ВТБ Бірыңғай лигасы 2017/2018
Астана
Астана
ВТБ Бірыңғай Лигасы, Тұрақты біріншілік
17.12.2017, 15:00 Жс
Арена: «Сары-Арқа» велотрегі (Астана)
73:78
Овер тайм
19:22 6:16 20:19 21:9 7:12
Ойын нөмірі: RS-53
Көрермен: 968
УНИКС
Казань

«Астана» «УНИКС» клубын қабылдайды

16.12.2017, 10:00    Просмотров: 538
Источник: Баспасөз қызметі
Автор: Альмира Шахаева
Мереке күндері, яғни 17 желтоқсанда, елорда баскетбол клубы ВТБ Бірыңғай лигасы аясындағы кезекті ойынын өз алаңында өткізіп, Қазанның «УНИКС» клубымен кездеседі.
 
Өткен кездесулер хроникасы:
Қазан баскетбол клубы ВТБ Бірыңғай лигасында тоғызыншы маусымын өткізіп жүр. Осы уақыт ішінде «УНИКС» ВТБ Бірыңғай лигасының үш дүркін күміс жүлдегері атанды. Сонымен қатар, осы турнирдің қола жүлдесін де иемденді. «Астана» клубымен өткізген екеуара ойындарына тоқталар болсақ, екі команда алаңда 10 рет кездесті. Елорда клубы бір-ақ рет, 2014/2015 жылдар маусымындағы өз алаңында өткен матчта ғана, 87:67 есебімен қазандықтарға қайратын өткізе алды.
 
Қазіргі жағдай:
Қазан клубының жаттықтырушылар штабын «Астана» клубы бас бапкерінің отандасы, грек маманы Димитрис Прифтис басқарады. Айта кетерлігі, Флеваракис осы маманмен АЕК клубында бірге қызмет атқарған. Команданың көшбасшысы, Габон елінің орталық шептегі ойыншысы – Стефан Ласме орта есеппен бір ойында 15 ұпайдан еншілеп жүр. Испания құрамасының ойыншысы Хуакин Коломның Татарстан жанкүйерлерін қуанышқа бөлеп жүргеніне үш маусым болды. Дәл осы ойыншы Қазан клубымен Ресей чемпионатының және ВТБ Бірыңғай лигасының күміс жүлдегері атанған.

Турнир кестесі:
«УНИКС» баскетбол клубы 6 жеңіс және 1 жеңіліспен ВТБ Бірыңғай лигасының турнир кестесінде төртінші орынды иемденіп тұр. Ал «Астана» баскетболшылары екі жеңіспен 10-орынға орналасқан. 
 
Бас бапкердің пікірі:

- Өкінішке қарай, бұл матчта алаңға біздің жаңа ойыншымыз Грант шыға алмайды. Әйтсе де, ВТБ Бірыңғай лигасы мен Eurocup додасының ең үздік клубтарымен тартысты да, шиеленісті ойын болады. «УНИКС» клубының құрамында, әр шебінде – тәжірибе мен талантты ұштастырған кілең ығай мен сығайлар. Бізге аянбай, бар күш-жігерімізді салу керек, шабуылда доптан айырылып қалмауға тырысу қажет. Әрі қорғаныста жекелей де, тізе қоса, бірлесе де жанкештілік танытуға тиіспіз, сонда өзімізге сенімді боламыз.     
 
Қайда, қашан, нешеде?
Арена: «Сарыарқа» республикалық велотрегі
Уақыт: 15.00 Астана уақыты бойынша
Трансляция: ВТБ Бірыңғай лигасының сайты, «Астана» ПБК сайты, «QazSport» телеарнасы.

Қазақстандағы овертайм! УНИКС жеңісті жұлып әкетті

17.12.2017, 19:00    Просмотров: 876
Источник: Баспасөз қызметі
Автор:
Ресейдің УНИКС клубы түзде, овертаймда қазақтың «Астанасынан» айласын асырып кетті — 78:73 (22:19, 16:6, 19:20, 9:21, 12:7).

Ойынның екінші ширек бөлігінде-ақ қазандықтар жеңіске деген жігерлік таныта білді: олардың қорғанысы «Астана» ойыншыларының торшеңберге келер жолдарының бәрін бітеп, алаң иелері небәрі алты-ақ ұпай еншіледі. Алайда үлкен үзілістен кейін «Астана» түлеп сала берді. Леонидас Каселакис пен Джастин Картер қазақтандықтарды жігерлендіре түсті – «Астананың» үшінші 10-минутықта еншілеген 20 ұпайының 17-ісі осы екеуіне тиесілі. Ойының соңғы бөлігінде алаң иелері ұпай айырмасын одан әрі қысқарта түсті. Матчтың аяқталуына екі минут қалғанда, Антон Пономаревтің алыстан дәл түсірген тура соққысынан кейін астаналықтар қуып жетуге де айналды – 62:63.    
 
