Ерлер арасындағы XXVI ҚР чемпионаты - Ұлттық лига
Астана
Астана
Ұлттық лига, Тұрақты біріншілік
14.02.2018, 19:30 Ср
Арена: «Сары-Арқа» велотрегі (Астана)
72:65
Негізгі уақыт
18:15 14:7 19:22 21:21
Ойын нөмірі: 19
Көрермен: 0
Атырау Барыстары
Атырау

«Астана» «Барыстардан» бірінші ойында басым түсті

15.02.2018, 10:00    Просмотров: 661
Источник: Баспасөз қызметі
Автор: Альмира Шахаева
Астанада баскетболдан ерлер арасындағы Қазақстан чемпионатының Ұлттық лигасы аясында екі ойынның біріншісі өтіп, елорда командасы мен «Атырау Барыстары» клубы кездесті.

Ойынның басы да, толық бірінші кезең сияқты аса тартысты өтті. Ешбір команда намысты қолдан бермей, шабуылда да, шығыршық түбінде де табан тіресе додаға түсті. Шиеленісті өткен бірінші онминтуттық 18:15 есебімен аяқталып, алаң иелері алда тұрды. Екінші кезеңде бәрі де белгілі бола бастады. Қонақтарға шабуылға шығу қиындай түсіп, «Астана» ұпай қорын молайта берді. Сөйтіп, 10 ұпай айырмасымен қара үзді. Екінші кезең аяқталғанда, таблодағы есеп 32:22 болып, елорда клубы ұзап кетті.   

Бұдан кейінгі екі кезең де алаң иелерінің басымдығымен өтті. Атыраулықтар есепті қысқартуға тырысқандарымен, «Астана» көсіле сілтеп, «Барыстардың» әрбір нәтижелі шабуылдарына допты “нысанаға” дәл түсіріп, жауап беріп отырды. Матч 72:65 есебімен аяқталып, елорда клубы Қазақстан чемпионатындағы кезекті жеңісіне қол жеткізді.

Матчтың үздік ойыншысы Ларри Гордон болды. Оның еншісінде – 19 ұпай. Рустам Ерғали команда қоржынына 12 ұпай салды. Ал Анатолий Колесников пен Энтони Клеммонс 11 ұпайдан еншіледі.
 

Бүгін, 15 ақпан күні екі команда арасындағы екінші матч өтеді. Басталуы – сағат 19:00-де, «Сарыарқа» республикалық велотрегі аренасында. Кіру – тегін.

Қарсылас жайлы мәлімет

Құрылған жылы: 2005 Клубтық түстері: ақ, жасыл
Мемлекет: Қазақстан Арена: AIROM ARENA
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан Чемпионатының жеңімпазы: 2010/2011, 2015/2016
  • Қазақстан Чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019, 2019/2020, 2020/2021, 2021/2022
  • Жоғары лигасының жеңімпазы: 2014/2015
  • Қазақстан Кубогының иегері: 2009, 2022
  • Қазақстан Кубогының күміс жүлдегері: 2010, 2011, 2012, 2016, 2017, 2018
  • Қазақстан Кубогының қола жүлдегері: 2020, 2021