ұпай еншілегендер:

• «Астана» — Айзея Уайтхедтің Ұлтитық лигадағы алғашқы ойыны адам қызығарлықтай болды. Ол осы матчтың ең нәтижелі, тиімді ойыншысы атанды – 19 ұпай, 3 рет доп қағып алды, 5 пас. Малкольм Хилл әдеттегідей көсіле шапты – 14 ұпай, 3 рет доп қағып алды, 4 пас, 3 рет допты «тартып» әкетті. Қазақстан ойыншылары ішінде ең нәтижелісі команда капитаны Рустам Мырзағалиев болды – 9 ұпай және 6 рет доп қағып алды.
• «Ақтөбе» — қонақтарымыз сапында үздік шыққандар: Владислав Гусак — 10 ұпай, 6 рет доп қағып алды, 3 пас және Константин Марзан — 7 ұпай және 5 рет доп қағып алды.

Келесі матч: ертең, яғни 12 қараша күні екі команда «Сарыарқа» велотрегі алаңында тағы да кездесіп, қосарланған кездесудің екіншісін өткізеді. Басталуы – астана уақытымен 19:30-да.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.