ВТБ Бірыңғай лигасы — «Астана» мен ЦСКА плей-офф додасында

Ертең, 10 мамыр күні ВТБ Бірыңғай лигасының плей-офф сатысындағы үшінші ойыны өтеді. «Астана» баскетболшылары ВТБ Бірыңғай лигасының 1/4 финалы аясында Мәскеудің әскерилер клубын қабылдайды.

Естеріңізге сала кетейік, алдыңғы екі ойында да ВТБ Бірңғай лигасының  соңғы чемпионы, яғни Мәскеудің ЦСКА командасы жеңіске жеткен болатын (77:54, 94:74). Ал екеуара дода үш жеңіске дейін созылады.

Реті келгенде айта кетуге тиіспіз, «Астананың» қарсыласы соңғы 10 жылдағы Еуропаның ең үздік клубтарының бірі болып саналады.

Ойын 10 мамыр күні «Барыс-Арена» мұзайдын сарайының аренасында өтеді. Басталуы, Астана уақытымен – 20:00-де. Кіру тегін.

Астананың барлық тұрғындары мен қонақтарын осы ойынға келіп, өз клубымызға қолдау көрсетуге шақырамыз.