ВТБ Бірыңғай лигасы 2018/2019
Астана
Астана
ВТБ Бірыңғай Лигасы, Тұрақты біріншілік
07.10.2018, 14:00 Жс
Арена: «Сары-Арқа» велотрегі (Астана)
61:86
Негізгі уақыт
15:14 12:27 20:24 14:21
Ойын нөмірі: RS-7
Көрермен: 1072
ЦСКА (МСК)
Мәскеу

«Астана» Мәскеудің ЦСКА командасын қабылдайды

04.10.2018, 08:00    Просмотров: 1124
Источник: Баспасөз қызметі
Автор: Әсем Миржекеева
Жексенбі күні, 7 қазанда, «Астана» президенттік баскетбол клубы ВТБ Бірыңғай лигасының жыл сайынғы чемпионатының жаңа маусымдағы алғашқы ойынын өткізіп, Мәскеу қаласының ЦСКА командасымен кездеседі.
 

Жалпы, «Астана» әскерилер клубымен 16 кездесу өткізген, алайда оның бәрі де Мәскеу клубының жеңісімен аяқталған болатын. Соңғы матч 2017 жылы 25 желтоқсанда ЦСКА баскетболшыларының алаңында өткен.

«Астана» БК бас бапкері — Эмиль Райкович: »ВТБ Бірыңғай лигасының ойындар күнтізбесі біз үшін үлкен сынақпен басталғалы тұр, маусымды өте азулы командалармен бастаймыз. Бірінші ойынды тіпті Мәскеудің ЦСКА командасымен өткіземіз. Әрине, азулы командамен ойнап, біз тез жетіле түсеміз. Мен жігіттеріміздің Литвадағы жаттығу жиынында қалай тер төккендерін көрдім, енді олардың әрқайсысының жерге қаратпайтындарын білемін және сенімдімін деп айта аламын. Барлықтарыңызды осы ойынға шақырамыз, біз жанкүйерлеріміз қолдау көрсетеді деп үміттенеміз».

Матч 7 қазан күні «Сарыарқа» велотрегі аренасында өтеді, басталуы – Астана уақытымен 14:00-да. Билеттердің онлайн сатылымы –
Ticketon.kz сайтында.

Матчтың онлайн-трансляциясы біздің сайтымыздың Ойын орталығы бөлімінде және «QazSport» телеарнасында жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» маусымның бірінші матчында Мәскеудің ЦСКА клубынан ұтылды

07.10.2018, 20:00    Просмотров: 643
Источник: Баспасөз қызметі
Автор: Әсем Миржекеева
«Астана» президенттік баскетбол клубы 2018/2019 жылдар маусымының бірінші ойынын Мәскеу қаласының ЦСКА командасымен өз алаңында өткізді.

Ойынның алғашқы секундтарында есеп ашқандар – команданың соңғы жылдардағы тұрақты капитаны Рустам Ерғали бастаған Джей-Джей ОБрайен, Энтони Клеммонс, Кеннет Хортор және Джеффри Гросселл сынды ойыншылар.

Матчтың бірінші ширек бөлігі жанкүйерлердің шаттана қол шапалақтауымен аяқталды. Себебі таблодағы есеп 15:14 болатын. Алда – «Астана». Әрине, бұл ЦСКА командасының бас бапкері Димитрис Итудиске мүлде ұнаған жоқ. Ол шәкірттерін қатал түрде қамшылай түсті. Бұдан кейін әскерилер клубы табан тіресе додаға түсіп, батылырақ қимылдап, есеп айырмасын ұлғайта түсті. Ойынның бірінші бөлігінің аяқталуына бес минут қалған уақытқа дейін «Астана» небәрі екі-ақ ұпай еншіледі. Ал қонақтар болса, қоржындарына 15 ұпай салды. Содан Эмиль Райковичке тайм-аут алып, жігіттерін жігерлендіріп, жөн сілтеуге тура келді. Алаң иелері осыдан кейін матчтың бірінші ширек бөлігіндегідей көсіле сілтеп, есепті қысқарта түсті.
Әйтсе де, екінші кезең 27:41 есебімен аяқталып, ЦСКА командасы қара үзіп кетті.

