«Астананың» бас директоры команданың ВТБ Бірыңғай Лигасындағы нәтижесін қорытындылады

05.04.2023, 18:00    Оқылғаны: 812
Дереккөз: Баспасөз қызметі
Автор:
«Астананың» бас директоры Самсон Аракелян ВТБ Бірыңғай лигасының тұрақты чемпионаты нәтижесін қорытындылады және клубтың болашаққа жоспарлары туралы айтты.

– Самсон Геворгович, «Астананың» ВТБ Бірыңғай Лигасындағы нәтижесі туралы не айтасыз?

– Екіұдай сезім. Қанлай жарысқа қатыссақ та, біз тек жеңістерден үміттіміз. Әрине, ВТБ Лигасындағы жеңілістер тізбегі бізге ұнады деп айтуға болмайды, бірақ бұл біздің жергілікті ойыншыларымыздың деңгейін көтеру, оларға ойын уақытын беру үшін керек тәжірибе еді.



Егер статистикаға жүгінетін болсақ, «Астананың» қазақстандық баскетболшылары осы маусымда бұрынғыдан да көп ойнады. Маусымның екінші жартысында біз жақсы көріндік, жеңістер болды және айтарым, көбіне бұл жеңістердің келуіне тек легионерлер ғана емес, қазақстандық ойыншылар да үлес қосты. Бірақ, әрине, бізде бастапқыда болған жоспар – плей-оффқа шығу бірнеше себептерге байланысты орындалмады.

– Бапкерлік штабтың жұмысы туралы не айтасыз?



- Бапкерлер штабы үшін маусым қиын болды, іс жүзінде ол мамыр айының соңынан басталды, өйткені бас бапкер Олег Киселев сол кезде де астаналықтардың базалық клубы саналатын ұлттық құрамамен жұмыс істей бастады.

Бас бапкердің көмекшісі және скаут Глеб Плотников туралы да айта аламын. Мен бастапқыда легионерлердің бюджеті айтарлықтай қысқаратынын түсіндім, өйткені клубтың осы маусымдағы басты мақсаты – фарм-командасын құру, болашағымыздың негізі, Академия залын ашу. Осылайша, бюджет қаражатының едәуір бөлігі осы маңызды мақсаттарға жұмсалды. Бұл шешімді біздің бас демеушіміз – SportQory Қоры қолдады. Тиісінше, біздің скаут маусым айынан бастап жұмыс істеді, біз ондаған ойыншыларды қарап шықтық, аз ақшаға әлеуеті бар шеберлерді таңдадық.

Мамыр айының соңында Асқар Майдекинді қалпына келтіру, ұлттық құраманың ойыншыларын оңтайлы бабына келтіру бойынша жұмысты бастаған дене шынықтыру жаттықтырушысы Ринат Абитовпен де солай. Жұмыс өте қиын болды, бірақ ол өз жемісін берді.

Бізде ВТБ Бірыңғай лигасында өте тығыз күнтізбе болды. Маусымның жаңа форматында ойындар саны 24-тен 32-ге дейін өсті, тұрақты маусым сәуір айының ортасында емес, наурыз айында аяқталды. Сондай-ақ ұлттық чемпионат пен Қазақстан құрамасыны

Сондықтан жұмыс алдын-ала басталып, сәтті болды. Бақытымызға орай, әзірге қазақстандық ойыншылардың ауыр жарақаттары болған жоқ. Маусымның екінші жартысында команда өте жақсы көрінеді.

Менің ойымша, бапкерлер штабы осындай қиын маусымға дайындалу үшін керемет жұмыс жасады, мұның дәлелді фактілері бар. Біздің барлық легионерімізге басқа клубтардың ұсыныстар болды. Бұл лига клубтарын маусымға дейін онша қызықтырмаған ойыншылар-тын, бірақ скаут пен жаттықтырушылар штабының жұмысының арқасында олар жаңа деңгейде көтеріліп, үлкен қаржылық мүмкіндіктері бар клубтардың қызығушылығын оята алды.
 


Даниил Аксенов чемпионат барысында ВТБ Бірыңғай лигасында ресейлік үздік 3 ойыншының қатарына кірді. Майерске өзге клубтардан ұсыныстар болды, қазір олар лиганың плей-офф кезеңінде ойнайды. Маркелл Джонсонға да ұсыныстар болды… Бірақ біз қолымыздан келгенше бәрін барынша сақтап қалуға тырысамыз, өйткені алдымызда ҚР Ұлттық лигасы мен Батыс Азия Суперлигасының плей-офф кезеңі тұр.

Әрине, бәрі бірдей керемет емес және біздің Бірыңғай лигадағы нәтижеміз күткенімізге сәйкес келмейді. Біз осы маусымда ВТБ Бірыңғай лигасына көптеген американдық легионерлер келетінін күткен жоқпыз. Барлық клубта 5-6 шетелдік ойыншы болды. Біз бұл маусымда шетелдіктер аз болады деп күткен едік.

Егер алдын ала қорытындылар шығарсақ, мен бапкерлік штабының жұмысын қанағаттанарлық бағалаймын. Алда Қазақстан чемпионаты мен Батыс Азия Суперлигасының матчтары тұр. Осы нәтижелерге сүйене отырып, мен бапкердің жұмысына қорытынды баға бере аламын.



– Осы маңсымда жаңа ойыншылар келе ме?

- Барлығы мамыр айының ортасына қарай аяқталатын Қазақстан чемпионатына байланысты болады. Осыған сүйене отырып, біз қай шепті күшейту керектігін қарастырамыз.

Біз легионерлерді іздейміз деп нақты айта аламын. Біз үшін бұл одан арғы маусымға ойыншыларды командаға алудың қосымша мүмкіндігі болады.

