Ерлер арасындағы XXVI ҚР чемпионаты - Ұлттық лига
Астана
Астана
Ұлттық лига, Тұрақты біріншілік
15.02.2018, 19:30 Бс
Арена: «Сары-Арқа» велотрегі (Астана)
92:72
Негізгі уақыт
22:18 18:15 30:24 22:15
Ойын нөмірі: 21
Көрермен: 0
Атырау Барыстары
Атырау

«Астана» «Атырау Барыстарынан» үстем түсті

16.02.2018, 10:00    Просмотров: 799
Источник: Баспасөз қызметі
Автор: Альмира Шахаева
Баскетболдан ерлер арасындағы Қазақстан чемпионатының Ұлттық лигасы аясында кезекті екі ойын аяқталды. «Астана» екі күн бойы өзінің үйдегі ойындарын өткізетін «Сарыарқа» республикалық велотрегінде «Атырау Барыстары» клубын қабылдады.
 
Естеріңізге сала кетейік, бірінші ойын 72:65 есебімен «Астана» клубының жеңісімен аяқталған болатын. Екінші ойын да ел біріншілігінің турнир кестесіне ешқандай өзгеріс енгізген жоқ. Елорда ұжымы 92:72 есебімен басымдық танытты.

Матч статистикасы: Антон Пономарев – 20 ұпай, Ике Удано – 17 ұпай, Рүстем Мырзағалиев – 15 ұпай және Рустам Ерғали – 11 ұпай.

«Астана» БК бас бапкері міндетін атқарушы Михаил Карпенко өткен екі ойын жайлы өз пікірін білдірді:
– Бірінші кезекте, «Астана» клубының жанкүйерлерін кезекті жеңісімен құттықтаймын. Біз Қазақстан чемпионатындағы жеңістерімізді одан әрі жалғастырып келеміз. Алайда, мен өзіміз көрсеткен ойын сапасына ризамын деп айта алмаймын. Мүмкін, «Зенитті» жеңгеннен кейінгі эмоциялық құлазу әсер еткен де болар, әрі біз психологиялық тұрғыда бірден қалпымызға келіп үлгермедік. Әйтсе де, біз кәсіпқой ойыншылармыз ғой, әрбір ойында барымызды салып, аянбай ойнауымыз керек. Кешегі ойын мейілінше қиындау болды. Біз ойын тізгінін өз қолымызда ұстағанымызбен, ұпай айырмасын соншалықты ұлғайта алмадық. Бүгінгі матчтың екінші жартысында ойын өрнегін өзімізге ыңғайлы қарқында өрбітіп, ұпай айырмасын ұлғайта түсіп, арқаны кеңге салып, жеңіске жеттік. Енді осы ойындарды егжей-тегжей талдаймыз, қателіктерімізді түзеуге тырысамыз және алдағы ойындарға әзірленетін боламыз. Ал ұлттық құрама ойыншылары Әлем чемпионатының іріктеу ойындарына дайындалатын болады.
 

«Астана» келесі ойынын да өз алаңында өткізеді. 27 және 28 ақпан күндері елорда баскетболшылары Қазақстан чемпионатының Ұлттық лигасы аясында Қостанайдың «Тобыл» командасын қабылдайды.

Қарсылас жайлы мәлімет

Құрылған жылы: 2005 Клубтық түстері: ақ, жасыл
Мемлекет: Қазақстан Арена: AIROM ARENA
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
  • Жоғары лигасының жеңімпазы: 2014/2015
  • Қазақстан Кубогының иегері: 2009, 2022
  • Қазақстан Кубогының күміс жүлдегері: 2010, 2011, 2012, 2016, 2017, 2018
  • Қазақстан Кубогының қола жүлдегері: 2020, 2021