Самсон Аракелян FIBA U-19 әлем чемпионатының техникалық делегаты және комиссары болып тағайындалды
«Астана» КБК бас директоры Самсон Аракелян баскетболдан 19 жасқа дейінгі жасөспірімдер арасындағы әлем чемпионатының техникалық делегаты болып тағайындалды. Жарыс 2025 жылдың 28 маусымы мен 6 шілдесі аралығында Швейцарияның Лозанна қаласында өтеді.
Бұл — Самсон Аракеляннің биік кәсіби беделінің нәтижесі мен оның халықаралық аренадағы абыройының көрсеткіші. Алдағы турнирге барлығы тек төрт техникалық делегат тағайындалды, олар — төрт құрлықтың өкілі: Африка, Америка, Еуропа және Азия. Сары құрлық өкілі атанған Самсон Аракелян — Қазақстан атынан әлемдік баскетбол деңгейінде маңызды қызметке ие болған алғашқы адам.
«Астана» КБК Самсон Аракелянді құттықтай отырып, алдағы әлем чемпионатындағы қызметіне сәттілік тілейді!
