Ойыншылар тексеріс аясында кардиологиялық және функционалдық тестілер, лабораториялық анализдер тапсырып, өзге де дәрігерлердің қабылдауында болды. Медициналық тексеріс нәтижесінде барлық спортшылар денсаулығы маусым алдындағы дайындыққа жарамды деген қорытынды жасалды.
Дамир Әбілдин, «Астана» КБК дәрігері:
— Медициналық тексеріс жаттығу және сайысқа түсу процесіне рұқсат беру үшін белгіленген нормативтер мен талаптарға сай өткізілді. Оның нәтижесінде спортшылар денсаулығы жаттығуға жарамды деп танылды. Спорттық жарыстарға қатысуға медициналық шектеулер жоқ. Команда жақсы физикалық формада және маусымға дайын.
