19 және 20 қаңтар күндері Астана» баскетбол клубы жаңа жылдағы алғашқы ойындарын өткізеді. Өз алаңында, яғни «Сарыарқа» велотрегі аренасында біздің команда Ұлттық лига аясындағы алғашқы екі ойынын өткізіп, тағы да «Тобылды» қабылдайды. Негізі, бұл матчтар Қостанайда өтуі керек болатын, бірақ екі команданың өзара келісімімен астанаға ауыстырылды. Бірінші ойын, астана уақытымен 17:30-да, ал екіншісі 19:30-да басталады.
НАЗАР АУДАРЫҢЫЗДАР! — Коронавирус нәубеті салдарынан, астанаға енгізілген шектеу шараларына байланысты матч көрерменсіз, бос трибуналарда өтеді.
«Тобыл» – Қазақстанның ерлер арасындағы кәсіпқой баскетбол клубы, Қостанай қаласынан, 2003 жылы құрылған.
Жетістіктері:
Алдағы екі ойын біздің команда мен Қостанай ұжымы арасындағы, Ұлттық лига додасы аясындағы, биылғы маусымдағы соңғы кездесулер болады. Бұған дейінгі екеуара төрт матчта да “Астана” айқын басымдықпен жеңіске жетті. Қазанда Дарко Руссо шәкірттері Қостанайда 50 және 40 ұпай айырмасымен екі рет үстем түсті. Ал желтоқсан айының ортасында, астанада +59 және +63 доп айырмасымен тағы да күйрете жеңді. “Тобыл” біздің командамен өткен соңғы матчтан кейін небәрі екі ойын ғана өткізді. Әрі екеуінде де, өз алаңында “Атырау Барыстарына” есе жіберіп алды. Сөйтіп, қостанайлықтар 12 ойынның 3-еуінде ғана жеңіске жетіп, турнир кестесінде төртінші орынды иеленіп тұр. Ал біздің жігіттер болса, 12 ойынныі бәрін де жеңіспен аяқтап, соның арқасында командалар рейтингінде сенімді түрде көш бастап, алдағы кездесулерде фаворит болып есептеледі.
Команда құрамындағы өзгерістер: “Тобылдың” құрамы жарты маусым ішінде мүлдем өзгерген жоқ.
Команда көшбасшылары: Қостанай командасының негізгі қозғалтқыш күші, сол бұрынғысынша Шайым Қуанов пен Антон Быков болып саналады. Олардың әрқайсысы бір матчта орта есеппен он бес ұпайдан еншілеп жүр. Сонымен қатар, Павел Ильин мен Максим Воейковты да бөле-жара атап өтуге болады. Сондай-ақ, Рустам Валиев, Асқар Ахметжан және Никита Тимофеев үшеуі үнемі алаңға шығып келеді.
Матчтар астанадағы «Сарыарқа» велотрегі аренасында өтеді. Бірінші ойын сәрсенбі күні, астана уақытымен 17:30-да, ал бейсенбідегі екінші матч 19:30-да басталады. Екі ойынның да онлайн-трансляциясы біздің сайтымыздың басты бетінде жүргізіледі.
Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.
 «Самұрық-Қазына» ұлттық әл-ауқат қоры |
 Бірыңғай оператор «Туризм индустриясы мен спортты қолдау қоры» |
