Антон Кирин команданы Қазақстан чемпионатына дайындап жатыр
«Астана» командасы 14 жасқа дейінгі жасөспірім клубтар арасындағы Қазақстан Республикасы чемпионатына дайындалып жатыр. Антон Кириннің командасы биыл да турнирге өткен жылғы құраммен аттанады: Клим Калашников, Дармен Айсин, Дастан Мүсіркеп, Әділбек Аманжол, Адият Иса, Гордей Попов, Ярослав Грицаев, Владислав Грицаев, Дамир Балмағомбетов, Әділ Жұмағұл, Арсений Казанин және Әлішер Рахмат. Біріншіліктің алғашқы туры 27-30 қазан күндері Атырауда өтеді. Жарысқа Алматы, Ақтау, Қостанай мен Атырау қалалары командалары бақ сынайды. Биыл Ақтөбе қаласы командасы чемпионатта өнер көрсетпейді, ал «Барсы Атырау» клубынан осы жас санатында екі команда қатысады.
