Ұлттық лигадағы ерлер командалары арасындағы XXX Қазақстан Чемпионаты
Астана
Астана
Ұлттық лига, Тұрақты біріншілік
05.04.2022, 19:30 Сс
Арена: «Сары-Арқа» велотрегі (Астана)
97:64
Негізгі уақыт
17:17 31:12 23:22 26:13
Ойын нөмірі: 53
Көрермен: 0
Каспий
Ақтау

«Астана» Ақтаудың «Каспий» командасымен соңғы екі ойынын өткізеді

04.04.2022, 10:00    Просмотров: 153
Источник: Баспасөз қызметі
Автор:

5 және 6 сәуір күндері «Астана» баскетбол клубы Қазақстан Ұлттық лигасы аясындағы екі ойынын өткізіп, өз алаңында Ақтаудың «Каспий» клубын қабылдайды. Матч «Сарыарқа» республикалық велотрегінде өтеді, басталуы – астана уақытымен 19:30-да.

«Каспий» – Қазақстанның ерлер арасындағы кәсіби баскетбол клубы, Ақтау қаласынан. 2008 жылы құрылған.

Жетістіктері:

  • Қазақстан чемпионатының қола жүлдегері: 2011/2012, 2012/2013, 2013/2014, 2014/2015, 2016/2017
  • Қазақстан кубогының қола жүлдегері: 2012, 2013, 2017

Каспий баскетбол клубы 2021/2022

Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

«Каспий» Нұр-Сұлтанда «Астанадан» тағы да ойсырай ұтылды

05.04.2022, 21:15    Просмотров: 161
Источник: Баспасөз қызметі
Автор:

“Каспий” мен “Астана” ел чемпионатының Ұлттық лигасындағы соңғы қос ойынын бастады. Бұған дейінгі төрт ойын да астана ұжымының ірі жеңісімен аяқталған, әрі олар бүгін де матч фавориті болып есептелді.

Ойын барысы: Бірақ матчтың бірінші кезеңінде астана командасы фаворит ретінде үстемдік құра алмады. Ойын тең дәрежеде өрбіді. “Каспий” тіпті, кезеңнің бірінші жартысында, екі рет алға да шықты. Десек те, бұл кезеңнің басым бөлігінде олар елордалықтарды қуып жетуге тырысумен болды. Әрі ақтаулықтар қарсыласынан қалыспай, бірінші онминуттықтың соңында есепті теестірді де – 17:17. Ал екінші кезеңде “Астана” ойын тізгінін өз қолына алып, атойлап алға шапты. “Каспий” екінші кезеңнің бастапқы бес минутында небәрі үш ұпай ғана еншіледі, әрі кезеңнің бел ортасында он төрт ұпай айырмасымен ұтылып жатты. Әйтсе де, Ақтау командасы қарсыласын сәл де болса тежеп, нәтижелі қарқынын бәсеңсіте алды. Десек те, үлкен үзіліске шыққанда, командалар арасы жиырма ұпайды жуықтады – 29:48. Шығыршық ауыстырған соң ойын қайтадан тең дәрежеде өрбіді, тек бұл жолы “Астана” әжептәуір алда болды, әрі өз басымдығын уысынан шығарған жоқ. Үшінші онминуттықта да елорда ұжымы басым болды, бірақ жалпы есептегі басымдығын бір ұпайға ғана арттырды – 51:71. Соңғы кезеде “Каспий” қырандарының ойын барысын өзгертуге еш мүмкіндігі болмады, “Астана” өрнекті ойын үлгісін көрсетті. Матчтың аяқталуына бес минут қалғанда астаналықтар отыз ұпайдан артық есеп айырмасымен алда тұрды. Әрі “Астана” бұл ойында да үстемдік танытып, ірі есеппен жеңіске жетті. Есеп – 64:97.

Маңызды сәт: “Астана” екінші кезеңде ойын тізгінін толықтай өз қолына алып, ойынның осы ширек бөлігінде он тоғыз ұпай айырмасымен басым түсті. Бұл олардың ойынның екінші жартысында емін-еркін көсіле сілтеулеріне мүмкіндік берді.

Роберт Пан

Матч үздігі: Бүгін астана ұжымының барлық ойыншылары ұпай еншіледі, ал ең көп ұпай жинағаны Марк Тихоненко болды.

Көп ұпай жинағандар:

  • «Каспий»: Константин Нефф (16 ұпай, 6 рет доп қағып алды, 2 рет допты тартып алды), Семен Пинаев (12 ұпай, 9 рет доп қағып алды), Мағжан Сәрсенғалиев (10 ұпай, 4 рет доп қағып алды, 2 пас).
  • «Астана»: Марк Тихоненко (19 ұпай, 2 рет доп қағып алды, 2 пас, 1 блокшот), Роберт Пан (14 ұпай, 8 рет доп қағып алды, 3 пас, 3 рет допты тартып алды), Олег Балашов (13 ұпай, 4 рет доп қағып алды, 4 пас).


Жалпы, турнир жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2008 Клубтық түстері: ақ, көк
Мемлекет: Қазақстан Арена: Халық Арена
Қала: Ақтау Сайт: www.bccaspiy.kz

Сипаттамасы

«Каспий» – Қазақстанның ерлер арасындағы кәсіпқой баскетбол клубы, Ақтау қаласынан.

«Каспий» баскетбол клубы 2008 жылы сәур айында Маңғыстау облыстық Дене шынықтыру және спорт басқармасы мен Маңғыстау облысы әкімдігінің қолдауымен құрылған.

Жетістіктері:
  • Қазақстан чемпионатының қола жүлдегері: 2011/2012, 2012/2013, 2013/2014, 2014/2015, 2016/2017
  • Қазақстан кубогының қола жүлдегері: 2012, 2013, 2017

Команданың жалпы суреті

Каспий