ВТБ Бірыңғай лигасы 2016/2017
Енисей
Краснояр өлкесі
ВТБ Бірыңғай лигасы, Тұрақты біріншілік
02.04.2017, 15:10 Жс
Арена: «Арена.Север» (Красноярск)
88:78
Негізгі уақыт
27:15 20:20 21:18 20:25
Ойын нөмірі: RS/133
Көрермен: 1400
Астана
Астана

«Астананы» Красноярск күтіп отыр

31.03.2017, 10:00    Просмотров: 80
Источник: Баспасөз қызметі
Автор: Альмира Шахаева
Алдағы жексенбіде, яғни 2 сәуір күні елорда баскетболшылары ВТБ Бірыңғай лигасы аясындағы кезекті кездесуін түзде Красноярскінің «Енисей» командасымен өткізеді.

«Астана» дәл осы командамен өз алаңында өткен кездесуде ұмытылмас шоу көрсеткен. Барлық маусымдарды есепке алғанда, астаналықтар тұңғыш рет екі овертайм өткізді, бірақ драма мұнымен ғана шектелген жоқ болатын. Соңғы секундтарда Роберт Лаури допты алыстан лақтырып, оймақторға дөп түсіріп, «Астанаға» жеңіс әперген. Красноярск командасы бұл ойынды ұмытқан жоқ, өкініштері әлі басыла да қоймаған шығар, сөз жоқ, есе қайтару үшін барлық күш-жігерлерін салады.

Жалпы, қарсылас командаға қысқаша тоқталар болсақ, «Енисей» турнир кестесінде 7-орында тұр. 10 рет жеңіп, 10 мәрте жеңілістің кермек дәмін татты. Плей-оффта бақ сынау құқығына мүмкіндік беретін аймаққа табан тіреген, яғни 8-орынды иеленіп тұрған «Астана» үшін бұл ойын ең маңызды және шешуші матчтардың бірі болады. Сегіздіктегі орынды сақтап қалу үшін біздің командаға бар болғаны бір ғана жеңіс керек…

ВТБ Бірыңғай лигасының жыл сайынғы чемпионаты көмбесіне тақады, яғни барлық командалар үшін соңғы ойындардың әрқайсысының маңызы зор, әр ойын шектен тыс шиеленісті өтеді.  

Илиас Папатеодору, «Астана» ПБК бас бапкері алдағы ойын жайлы пікірін қысқа да, нұсқа қайырды:
- «Енисей» қосалқы құрамдағы ойыншылары көп, жігіттері әбден ысылған – команда. Бұл ойында бәсекеге қабілетті болу үшін бізге өз мүмкіндіктеріміздің шегінен де жоғары ойын өрнегін көрсету керек.

Матч трансляциясын сіздер жексенбіде, 2 сәуір күні ВТБ бірыңғай лигасы сайтынан 15:10-да көре аласыздар.

«Енисей» «Астанадан» есесін қайтарды

02.04.2017, 20:00    Просмотров: 87
Источник: ВТБ Бірыңғай лигасы
Автор:
Ресейдің «Енисей» клубы өз алаңында қазақтың «Астана» командасынан басым түсті – 88:78 (27:15, 20:20, 21:18, 20:25).

Алексей Вздыхалкин мен Тони Тэйлордың алыстан лақтырған доптары «Енисейге» алғашқы минуттардан алға шығуға көмектесті. Үнемі торшеңбер түбінде допты қағып алып және ойыншыларын жиі алмастырып, красноярлықтар ұпай айырмасын ұлғайта берді. Ойынның екінші ширек бөлігінің ортасында ұпай айырмасы ең жоғарғы “нүктесіне” жетіп, 19 ұпайға тең болды (36:17). Әйтсе де, «Астана» берілмеді, әрі шабуылды күрт үдетті: Родерик Одом мен Иан Миллер есепті қысқартып, ойынның екінші жартысында қуып жетуге боларлықтай мүмкіндік тудырды (47:35). Алайда үзілістен кейін де ойын «Енисейге» қолайлы сценарийде өрбіді. Сібірліктер ұпай айырмасын қайтадан ұлғайта түсті және ойын ырғағына үстемдік құрды. Соңғы онминуттық бел ортасына жеткенде Василий Заворуев өз командасының қоржынынан үш ұпай салып, айып соққысын орындауға да мүмкіндік алды (77:58). Осы ойын сәтінен кейін қазақстандықтар дода көрігін қыздыра алмады.
 
