Ұлттық лигадағы ерлер командалары арасындағы XXIX Қазақстан чемпионаты
Ақтөбе
Ақтөбе
Ұлттық лига, Тұрақты біріншілік
06.02.2021, 19:00 Сн
Арена: СС «Қоныс» (Ақтөбе)
68:109
Негізгі уақыт
13:36 22:30 14:22 19:21
Ойын нөмірі: 53
Көрермен: 0
Астана
Астана

«Астана» түзде «Ақтөбемен» қарымта екі ойын өткізеді

05.02.2021, 18:15    Просмотров: 326
Источник: Баспасөз қызметі
Автор:
Ақпан айының бірінші демалысын, яғни 6 және 7 күндерін «Астана» баскетбол клубы Ақтөбеде өткізіп, осы қаланың өзі аттас жергілікті командасымен Ұлттық лига чемпионаты аясында екі рет додаға түседі.

«Ақтөбе»
 – Қазақстанның ерлер арасындағы баскетбол клубы, Ақтөбе қаласынан. 2017 жылы құрылған.

Жетістіктері:
  • Қазақстан чемпионатының Жоғары лигасы жеңімпазы: 2018/2019

Баскетбольный клуб Актобе 2020/2021

Біздің команда мен «Ақтөбенің» Ұлттық лиганың биылғы маусымындағы алғашқы екі ойыны астанада, 9 және 10 қараша күндері өткен. Онда “Астана” екі рет ірі жеңіске жетіп, екеуінде де 100 ұпайдан артық еншілеген. Содан бері «грифондар» 8 ойын өткізіп, соның бәрінде батыс командасы қарсыластарына есе жіберіп алды.

Команда сапындағы өзгеріс: «Ақтөбе» сапынан Ресей ойыншысы Николай Муха кетіп қалып, “Қарағандыға” ойысты. Сондай-ақ, Рамазан Самсин “Атырау Барыстары – 2” командасына ауысты. Командаға бір жаңа ойыншы қосылды – Бақыт Маханалин. Ол бұған дейін баскетболдан Ұлттық Студенттер Лигасында ойнаған.

Команда көшбасшылары: Бүгінге дейінгі команданың ең тиімді және ең көп ұпай жинаған ойыншысы Александр Папшив болып саналады. Сондай-ақ негізгі құрамда Әмір Әзизов, Владислав Гусак, Василий Петришинец және Сергей Борматенков ойнайды.

Турнир кестесіндегі жағдай: Ақтөбеліктер биылғы маусымда 16 ойын өткізіп, соның біреуінде ғана жнңіске жетті. Оның өзі маусым басында өткен ойын болатын. Мұндай нәтижемен команда тек алтыншы орында, яғни көш соңында табан тіреп тұр. “Астана” болса, Ұлттық лиганың турнир кестесінде оған диаметрлік қарама-қарсы шепке орналасқан, яғни 14 ойыннан соң жеңілістің дәмін татып көрмей, көш бастап келеді. Алдағы матчтардың нәтижелері екі команданың турнир кестесіндегі орындарына ешқандай да әсер етпейді және екі ойын қалай аяқталса да, командалар өз орындарында қалады.

Матчтар сенбі және жексенбі күндері, яғни 6 және 7 ақпанда Ақтөбедегі «Қоныс» спорт сарайы аренасында өтеді. Бірінші матч астана уақытымен 19:00-де, ал екіншісі 17:00-де басталады. Матчтардың онлайн-трансляциялары біздің сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

“Астананың” Ақтөбеге барған сапары ірі жеңіспен басталды

07.02.2021, 10:00    Просмотров: 284
Источник: Баспасөз қызметі
Автор:
«Астана» баскетбол клубы Ақтөбеге барып, Ұлттық лига аясындағы ойындарын ірі жеңіспен бастады. Әр бір ойындағы ұпай қорын тағы да жүзден асырды. Бұл матчқа Эмиль Райкович легионерлерден Девин Марбл мен Мартиньш Мейерске сенім артты.

