ВТБ Бірыңғай лигасы 2016/2017
Астана
Астана
ВТБ Бірыңғай Лигасы, Тұрақты біріншілік
05.02.2017, 16:00 Жс
Арена: «Сары-Арқа» велотрегі (Астана)
72:78
Негізгі уақыт
13:26 18:20 18:12 23:20
Ойын нөмірі: RS/95
Көрермен: 840
Калев
Таллинн

«Астана» эстонның «Калев» клубын қабылдайды

03.02.2017, 17:00    Просмотров: 1200
Источник: Баспасөз қызметі
Автор: Альмира Шахаева
Алдағы жексенбі күні, яғни 5 ақпанда, елорданың «Астана» баскетбол клубы ВТБ Бірыңғай лигасы аясында «Калев» (Эстония) клубын қабылдайды.

Дәл қазір Эстония командасы ВТБ лигасының турнир кестесінде 12-ші орынды иемденіп тұр. Олар үш рет жеңіске жетіп, 11 ойында жеңілістің кермек дәмін татты. Биылғы маусымды екі команда кездескен, «Калевтің» алаңында өткен матчта алаң иелері басым түскен-ді (84:67). Енді елордалықтар өз алаңында есе қайтаруға тырысулары керек. Әйтсе де, Илиас Папатеодорудың шәкірттеріне босаңсуға болмайды, алдағы матчқа жан-жақты дайындалу керек.
 
Илиас Папатеодору «Астана» ПБК бас бапкері алдағы матч жайлы өз пікірін білдірді:
– Деңгейлері әр түрлі қарсыластармен өткен үш ойыннан кейін Эстония командасымен кездесеміз. «Калев» – деңгейі бізбен шамалас команда, әрі бұл ойында бізге жеңіске жетуге болады. Түзде ұтылып қалғанбыз, енді есе қайтаратын мүмкіндігіміз бар. Бірақ бізге жанашыр жанкүйерлеріміздің көмегі өте қажет. Демеп-жебеп отырса, оңай болар еді. Одан соң, әрине, егер жеңіске жеткіміз келсе, аянбай ойнап, бар күш-жігерімізді сарқ етуіміз керек.
    
Естеріңізге сала кетейік, матч «Сарыарқа» республикалық велотрегі залында өтеді. Басталуы – 16:00-де. Кіру тегін! Сіздер матчтың онлайн-трансляциясын ВТБ бірыңғай лигасы сайтынан, Астана уақытымен сағат 16:00-ден бастап көре аласыздар. 

«Калев» «Астананы» тағы да қапы қалдырды  

05.02.2017, 21:25    Просмотров: 1089
Источник: Баспасөз қызметі
Автор:
Эстонияның «Калев» клубы биылғы маусымда Қазақстанның «Астанасын» екінші рет қапы қалдырды – 78:72 (26:13, 20:18, 12:18, 20:23).

«Калевтің» Райн Вейдеман мен Эрик Кеедус бастаған негізгі бестіктегі ойыншыларының ұжымдық ойын үлгілері матчтың бірінші ширек бөлігінде қарсыластарынан екі есе көп доп соғуға мүмкіндік берді (26:13). Бұдан кейін ойын теңесті, ал кездесудің үшінші ширек бөлігінде «Астана» сауатты түрде қорғана біліп (эстондар 10 минутта небәрі 12 ұпай еншіледі), есепті біршама қысқартып, үміт сәулесі қайта тұтанғандай да болды (49:58).

Содан кейін, яғни матчтың соңғы бөлігінде қазақстандықтар допты алыстан лақтыруға көшті, бірақ нысананы доға сыртынан дәл көздеудің сәті түсе қоймады (соңғы 10 минутта 9 соқының екеуін ғана дәл түсірді, ал матчта 29-дың 6-уын ғана). «Калев» болса, матчтың соңғы ширек бөлігінде қарсыласын 5-8 ұпай аралықта “ұстап” отырды. Сөйтіп биылғы маусымда бірінші рет түзде басым түсті. Эстондар өзі, биыл өзі үш-ақ рет жеңіске жетті, соның екеуінде «Астанадан» басым түсті.
  
Ең көп ұпай жинағандар:

«Астана»: Роберт Лоури (21 + 6 рет доп қақшып алды), Иан Миллер (21), Родерик Одом (8 + 5 рет доп қақшып алды).

«Калев»: Райн Вейдеман (24), Марк Толлефсен (12 + 5 рет доп қақшып алды), Стэн Сокк (10 + 6 рет доп қақшып алды + 6 пас), Эрик Кеедус (7 + 7 рет доп қақшып алды + 6 пас).

«Астана» БК бас бапкері Илиас Папатеодору:
— Біз ойынды өте сәтсіз бастадық, әсіресе бұл – біздің шабуылымызға қатысты айтылған сөз. Матчтың екінші жартысында ойын өрісін өзгертіп, есепті бірза қысқартық, батылырақ ойнап, ширақ қимылдау қажет болды. Бірақ шешуші сәттерде мүлт кетіп, допты діттеген нүктемізге дөп түсіре алмадық. Тура осы себептердің кесірінен ұтылып қалдық.

«Калев» БК бас бапкері Алар Варрак:
— Тең ойын болды, бағымыз жанып, матчтың бірінші жартысында басым түстік, осы бізді жеңіске жеткізді. Өйткені, біз матчтың екінші бөлігінде ұтылып қалдық. «Астана» жақсы ойнады, бірақ біз 8-10 ұпай алға ұзап кеткен болатынбыз, осы айырмашылықты ұстап қала алдық.

«Астана» келесі ойынын түзде өткізеді, елорда командасы Атырауға аттанады, онда 10 және 11 ақпан күндері Қазақстан Ұлттық лигасы аясында «Барсы Атырау» баскетбол клубымен кездеседі.

Қарсылас жайлы мәлімет

Құрылған жылы: 1920 Клубтық түстері: ақ, көк
Мемлекет: Эстония Арена: Kalev Sports Hall
Қала: Таллинн Сайт: www.bckalev.ee

Сипаттамасы

«Калев» – Эстонияның ерлер арасындағы баскетбол клубы, Таллинн қаласынан, 1920 жылы құрылған. ВТБ Бірыңғай лигасынан бөлек, Эстония Чемпионатында бақ сынайды.
    
Жетістіктері:
  • КСРО чемпионы − 1991
  • Эстония Чемпионатының жеңімпазы − 2000, 2005, 2006, 2009, 2011, 2012, 2013, 2014, 2016-2019, 2021
  • Эстония Чемпионатының күміс жүлдегері – 2015
  • Эстония Кубогының жеңімпазы − 2005-2008, 2016, 2017, 2020

Команданың жалпы суреті

Калев