Бірінші айналымдағы өзекті өртер жеңілістерінің есесін қайтарған «Енисейдің» плей-оффқа шығатын мүмкіндігі мейілінше арта түсті. Красноярлықтар енді қалған ойындарының бәрінде ұтылып қалып, ал «Автодор» мен «Астана» бірде-бір рет жеңілмесе ғана шешуші кезеңге шыға алмайды.

Ең көп ұпай жинағандар:

«Енисей»: Тони Тэйлор (21 + 6 пас), Андрей Кощеев (13), Сулейман Браймо (11 + 6 рет доп қақшып алды).

«Астана»: Иан Миллер (31 + 7 пас), Леонидас Каселакис (16 + 6 рет доп қақшып алды), Родерик Одом (13 + 6 рет доп қақшып алды).

«Енисей» БК бас бапкері Олег Окулов:
— Кез келген ойындағыдай қателіктер болды. Бірақ біз мақсатымызға жеттік – «Астананы» қорғаныста тұсаулап ұстадық, нақтырақ айтқанда, қорғаушыларымыз әрбір ойыншыны жекелей ұстауға тырысқан жоқ, әркім өз аумағына жауап берді. Жігіттерімізге бірінші минуттан бастап батыл да, ширақ ойнауды тапсырдық. Ойыншылар мұны бұлжытпай орындады. Ал жіберген қателіктеріміз бүгін біздің жеңіске жетуімізге кедергі бола алмады.

«Астана» ПБК бас бапкері Илиас Папатеодору:
— «Енисейді» лайықты жеңісімен құттықтаймын. Менің ойымша, «Енисей» – Лигадағы ең үздік алты команданың бірі. Бірақ бүгін красноярлықтарға соншалықты көп тер төгудің қажеті болған жоқ, өйткені біз бүгін алаңға шыққан жоқпыз. Бұл – біздің биылғы маусымдағы ең нашар ойынымыз. Кейбір ойыншыларымыз маусым бітті деп шешкендей, ал мен олардан түсініктеме күтемін. Алдымызда әлі өте күрделі үш ойын бар. Ең басты мақсатымыз – плей-оффқа шығу үшін соңына дейін жанталасу.
 
«Астана» келесі ойынын да түзде өткізеді, енді елорда командасы Ресейдегі Нижний Новгородқа барады. 9 сәуір күні осы қаланың өзі аттас «Нижний Новгород» баскетбол клубымен кездесіп, ВТБ Бірыңғай лигасы аясында додаға түседі.

Қарсылас жайлы мәлімет

Құлылған жылы: 1981 Клубтық түстері: ақ, көк
Мемлекет: Ресей Арена: «Арена.Север»
Қала: Краснояр өлкесі Сайт: www.basket-enisey.ru

Сипаттамасы

«Енисей» - ресейдің ерлер арасындағы кәсіпқой баскетбол клубы, Красноярск өлкесінен.

Клуб 1981 жылы Красноярск политехникалық институтының базасында құрылған, осыған орай «Политехник» деп аталған. Кеңес Одағы кезінде төменгі топтарда ойнады. Сол кездегі жалқы және ерен жетістігі ретінде 1988 жылы Сібір және Қиыр Шығыс командалары арасындағы КСРО кубогын жеңіп алғандығын атауға болады. КСРО ыдыраған соң Красноярск ұжымы қаржылай қолдау таппай, баскетболдан Ресей біріншілігінің төменгі топтарында қала берді.

1996/1997 жылдар маусымында Ресейдің деңгейі жоғары лигасында, яғни А суперлигасында бақ сынау құқығына ие болды. Бірақ онда ұзақ тұрақтай алмай, Б суперлигасына түсіп қалды. 2007 жылы Б суперлигасы додасында жеңімпаз атанып, Ресей баскетболының ең жоғарғы тобында өнер көрсету құқығына қайтадан қол жеткізді.

2009/2010 жылдар маусымында алғаш рет Еуропа аренасына шығып, FIBA EuroChallenge додасында додаға түсіп, екінші кезеңіне дейін жетті.

2010/2011 жылдар маусымында EuroChallenge додасының електік сатысында екі ойынның қорытындысы бойынша «Нижний Новгород» клубынан ұтылды.

2014/2015 жылдар маусымында «Енисей» EuroChallenge додасының  ширек финалына дейін жетіп, немістің «Франкфурт» клубына жол беріп алды.

Жетістіктері:
  • Ресей суперлигасының Б дивизионы чемпионы – 2006
  • Ресей кубогының қола жүлдегері – 2011

Команданың жалпы суреті

Енисей