Қазір команданың негізгі ойыншылары сақталды және Батыс Азия Суперлигасында шектеуді  ескерсек, алаңда екі және қосалқы шепте бір легионер ұстай аламыз. Сондықтан біз қазақстандық ойыншыларға сүйенетін боламыз.

Маусымаралық кезеңде «Астананың» тек легионерлерді ғана емес, Ұлттық Лиганың басқа командаларынан қазақстандық ойыншыларды да тарта алатынын жоққа шығармаймын. Бірақ бәрі «Астананың» негізгі ойыншыларының денсаулығы мен дене бітіміне байланысты болады.

– Ұлттық лиганың үйдегі матчтары ВТБ Бірыңғай лигасының ойындары сияқты қызықты емес дейтін жанкүйерлерге не айтар едіңіз?

- Маусымның басындағы, негізінен жастар құрамы шыққан IRBIS-пен кездесуді еске түсірейікші. Бұл матч жанкүйерлер үшін ВТБ Бірыңғай Лигасындағы кейбір ойындарға қарағанда керемет болды: әр кезеңде тартыс, қосымша уақыт, соңғы секундтар сыйлаған жеңіс ұпайлары. Бұл біз жақсы көретін эмоцияларға толы баскетбол болды.



Жанкүйерлерге айтарым, біз жас ойыншыларды командаға тартуды жалғастыратынымыз. Мүмкін, бұл біздің қарсыластарымызға жақсы мүмкіндік берер, бірақ екінші жағынан, бұл ұлттық лига ойындарының деңгейін көтереді және ойыншылардың дамуына көмектеседі.

Сонымен қатар, мен Қазақстан чемпионатын қадағалап отырамын және түрлі қалаларда жанкүйерлердің қаншалықты белсенді екенін көремін. Іс жүзінде әрбір клубтың белсенді фан-базасы бар, оны көшпелі ойындарда да бақылауға болады. Осы маусымда әр команданың «Атырау Барыстары» мен «Астананы» жеңе алатыны ұлттық лиганы көрермендер үшін қызықты етеді.

– Жақында ҚР ҰФБ атқару комитетінің мүшесімен сұхбат жарияланды, ол егер қаржыландыру ұлғаймаса, елордалықтардың ВТБ Бірыңғай лигасынан шығуы мүмкін деген ойды білдірді. Бұл рас па?

– Мұндай әңгімелер бірнеше жыл бойы айтылып келеді. Әрине, ВТБ Бірыңғай Лигасындағы табыстың негізгі факторы – клуб бюджеті. Бірақ мен былай айтамын: қазір лиганың баламасы жоқ. Командалар мен турнирді ұйымдастыру деңгейі өте жоғары. Лиганы тек қазақстандық ойыншылардың дамуы үшін қарастыру дұрыс емес. Бұл клуб таныстыратын елге қарамастан, басты рөлді легионерлер ойнайтын жоғары деңгейлі өнім.



Бір жағынан, біз үшін және жанкүйерлер үшін бұл үлкен және титулды клубтарға, жұлдызды ойыншыларға қарсы ойнаудың керемет мүмкіндігі, екінші жағынан жеңіле беру елдегі баскетболды дамытпасы анық. сондай-ақ, клубтың маркетингтік саласына да ешқандай пайда әкелмейді. Әрине, 10 жыл бұрынғыдай ВТБ Бірыңғай Лигасына одан әрі қатысу мәселесі тиісті бюджеттің қажеттілігін көздейді. Тағы бір сұрақ — бұл негізгі демеушінің есебінен бола ма, әлде біз тарта алатын және жұмыс істейтін қосымша көздерден қаражат бола ма? Бұл осы жазда шешуіміз қажет міндет.

Осы маусымда ВТБ Бірыңғай Лигасына ұқсас Батыс Азия Суперлигасы (WASL) басталды. Бұл толыққанды маусым, Сауд Арабиясы, Иран, БАӘ, Катар, Ливанның өте әлеуетті клубтары қатысады. Бұл да біз үшін өте қызықты жоба. Ең дұрысы, шынымды айтсам, біз екі чемпионатқа да қатысқанымызды қалаймын.

Қорытындылай келе, қазіргі уақытта ВТБ Бірыңғай лигасынан шығу туралы әңгіме жоқ. Қазір біз үшін басты міндет – Қазақстан чемпионатын жеңіп алу және Батыс Азия Суперлигасы аясында өзімізді лайықты көрсету.

Әрине, бір уақытта үш лигада қалай ойнауға болады, өйткені бұл жылына шамамен 100 ойын ғой деуіңіз мүмкін. Біз келесі маусымда Қазақстан чемпионатына екі команда қатыстырамыз деп жоспарлануда.

Халықаралық лигаларда ойнайтын негізгі команда болады. Ұлттық лига аясында ол плей-оффқа ресми түрде кіру және басқа тұрақты ойындардан босату үшін бір айналымды ойнайды.

22 жасқа дейінгі ойыншылардан тұратын екінші команда бүкіл маусым бойы Қазақстан чемпионатына толық қатысады. Бұл бізге нәтижеге қарамастан, екінші команда үшін жеткілікті тәжірибе мен жақсы ойындар көрсетуге мүмкіндік береді. Менің ойымша, жас команданың жанкүйерлері де аз болмайды. Сонымен қатар, оның үй аренасы Astana Cup ойындарында жанкүйерлерге ұнайтын Академия залы болады.


«Самұрық-Қазына» ұлттық әл-ауқат қоры

Бірыңғай оператор «Туризм индустриясы мен спортты қолдау қоры»