Шешуші минутта Антон Понкрашов бар жауапкершілікті өзіне алып, үш ұпайлық соққысын дәл түсірді. Бірақ Энтони Клеммонс өзінің жауабы дайын екендігін көрсетіп, ол да алыстан допты дөп түсірді. Матчтың аяқталуына 30 секунд қалғанда, есеп айырмасы қайтадан бір ұпайға қысқарды. Айылын жимайтын Картер соңғы шабуылда «Астанаға» жеңіс әперіп, көпшілікті таң қалдыра жаздады. Бірақ айып соққысының біреуін ғана дәл түсірді – овертайм!    
 
Қосымша бесминуттықта УНИКС алған бетінен қайтпай, допты алыстан лақтыра берді. Әуелі Понкрашов доғаның сыртынан екі мәрте, одан кейін Хоакин Колом бір рет допты торшеңберге дәл түсірді. Бұл испан баскетболшысының осы ойындағы алғашқы ұпайлары болатын! Ойынның нүктесін де осы жігіт қойды – екі айып соққысын мүлтіксіз орындап, доп айырмасы «–5» болды. Ал алаң иелері бұл айырмашылықты қысқартып үлгере алмады.

Көп ұпай жинағандар:
  • «Астана»: Ларри Гордон (18), Леонидас Каселакис (18), Джастин Картер (13+8 рет доп қақшып алды+8 пас+4 мәрте допты қағып әкетті), Энтони Клеммонс (10+7 рет доп қақшып алды)
  • УНИКС: Джамар Смит (20), Антон Понкрашов (14+7 пас), Стефан Ласме (14+11 рет доп қақшып алды)

«Астананың» бас бапкері Костас Флеваракис:  
— Менің пайымдауымша, биылғы маусымда біз екі рет жеңісті уысымыздан шығарып алдық – мен «Химки» және бүгінгі УНИКС клубтарымен өткізген матчтарды айтып отырмын. Өте ащы, өзекті өртер жеңіліс. Бәрі де өз қолымызда еді. Өкінішке қарай, жеңіске жетудің сәті түспеді. Біз ойынның екінші жартысында жанкештілік танытып, жеңіске лайықты ойын өрнегін көрсетіп едік. Өзіміздің кемшіліктерімізге қарамай – бізде ойын үйлестіруші жоққа тән – менің жігіттерім соңына дейін шайқасуға дайын. Біз азулы командалармен де тайталасуға дайынбыз. Әрине, бізде ерекше серпін бар, біз өз қателерімізді қайталамауға тырысып, тер төгіп жүрміз, әрі ары қарай да дайындалатын боламыз.       

УНИКС бас бапкері Димитрис Прифтис: 
— Өте қызықты ойын болды. Біз кездесудің бірінші жартысында басым түстік. Допты жақсы ұстадық, мүмкін болған сәттердің бәрінде допты діттеген жерімізге түсірдік, мейілінше тиімді ойнадық. Матчтың екінші жартысында «Астана» аймақтық қорғанысқа көшіп, бізге көп қиындықтар туғызды. Қалай болса да, ойын овертаймға дейін созылып, онда бізге үш ұпайлық соққыларымыз көмектесті. «Астана» мен жаттықтырушысы Костас Флеваракисті бүгінгі тамаша ойындарымен құттықтағым келеді.
 

«Астана» келесі ойынын түзде өткізіп, 25 желтоқсан күні елорда баскетболшылары ВТБ Бірыңғай лигасы аясында Мәскеудің ЦСКА командасымен кездеседі.

Қарсылас жайлы мәлімет

Құрылған жылы: 1991 Клубтық түстері: ақ, жасыл
Мемлекет: Ресей Арена: Баскет Холл
Қала: Казань Сайт: www.unics.ru

Сипаттамасы

УНИКС – Ресейдің ерлер арасындағы кәсіпқой баскетбол клубы, Қазан қаласынан, 1991 жылы құрылған.
 
Жетістіктері:
  • Ресей чемпионатының күміс жүлдегері − 2001, 2002, 2004, 2007, 2016, 2021
  • Ресей чемпионатының қола жүлдегері − 2000, 2003, 2005, 2009−2011, 2013/2014, 2018/2019, 2021/2022
  • Ресей кубогының жеңімпазы − 2003, 2009, 2014
  • FIBA Евролига чемпионы − 2003/2004
  • Еуропа кубогы жеңімпазы − 2010/2011
  • Еуропа кубогының финалына шыққан – 2013/14 
  • NEBL чемпионы − 2002/2003
  • ВТБ Бірыңғай лигасының күміс жүлдегері − 2009/2010, 2011/2012, 2015/2016, 2020/2021
  • ВТБ Бірыңғай лигасының қола жүлдегері − 2010/11, 2018/2019, 2021/2022

Команданың жалпы суреті

УНИКС