«Астана» баскетбол маусымын ресми түрде ашты, үйде Санкт-Петербургтен келген «Зенитпен» кездесті.
Кездесудің басында қонақтар тез басымдыққа ие болғанына қарамастан, кейіннен Олег Киселевтің командасы ойынға қайта оралып, үлкен үзіліске ұпай санын едәуір қысқарта алды. Сол сценарий екінші кезеңде де қайталанды: матч аяқталғанға дейін екі минуттан аз уақыт ішінде «Астана» «Зениттен» 4 ұпай ғана артта қалып тұрды, алайда ВТБ Бірыңғай лигасы Суперкубогының қазіргі иегері 69:78 есебімен жеңіске жетті.
«Астана» құрамында «Зениттің» экс-ойыншысы Ройс Хэмм өзін өте жақсы көрсетті. Американдық баскетболшы 20 ұпай жинап, 7 рет допқа бірінші жетіп және 2 рет тосқауыл жасады. Адам Кункельді (18 ұпай) және Маркелл Джонсонды (10 ұпай, 5 рет допқа бірінші жету және 10 пас) атап өткен жөн.
«Ең алдымен, «Астанаға» бар жақсылықты тілеймін. Менің ойымша, біз матчтың көп бөлігінде қорғаныс пен шабуылда жақсы ойнадық, бірақ екінші және соңғы кезеңнің кей бөліктерінде біз мұның бәрін жойып жібере жаздадық, біздің ойынымыз қауіпті шабуылдардың келуіне мүмкіндік жасап берді. Біз жеңдік, бұл жақсы, бірақ команда бүгінгі кездесуден біраз талдау жүргізіп, қорытынды жасауы керек», — деді матчтан кейін қарсыластың бас бапкері Хавьер Паскуаль.
Матч таңғажайып атмосфераға толы болды – ойынға барлығы 1517 көрермен қатысты.
18-19 қазанда «Сарыарқа» велотрегі алаңында «Астана Академиясы» ойнайды: Ұлттық лигадағы жігіттеріміздің алғашқы қарсыласы «Ақтөбе». Сонымен қатар, 19 қазанда бас команданың матчы Нижний Новгородта өтеді.
ВТБ Бірыңғай лигасы Астанаға 25 қазанда оралады: Саратовтың «Автодоры» қонаққа келеді.