Бұл ойында есепті Мартиньш Мейерс ашты, ол келесі шабуылды да сәтті аяқтап, “Астананың” алғашқы бес ұпайын бір өзі еншіледі. Бастыпқы екі минутта алаң иелері нәтижелі шабуылдарымен жауап қатып, таразы басын теңестіріп отырды. Бірақ содан кейін Руслан Айтқали, айтпақшы осы қаланың тумасы, екі минутқа де жетпейтін уақыт аралығында үш рет үш ұпайлық соққысын нысанаға дөп түсірді. Сөйтіп, алғашқы кезеңнің бірінші жартысында-ақ өз командасының басымдығын екі таңбалы санға жеткізді. Русланнан кейін Рустам Мырзағалиев, Антон Пономарев, Вадим Щербак және Максим Марчук алаң иелері шығыршығына доп салды. Соңғысының кезекті добынан кейін командалар арасы жиырма ұпайдан да асып кетті. “Астана” бірінші кезең аяқталғанда 23 ұпай айырмасымен қара үзіп кетті – 13:36. Екінші кезеңде де елорда ұжымы көсіле сілтеді. Бірақ алаң иелері де соққыларының көбісін дәл түсіре бастап, бірінші кезеңдегілерінен көп ұпай еншіледі. Ақтөбеліктер намысты қолдан бермеуге тырысты, тіпті кейбір уақыт аралығында олар қонақтарына дес берген жоқ. Бірақ біздің жігіттер ойын тізгінін өз қолдарында ұстады. Ал матчтың бірінші жартысының соңғы секундтарында Асқар Майдекин салған доптан кейін астаналық гандикап отыз ұпайдан асып кетті – 35:66.

Руслан Айткали

Үлкен үзілістен кейін екі команданың да ұпай еншілеу көрсеткіштері едәуір төмендеп кетті. Бірақ бәрібір біздің ойыншылардың басымдығы сезіліп тұрды. Үшінші кезеңнің бірінші жартысында екі команда да көп қателесті. Десек те, 10 ұпай еншілеп, кезең ортасында алаң иелерінен 34 ұпай озық тұрды. Осы кезеңнің аяғына дейін біздің команда тағы да бес ұпай олжалады. Ал үшінші кезеңнің қорытынды есебін онминуттықтың ең соңында Руслан Айтқали түйіндеді – 49:88. Соңғы кезең тең дәрежелі ойын өрнегімен өтіп жатты. Тым алысқа қара үзіп кеткен біздің команда арқаны кеңге салып, осы ойында жеңіске жететіндеріне бек сенімді болып, тізгін тартқандай болды. Содан кезеңнің бел ортасында голсыз іркіліс болып, ол біразға созылды. Оны Рустам Мырзағалиев үзіп, доға сыртынан үш ұпайлық соққысын шығыршыққа дөп түсірді. Әрі оның ұпайлары біздің команданың кезекті рет жүз ұпай межесінен асып түсуіне мүмкіндік берді. Матч соңына дейін елорда ұжымы тағы да бірнеше шабуылын сәтті аяқтап, кезекті рет ірі жеңіске қол жеткізді – 68:109.

Салдары: Екі команда да турнир кестесіндегі өз орындарында қалды. “Астана” бірінші сатыға нық орналасса, “Ақтөбе” кестені тұйықтап тұр.

Максим Марчук


Ең көп ұпай еншілегендер: 

  • «Астана» – бұл матчта алаңға шыққан ойыншыларымыздың бәрі де ұпай еншіледі, ал олардың жетеуі он және одан көп жинады. Ең тиімдісі Девин Марбл болды – 16 ұпай, 6 рет доп қағып алды, 5 пас және 6 рет допты тартып әкетті. Рустам Мырзағалиев 14 ұпай еншілеп, 6 пас берді. Руслан Айтқали да 14 ұпай еншіледі. Асқар Майдекин мен Мартиньш Мейерс 11 ұпайдан жинады. Ал Антон Пономарев пен Максим Марчук 10 ұпайдан еншіледі.
  • «Актобе» – алаң иелері сапында Сергей Борматенков үздік болды – 17 ұпай және 6 рет доп қағып алды. Ал бәрінен де көп ұпай жинаған – Александр Папшив, 19 ұпай.


Келесі матч: «Ақтөбемен» өтетін екеуара екінші ойын ертең, яғни 7 ақпан күні Ақтөбедегі «Қоныс» спорт сарайы алаңында өтеді. Басталуы – астана уақытымен 16:00-де. Матчтың онлайн-трансляциясы сайтымыздың басты бетінде және біздің YouTube арнамызда жүргізіледі.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құрылған жылы: 2017 Клубтық түстері: ақ, қызыл
Мемлекет: Қазақстан Арена: СС «Қоныс»
Қала: Ақтөбе Сайт: https://www.instagram.com/bk_aqtobe

Сипаттамасы

«Ақтөбе» – Қазақстанның ерлер арасындағы баскетбол клубы, Ақтөбе қаласынан. 2017 жылы құрылған.

Жетістіктері:
  • Қазақстан чемпионатының Жоғарғы лигасының жеңімпазы – 2018/2019
  • Қазақстан чемпионатының Ұлттық лигасының қола жүлдегері – 2021/2022
  • Қазақстан кубогының қола жүлдегері – 2022

Команданың жалпы суреті

Ақтөбе