Рустам Мурзагалиев, Вадим Щербак, Асқар Майдекин, Руслан Айтқали мен Александр Оразбеков 2025 жылғы Азия Кубогына іріктеу турнирі алдында оқу-жаттығу жиындарына қатысатын ойыншылардың кеңейтілген тізіміне енді. Баскетболшыларымыз ақпан айының алғашқы жартысында құрама сапына қосылады.
Баскетболдан Қазақстан ұлттық құрамасы 2025 жылғы Азия Кубогына іріктеу турнирі аясында екі кездесу өткізеді. 21 ақпанда командамыз Қатарға, ал 24 ақпанда Иран құрамасына қарсы ойнайды.
Қазақстан Е тобының турнирлік кестесінде 4-орында тұрғанын айта кету керек. Іріктеу кезеңі аясында отандастарымыз Үндістан мен Қатар құрамаларын жеңді.
Іріктеу кезеңі қорытындысында 16 команда финалға жолдама алады. Азия Кубогы 2025 жылдың 5-17 тамыз күндері Сауд Арабиясында өтеді.