Үзілістен кейін «Астана» ойыншылары тағы да алға ентелеп, қарқындарын үдетіп, есеп айырмасын бір ұпайға дейін қысқартты. Көрермендер сілтідей тынып, демдерін іштеріне тартты. Алайда Иван Уховтың үш ұпайлық дәл соққысы аһ ұрғызды. Әрі бұдан кейін де ЦСКА ойыншыларының дәл соққылары жалғасын тауып, бәрі де жауапсыз қалды. Осы ретте айта кетуіміз керек, «Астананың» көшбасшылары, яғни Рустам Ерғали мен Энтони Клеммонс төрт ескертуден алып, бас бапкерге қарсы әрекеттер қолдану қиындай түсті. Команданың жаңа ойыншысы мен ең көп ұпай әкелген сұрмергені Джеффри Гросселлдің доп додасы барысында қолын жарақаттап алғаны да, ұжым мен жаттықтырушылардың өзектерін өртеді. Матчтың соңғы бөлігінде мәскеуліктер басымдық танытып, жеңісті өңгеріп кетті.      



Ең көп ұпай еншілегендер:
  • «Астана»: Джеффри Гросселл (14 + 5 рет доп қақшып алды), Джей Джей О`Брайен (12 + 5 рет доп қақшып алды + 4 пас), Энтони Клеммонс (11 + 3 рет допты қағып әкетті).
  • ЦСКА: Отелло Хантер (18 + 6 рет доп қақшып алды), Кори Хиггинс (16), Семен Антонов (10), Алек Питерс (9 + 6 рет доп қақшып алды).

«Астана» бас бапкері, Эмиль Райкович:
— Командамыздың сапы әлі толықтай жасақталып болмағандығын ескерсек, бұл ойында бізге оңай болған жоқ. Бүгін біздің ұжым бар күш-жігерін салып, аянбай ойнады деп ойлаймын. Қалай дегенмен, біз бүгін Еуропадағы ең үздік командалардың бірімен ойнадық. Сонымен қатар, жіті қадағалап отырсақ та, қателіктер жіберіп алдық. Әрі қарсыласымыдың деңгейі мен санаты – жоғары. ЦСКА қорғаныста прессинг қолданып, жылдам шабуыл ұйымдастырып және сәтті аяқтап отырды. Жалпы, алдымызда қыруар жұмыс тұр, ал бұл – тек бірінші ойын ғана. Бізге әлі шүмектетіп тер төгу қажет. Мен ЦСКА командасы мен бас бапкері Димитрис Итудисті жеңістерімен құттықтаймын. Алдағы ойындарда жеңіске жете берулеріне тілектеспін.


ЦСКА бас бапкері, Димитрис Итудис:
— Командамды құттықтаймын, біз осы сапарымызда екінші рет жеңіске жетіп отырмыз. Ойын барысында тамаша мүмкіндіктеріміз болды, әйтсе де, әлі тер төгу қажет. Алдағы бұдан да тартысты ойындарға дайын болуымыз керек.


«Астана» келесі ойындарын да өз алаңында өткізіп, 9 және 10 қазан күндері ерлер арасындағы Қазақстан чемпионатының Ұлттық лигасы аясында «Атырау Барыстары» баскетбол клубын қабылдайды.

Ал ВТБ Бірыңғай лигасы аясындағы келесі кездесуін түзде өткізіп, 13 қазан күні елорда баскетболшылары Беларусь астанасына аттанды. Онда «Астана» жергілікті «Цмоки Минск» баскетбол клубымен додаға түседі.

Қарсылас жайлы мәлімет

Құрылған жылы: 1923 Клубтық түстері: қызыл, көк
Мемлекет: Ресей Арена: ӘСК ЦСКА
Қала: Мәскеу Сайт: www.cskabasket.com

Сипаттамасы

ЦСКА – Ресейдің ерлер арасындағы баскетбол клубы, Мәскеу қаласынан, 2000 жылы құрылған.

Жетістіктері:
  • КСРО чемпионы − 1945, 1960-1962, 1964-1966, 1969-1974, 1976-1984, 1988, 1990
  • Ресей чемпионы – 1992-2000, 2003-2019
  • КСРО Кубогының жеңімпазы − 1972, 1973, 1982
  • Ресей Кубогының жеңімпазы – 2005-2007
  • Еуропа чемпиондары кубогының жеңімпазы − 1960/1961, 1962/1963, 1968/1969, 1970/1971
  • Еуролига чемпионы − 2005/06, 2007/08, 2015/16 
  • NEBL чемпионы − 1999/2000
  • ВТБ Бірыңғай лигасының чемпионы − 2009/2010, 2011/2012-2018/19, 2020/21
  • ВТБ Бірыңғай лигасының күміс жүлдегері − 2010/2011, 2021/2022
  • Нева Кубогының жеңімпазы — 2020
  • А. Я. Гомельский Кубогының жеңімпазы - 2020

Команданың жалпы суреті

ЦСКА (МСК)