«Астана» өз алаңында Батыс Азияның үздік клубтарының бірі – «Әл-Риядиді» қабылдайды
Елордалық клуб Батыс-Азия Супер Лигасындағы маусымын өз алаңында өткізетін ливандық «Әл-Риядиге» қарсы матчпен жалғастырады. Кездесу желтоқсандағы маңызды матчтардың бірі болмақ, себебі екі ұжымның да ойын қарқыны жақсы және екеуі де тұрақты нәтиже көрсетіп жүр.
Командалардың соңғы матчтары
«Астана»
Астаналық клуб Қазақстан Ұлттық Лигасында тұрақты ойын өрнегін көрсетуді жалғастырып келеді.
— «Каспийге» қарсы екі ойында елордалық ұжым қос жеңіске қол жеткізді – 84:68 және 87:74.
— Команда чемпионатта маусым басынан бері бірде-бір рет жеңіліс тапқан жоқ және әр ойын сайын ұжымнан прогресс байқалады.
«Әл-Рияди»
Ливандық клуб та Астанаға келгенге дейін өткізген матчтарының бәрінде сенімді ойын өрнегін көрсеткен:
— Команда «Әл-Вахданы» жеңді – 89:80 (WASL)
— WASL өткен жылғы кезеңін сенімді аяқтап, чемпиондыққа қол жеткізді
— Жергілікті чемпионаттағы сенімді ойын өрнегін көрсететін «Әл-Рияди» тұрақты түрде есепте үлкен айырмашылықпен жеңіске жетеді.
— Победа над «Al Wahda» — 89:80 (WASL).
Кездесулер тарихы
«Астана» мен «Әл-Рияди» Батыс-Азия Супер Лигасы Сегіздік финалы аясынад екі рет кездескен.
— Бұған дейінгі ойындарда «Әл-Рияди» құрамының мықтылығы мен өз мүмкіндіктерін жүзеге асырудағы жоғары көрсеткішінің арқасында басымдыққа ие болды – 101:69 және 93:58.
— «Астана» үшін алдағы ойын – кеткен есесін қайтарып, турнирлік кестедегі жағдайын жақсарта түсу үшін мүмкіндік.
Кездесулердің жалпы тарихына есепке алмағанда, екі ұжым арасындағы теке-тірес жалғаса бермек. Себебі, командалардың ойын стилі әртүрлі, сондықтан да ойын күреске әрі күтпеген жағдайларға толы болады.
Командалардың көшбасшылары
«Астана»
* Роберт Пан — 18 ұпай, 6 рет допты алу
* Владимир Иванов — 6,5 рет допты алу.
* Эрик Дэй — 5,5 пас.
«Аль-Рияди»
* Perrin Buford — 24,5 ұпай, 10 рет допты алу, 2,5 пас.
* Maurice Kemp — 15,5 ұпай, 8 рет допты алу, 0,5 блокшот.
* Hayk Gyokchyan — 14 ұпай, 6,5 рет допты алу, 4,5 пас, 1 блок.
Матчтан не күтеміз
Кездесу жылдам әрі күреске толы болмақ. «Астана» өз жанкүйерлерінің қолдауымен ойын барысын бақылауында ұстауға тырысса, «Әл-Рияди» қорғаныс пен көшбасшы ойыншыларының шеберлігіне басымдық береді.
Астаналық клуб үшін бұл ойын – мінез көрсетіп, аймақтың ең мықты командаларының бірімен ойында өз күшін сынап көруіне мүмкіндік.
Матч 10 желтоқсанда «Сарыарқа» велотрегінде өтеді. Матч сағат 20:45-те басталады. Кездесуді SportPlus Qazaqstan арнасынан тікелей эфирде көруге болады.
