ВТБ Бірыңғай лигасы 2022/2023
Зенит
Санкт-Петербург
ВТБ Бірыңғай Лигасы, Бірінші кезең
04.12.2022, 19:30 Жс
Арена: Зенит академиясы (Санкт-Петербург)
88:66
Негізгі уақыт
23:22 31:14 18:15 16:15
Ойын нөмірі:
Көрермен: 1019
Астана
Астана

«Зенитпен» ойнаймыз: қарсыласты таныстырсақ

03.12.2022, 18:00    Просмотров: 268
Источник: Баспасөз қызметі
Автор:
ВТБ Бірыңғай лигасы шеңберіндегі кезекті матчты «Астана» Санкт-Петербургте өтеді.

Қарсылас қазіргі Лиганың чемпионы және Суперкубок иегері — «Зенит». Клуб тек 2014 жылы құрылғанына қарамастан, ол өзін лиганың ең мықты ұжымдарының бірі ретінде көрсете алды.

Жеке кездесулердің статистикасы қазақстандық клубтың пайдасына болмаса да (17 матчтың 11-н «Зенит» жеңді), Санкт-Петербургтегі алдыңғы ойын «Астананың» жеңісімен аяқталды.

Қазір қарсылас команда тұрақты чемпионатта 3-ші орында, он ойында жеңіске жетіп, екі рет жеңіліп қалды. Команданы әлі күнге дейін Хавьер Паскуаль жаттықтырады, ол 2008-2016 жылдары «Барселонаны» баптап, 2020 жылы елордаға қоныс аударды.

Қарсылас команданың көшбасшылары деп Трей Томпкинсті (бір матчқа орта есеппен 11,3 ұпай), Томас Эртель (бір ойынға 10,8 ұпай және 8,1 пас) және Соломон Ричардты (бір матчқа 7,9 ұпай және 6,9 допқа талас) айтуға болады.

«Біздің командаға сәттілік тілейміз, жақсы командалық ойын көрсетуге тырысамыз. Ертеңгі матчтың атмосферасы жоғары, ал ойынның өзі өте қызықты болады деп ойлаймыз», – деді «Астана» ойыншысы Олег Балашов.

Ойын 4 желтоқсанда «Зенит» баскетбол академиясында өтеді, басталуы Астана уақыты бойынша 19:30-да.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Санкт-Петербургте «Зенитпен» ойнадық

04.12.2022, 21:00    Просмотров: 246
Источник: Баспасөз қызметі
Автор:
«Астана» ВТБ Бірыңғай лигасының тұрақты чемпионаты аясында кезекті көшпелі матч өткізді. Бұл жолы лиганың қазіргі чемпионы Санкт-Петербургтің «Зениті» қарсылас болды.

Бастапқыда алаң қожайындары фаворит болып көрінгеніне қарамастан (әсіресе қазақстандықтар Санкт-Петербургке негізгі құрамның бірқатар ойыншыларынсыз келді), бірінші бөлікте кездесудің оңайға түспейтінін көрсетті: он минут Хавьер Паскуаль командасының минималды артықшылығымен аяқталды – 22:23.

Екінші бөлікте «Астананың» жолы болмады – командалар үзіліске 54:36 есебімен кетті. Алайда, соңғы екі бөлікте Олег Киселевтің ұжымы алаң иелеріне тағы да бәсеке танытты, сәйкесінше минималды айырмашылықпен (18:15 және 16:15) жеңілді.

Ойын «Зениттің» пайдасына 88:66 есебімен аяқталды. 

Қазақстандық клубтың көшбасшылары Майкл Майерс (17 ұпай, 11 допқа жету), Даниил Аксенов (16 ұпай, 6 допқа жету), Олег Балашов (10 ұпай) болды. Алаң иелерінен Томас Эртельді (16 ұпай, 6 пас, 4 тосқауыл) озық шықты.
 

«Мен бізді қолдауға келген жанкүйерлерімізді құттықтағым келеді. «Зенит» баскетбол Академиясында осы матчты ұйымдастырғаны үшін клуб басшылығына рахмет. Мен мұның қиынға түскенін білемін. Егер ойын туралы айтатын болсақ, онда біз екінші бөліктен бастап кездесу барысын бақыладық. Біз керемет ойнадық деп айтуға болмайды, бірақ сонымен бірге нашар өнер көрсеттік деп те айта алмаймыз. Енді келесі матчқа дайындалуымыз керек», — деді Зениттің бас бапкері Хавьер Паскуаль матчтан кейін.

6-7 желтоқсанда «Астана» фарм-командасы Алматыда IRBIS-ке қарсы екі матч өткізеді, ал Олег Киселевтің жетекшілігімен негізгі құрам «МБА» -мен қонақта ойнайды.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2014 Клубтық түстері: ақ, көк
Мемлекет: Ресей Арена: «Сибур Арена»
Қала: Санкт-Петербург Сайт: https://bc-zenit.com

Сипаттамасы

«Зенит» – ресейдің кәсіби ерлер баскетбол клубы, Санкт-Петербург қаласынан, 2014 жылы құрылған.

Жетістіктері:
  • ВТБ Бірыңғай лигасының чемпионы — 2021/2022
  • Ресей Чемпионатының жеңімпазы — 2021/2022
  • ВТБ Бірыңғай лигасының қола жүлдегері – 2015/2016, 2016/2017, 2017/2018, 2019/2020 
  • Ресей чемпионатының қола жүлдегері – 2015/2016, 2016/2017, 2017/2018, 2019/2020
  • ВТБ Бірыңғай лигасы Суперкубогының күміс жүлдегері — 2021
  • Ресей кубогының финалына шыққан – 2015/2016