2025 жылдың 27 тамызында «Астана» баскетбол клубы команданың 2025/2026 жылдар маусымына дайындық барысында маңызды кезеңге айналған дәстүрлі Медиа-күнді өткізді.
Шара аясында ойыншылардың фотосессиясы өтті. Ол клубтың жаңа маусымдағы визуалды контентінің негізі болады. Баскетболшылар жеке және командалық түсірілімдерге, клуб медиасы үшін қажетті материалдар дайындауға қатысты.
Медиа күнге еліміздің жетекші спорттық бұқаралық ақпарат құралдары – Qazsport, Sport Plus пен «Хабар» қатысып, баскетболшылармен және бапкерлер штабымен тілдесуге мүмкіндік алды. «Астана» ойыншылары жаңа маусымға дайындық мен чемпионаттарда алдарына қойған мақсаттарымен бөлісті.
«Астана» КБК жаңа маусымда бірнеше чемпионатта бақ сынайды, атап айтса, негізгі команда Қазақстан Ұлттық Лигасы мен Батыс-Азия Суперлигасында (FIBA WASL), ал «Астана-Жастар» ВТБ Бірыңғай жастар лигасында өнер көрсетеді.
.jpg)
 «Самұрық-Қазына» ұлттық әл-ауқат қоры |
 Бірыңғай оператор «Туризм индустриясы мен спортты қолдау қоры» |
