Ұлттық лигадағы ерлер командалары арасындағы XXX Қазақстан Чемпионаты
Астана
Астана
Ұлттық лига, Плей-офф Финал
06.05.2022, 19:30 Жм
Арена: «Сары-Арқа» велотрегі (Астана)
77:51
Негізгі уақыт
18:13 22:12 20:14 17:12
Ойын нөмірі: 8
Көрермен: 0
Атырау Барыстары
Атырау

«Астана» мен «Атырау Барыстары» арасындағы финалдық ойындар

05.05.2022, 10:00    Просмотров: 125
Источник: Баспасөз қызметі
Автор:

6-14 мамыр арасында XXX Қазақстан чемпионатының ерлер арасындағы Ұлттық лигасында плей-офф додасы одан әрі жалғасып, 2021/2022 мерейтойлы маусымдағы еліміздің чемпиондық тәжі сарапқа салынады.

Шешуші ойындар 6 мамырда басталып, ел біріншілігінің негізгі додасында топ жарған және жартылай финалдан сүрінбей өткен елорданың «Астанасы» былтырғы өз атағын қорғауға тырысады. Финалдағы қарсыласы – «Атырау Барыстары».

Финалдық кезеңдегі ойындардың бәрі де үш жеңіске дейін, алма-кезек екі ұжымның алаңында, 2+2+1 сұлбасында өтеді. “Астана” мен “Атырау Барыстары” арасындағы бастапқы екі матч елорда командасыны алаңында, яғни 6 және 7 мамыр күндері «Сарыарқа» республикалық велотрегі аренасында өтеді. Матчтардың басталуы – астана уақытымен 19:30-да.

Финалдық кезеңдегі түздегі матчтар 10 және 11 мамыр күндері, Атырау қаласындағы «Jusan» аренасында өтеді. Егер осы төрт ойында командалар екі реттен жеңіске жетсе, онда бесінші матч 14 мамыр күні, ел астанасында өтеді.

Плей-офф сатысындағы барлық ойындардың онлайн-трансляциясы біздің сайтымыздың басты бетінде жүргізіледі – pbcastana.kz.

«Атырау Барыстары» – Қазақстанның ерлер арасындағы кәсіби баскетбол клубы, Атырау қаласынан. 2003 жылы құрылған. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен құрылған.

Жетістіктері:

  • Қазақстан чемпионатының жеңімпазы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014, 2016/2017
  • Жоғары лига жеңімпазы: 2014/2015
  • Қазақстан кубогының иегері: 2009, 2022
  • Қазақстан кубогының күміс жүлдегері: 2010, 2011, 2012, 2016, 2017, 2018
  • Қазақстан кубогының қола жүлдегері: 2020, 2021

Барсы Атырау баскетбол клубы 2021/2022

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» финалдық доданы «Атырау Барыстарынан» басым түсіп бастады

07.05.2022, 10:00    Просмотров: 248
Источник: ҰБФ ҚР
Автор:

“Астана” мен “Атырау Барыстары” Ұлттық лига маусымының бас бәйгесін елордадағы матчпен бастады. “Астана” ел чемпионатының негізгі додасындағы екеуара матчтардың бәрінде жеңіске жеткен. Тек өтпей қалған соңғы ойында техникалық жеңіліс жазылған болатын. Сондықтан елордалықтар бұл ойында ғана емес, жалпы финалдық кезеңде фаворит болып саналады.

Ойын барысы: “Астана” бұл ойында есепті тек үшінші минутта ғана ашты. Ал “Атырау Барыстары” алғашқы ұпайларын тек бірінші кезеңнің ортасында еншіледі. Дәл осы сәтте олар сегіз ұпай айырмасымен ұтылып жатқан болатын. Алайда кезең соңында атыраулықтар алаң иелерінен асып түсті, бірақ есеп айырмасын бес ұпайға дейін ғана қысқартты – 18:13. Екінші ойын бөлігінің басында командалар арасы үш ұпайға дейін қысқарды. Бірақ бұдан кейін астана ұжымы тізгінді өз қолдарына алып, есеп айрмасын ұлғайта түсті. Ал үлкен үзіліс алдындағы бесминуттық алаң иелерінің үстемдік құруымен өтті. Сөйтіп олар үзіліске он бес ұпай басымдықпен шықты – 40:25. Шығыршық ауыстырған соң “Астана” басымдығы лезде жиырма ұпайдан асып кетті. Бірақ олар үшінші кезеңнің ортасында қонақтарының пәрменді серпілісінен көз жазып қалды. Атыраулықтар есеп айырмасын отыз ұпайға дейін қысқартты. Әйткенмен, алаң иелері еңсе тіктеп, отыз минут ойын уақытынан кейін жиырма бір ұпай айырмасымен ұтып жатты – 60:39. Қонақтардың қауқар көрсетер мүмкіндіктері қалмай, ойын өрісін өзгерту үшін жан алып, жан беру керек болды. Бірақ бұған алаң иелері жол бермеді. “Астана” соңғы кезеңнің бастапқы бес минутында қонақтарының есеп айырмасын біршама қысқартуларына мүмкіндік беріп алғанымен, қалған он жеті ұпай басымдығын уысынан шығармай, түлеп сала берді. Әрі матч соңында алаң иелері қорғаныста қайсарлық танытып, ірі жеңіске қол жеткізді – 77:51.

Руслан Айткали

Маңызды сәт: “Астана” матчтың ортасында, яғни екінші кезенің соңы мен үшінші кезеңні басында қонақтарынан асып түсіп, ойынның қалған уақытын арқаны кеге салар басымдықпен өткізді.

Матч үздігі: Николай Бажин нәтижелі ойын өрнегін көрсетіп, өз ұжымында ең көп ұпай жинаған және ең тиімді ойыншы болды.

Көп ұпай жинағандар:

  • «Астана»: Николай Бажин (18 ұпай, 3 рет доп қағып алды, 2 пас), Рустам Мырзағалиев (17 ұпай, 2 пас), Олег Балашов (10 ұпай, 4 рет доп қағып алды, 6 пас, 3 рет доп тартып алды).
  • «Атырау Барыстары»: Андрей Рогозенко (23 ұпай, 4 рет доп қағып алды, 5 рет доп тартып алды), Денис Викентьев (8 ұпай, 5 рет доп қағып алды, 2 пас), Роман Марчук (7 ұпай, 4 рет доп қағып алды).


Салдары: “Астана” финалдық кезеңдегі “Атырау Барыстарымен” өтіп жатқан додада алға шықты.

Келесі ойын: Ертең, 7 мамыр күні “Астана” мен “Барыстар” финалдық кезеңдегі екінші ойындарын өткізеді. Бұл матч та Нұр-Сұлтандағы “Сарыарқа” велотрегі алаңында өтеді. Ойынның басталуы – астана уақытымен 17:00-де. Матчтың онлайн трансляциясы біздің сайтымыздың басты бетінде және «In Sport» телеарнасы эфирінде жүргізіледі.
 


Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2005 Клубтық түстері: ақ, жасыл
Мемлекет: Қазақстан Арена: Jysan Arena
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
  • Жоғары лигасының жеңімпазы: 2014/2015
  • Қазақстан Кубогының иегері: 2009, 2022
  • Қазақстан Кубогының күміс жүлдегері: 2010, 2011, 2012, 2016, 2017, 2018
  • Қазақстан Кубогының қола жүлдегері: 2020, 2021

Команданың жалпы суреті

Атырау Барыстары