Бүгін «Астана» ВТБ Бірыңғай лигасының тұрақты чемпионаты аясында «Нижний Новгород Париді» қабылдайды.

Біз сіздерге инфографика дайындадық, онда біз қарсылас туралы білу қажет барлық мәліметті жинадық.





«Бізге қорғаныс қағидаттары мен шабуылдағы сапалы іс — қимылдарға толық басымдық беру қажет», - деді «Астананың» бас бапкері Олег Киселев матч алдында.

Матч сағат 15:00-де «Сарыарқа» велотрегінде басталады. Команданы қолдауға келіңіз!

Билеттерді Zakazbiletov.kz сайтынан сатып алуға болады.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Астана» ВТБ Бірыңғай лигасының үй матчында «Нижний Новгородқа» жол берді. 

Қорытынды есеп — 60:80 Ресей командасының пайдасына.

«Астана» құрамында Майкл Майерс (17 ұпай, 6 рет допқа жету), Валерий Лиходей (8 ұпай), Дмитрий Гаврилов (7 ұпай, 6 рет допқа жету) үздік атанды.

Қарсыластар сапынан Иван Стребков (20 ұпай), Никола Йованович (18 ұпай, 8 доп) және Джермейн Лав (15 ұпай) озық шықты.
 
«Мен бүгін жеңіске жетудің маңызы зор деп айтар едім. Қосалқы құрамдағы кейбір ойыншылар бүгін ойнауға мүмкіндік алды. Бүгінгі ойында, Самарамен матчтағыдай, проблемалар көрінді. Өкінішке орай, мен мұны түсінбеймін. Баскетбол — бұл бір адам емес, команда ойнайтын ақылды ойын. Сондықтан ең бастысы — жеңіс, қалғанының бәрі бізді ойландырмайды», — деді «Нижний Новгородтың» бас бапкері Зоран Лукич ойыннан кейін.

Матч Валерий Лиходейдің туған күнінде өтті — форвард 36 жасқа толды. Көрермендер, олардың арасында бүгін ойынға қатыспаған елордалық клубтың баскетболшылары көңілді флешмоб ұйымдастырды.



Келесі матчты «Астана» 27 қазанда Самарада өткізеді.

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.