«Астана» Президенттік баскетбол клубы жаңа ойыншымен келісімшартқа отырғандығын ресми түрде мәлімдейді. Ол – Грекияның 25 жастағы әлеуеті зор ойын үйлестірушісі Кацивелис Димитриос. Бұл ойыншының бойы – 197 см. Димитриос ойын үйлестіруші міндетін де атқара алады, шабуылдаушы қорғаушы ретінде де ойнай алады. Кацивелис өткен маусымда гректің АЕК командасының намысын қорғаған.
Жетістіктері:
- «Олимпиокос» сапында екі дүркін Еуролига чемпионы – 2011/2012, 2012/2013 жж.
- Грекияның екі дүркін чемпионы.
- Жастар арасындағы Еуропа чемпионы – 2008 ж.
Оның тәжірибесі мен жеңімпаздық рухы біздің команданың алға қойған мақсаттарына қол жеткізуіне ықпал етіп, кәдеге асады деп үміттенеміз.
