«Астана» Атырауда екі рет жеңіске жетті

07.02.2019, 10:00 Просмотров: 596
Источник: Баспасөз қызметі
Автор: Шыңғыс Түсіпбаев

6 ақпан күні Атырауда «Астана» мен «Атырау Барыстары» арасында, Қазақстан чемпионатының Ұлттық лигасы аясында, түздегі екінші матч өтті.

Бұл ойында елорда баскетболшылары алаң иелерін кешегі ойынмен салыстарғанда ойсырата жеңді – 54:109 (11:26, 9:29, 20:25, 14:29). Осымен жасыл-ақ жейделілермен, ел чемпионаты аясындағы, екеуара ойындар аяқталып, «Астана» 6:0 есебімен үстем түсті.

Матчтың үздік ойыншылары:

Дмитрий Гаврилов – 12 ұпай, 9 рет допты қағып алды, 2 пас және тиімділігі – 24.
Стефан Холт – 12 ұпай, 4 рет допты қағып алды, 2 пас, 3 рет допты қағып әкетті және тиімділігі – 18.
Александр Жигулин – 12 ұпай, 2 рет допты қағып алды және тиімділігі – 10.
Максим Марчук – 6 ұпай, 9 рет допты қағып алды, 2 пас және тиімділігі – 14.
Рустам Ерғали – 5 ұпай, 2 рет допты қағып алды, 4 пас және тиімділігі – 10.

Команда келесі ойынын алдағы аптада, яғни 12 ақпанда, сейсенбі күні өткізеді. Елордалықтар өз алаңында Польшаның «Зелена Гура» баскетбол клубын қабылдап, ВТБ Бірыңғай лигасы аясында додаға түседі. Матчтың басталуы – Астана уақытымен 19:30-да. Билеттер Ticketon.kz сайтында сатылымға шығып та қойды.

Ал Қазақстан чемпионатының Ұлттық лигасы аясындағы келесі ойындарын «Астана» түзде өткізеді. 14 және 15 ақпан күндері елорда баскетболшылары «АМУ Атырау Барыстарымен» кездеседі.

Клуб

596

«Астана» Атырауда екі рет жеңіске жетті

6 ақпан күні Атырауда «Астана» мен «Атырау Барыстары» арасында, Қазақстан чемпионатының Ұлттық лигасы аясында, түздегі екінші матч өтті.

Баспасөз қызметі

07/02

Қарсылас жайлы мәлімет

Құрылған жылы: 2005 Клубтық түстері: ақ, жасыл

Мемлекет: Қазақстан Арена: AIROM ARENA

Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:

Қазақстан Чемпионатының жеңімпазы: 2010/2011, 2015/2016
Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
Жоғары лигасының жеңімпазы: 2014/2015
Қазақстан Кубогының иегері: 2009, 2022
Қазақстан Кубогының күміс жүлдегері: 2010, 2011, 2012, 2016, 2017, 2018
Қазақстан Кубогының қола жүлдегері: 2020, 2021

Команданың жалпы суреті