ВТБ Бірыңғай лигасы 2017/2018
Минск
Минск
ВТБ Бірыңғай Лигасы, Тұрақты біріншілік
22.10.2017, 17:30 Жс
Арена: Falcon Club (Минск)
75:66
Негізгі уақыт
16:24 23:11 20:13 16:18
Ойын нөмірі: RS-17
Көрермен: 851
Астана
Астана

«Астана» түздегі сапарын жалғастырады

20.10.2017, 18:00    Просмотров: 575
Источник: Баспасөз қызметі
Автор: Альмира Шахаева
Елорда баскетболшылары Санкт-Петербургтен келген бетте, қайтадан жолға шығатын болып отыр. Бұл жолы «Астана» Беларусь астанасы Минск қаласына қонаққа барады.
  
Алдағы жексенбі күні, яғни 22 қазанда, «Минск-Арена» спорт кешенінде алаң иелері «Цмоки-Минск» клубы мен Қазақстанның «Астана» командасы ВТБ Бірыңғай лигасы аясында додаға түседі.
 
Қарсылас жайлы мәлімет:

Клуб 2006 жылы құрылған.
  • Беларусь Республикасы чемпионы – 2009-2016
  • Беларусь кубогының жеңімпазы – 2010-2016

«Цмоки-Минск» командасы да ВТБ Бірыңғай лигасының жыл сайынғы біріншілігінде 2 ойын өткізді. ЦСКА және «Химки» клубтарымен кездесіп, екеуінде де жеңіліске ұшырады. Жеңіске сусап отырған команданың «Астанамен» өтетін матчта аянбай, 100% күш-жігерін салып, тырысатыны түсінікті. Бірақ Костас Флеваракистің де командасы осы ойында жеңіске жетуді көксеп отыр. Қайсысының бағы жанып, жолы болады, оны жексенбі күнгі матч көрсетеді.
   
Костас Флеваракис, «Астана» ПБК бас бапкері: 
«Цмоки-Минск» — қорғаныста жақсы ойнайтын, қарсыласының ойыншыларын тұсаулап ұстауды ұнататын, қарымды команда. Бізге допты алаң периметрі бойынша мейілінше тез зыр қаққызып, шабуылға жігіттеріміздің неғұрлым көбісін қосып отыру керек. Қорғаныста оймақтордан қайтқан допты аңдып, әрқайсымыз 1-ге 1 ойынына сақадай сай болуымыз қажет.

 
Матч трансляциясын сағат 17:30-да «Qazsport» телеарнасынан тікелей эфирде көруге болады. Сондай-ақ www.pbcastana.kz  және  www.vtb-league.com сайттарынан онлайн-режімде тамашалай аласыздар.
 

Беларусь чемпионы «Астанадан» қарымды болып шықты

22.10.2017, 22:00    Просмотров: 518
Источник: Баспасөз қызметі
Автор: Альмира Шахаева
Елорда баскетболшылары бүгін Минскіде өткен ВТБ Бірыңғай лигасы аясындағы матчта жергілікті «Цмоки-Минск» клубынан айласын асыра алмады – 75:66 (16:24, 23:11, 20:13, 16:18).

Бұл матчта «Астананың» ең үздік ойыншысы, көшбасшысы Джастин Картер ойнаған жоқ. Ол жолға шығарда жарақат алып қалды. Негізгі ойыншының жоқтығы бірден ойын өрнегіне әсер етті. Костас Флеваракистің шәкірттері ойынды өте ширақ бастады. Оған бірінші онминуттықта дәлел бола алады – 16:24 «Астана» алға шықты. Екінші кезеңде алаң иелері қарқындарын үдетіп, допты астаналықтардың оймақторына үш ұпалық аймақтан жаудырта бастады.

Үлкен үзілістен кейін де жағдай өзгерген жоқ, «айдаһарлар» өз жерінде көрермендерінің қолдауымен атойлап, алға шауып, ұпай қорларын молайта берді. Рас, соңғы кезеңде астаналықтар да қарқындарын үдете түсті. Алайда, Энтони Клеммонс пен Антон Пономаревтің алыстан дөп түсірген доптары матч есебіне көп өзгеріс енгізе алмады. Сөйтіп, 75:66 есебімен «Цмоки-Минск» клубы жеңіске жетті.

Ең көп ұпай жинағандар:
  • «Цмоки-Минск»: Александр Семенюк (14 + 5 рет доп қақшып алды), Кристофер Черапович (12), Девон Саддлер (11).
  • «Астана»: Хордур Вильхальмссон (17), Энтони Клеммонс (11), Ике Удано (10 + 6 рет доп қақшып алды).

«Цмоки-Минск» клубының бас бапкері Александр Крутиков:
— Бірінші кезекте, барлық жанкүйерлерімізді бүгінгі жеңісімізбен құттықтағым келеді. Бұл өте маңызды ойын болды, әрі бізге қалайда жеңіске жету керек болатын. Сондықтан матч басында біз біраз қобалжып, қимыл-әрекеттеріміз көңілдегідей болмады деп ойлаймын. Оның үстіне, «Астананың» қайсыбір ойыншыларын тұсаулап ұстай алмадық. Одан кейін тізе қоса қимылдап, шабуылда өзімізге қажетті жылдамдықта ойнап, ұжымдық ойын өрнегін өрбіте алдық. Үлкен үзіліске шыққанша таразы басын өз жағымызға аударып, ойынның екінші бөлігінде басымдық таныттық.


«Астана» ПБК бас бапкері Константинос Флеваракис:
— «Цмоки» – азулы команда, Еурокубоктарда да нәтижелі ойын үлгісін көрсете алды. Біз де өрнекті ойын үлгісін көрсеттік. Бірақ алғашқы 15 минутта ғана. Бұл ойында өте қиын болатынын білген де едік. Өйткені Джастин Картер қатардан шығып қалды. Ал ол команда қоржынына көп ұпай салатын сұрмергеніміз ғана емес болатын. Мысалы, «Зенитпен» өткен соңғы ойында Картер 9 рет доп қақшып алып, 3 нәтижелі пас берген болатын. Сонымен қатар, қарсыласымыз оны тоқтатпақ болып, 9 рет ойын ережесін бұзған еді. Амал не, одан әрі тер төгеміз, қандай команда болғымыз келеді, соған қол жеткіземіз деп ойлаймын.

 
«Астана» келесі ойынын түзде өткізіп, 30 қазан күні ВТБ Бірыңғай лигасы аясында Мәскеу түбіндегі «Химки» клубымен кездеседі.

Қарсылас жайлы мәлімет

Құрылған жылы: 2006 Клубтық түстері: ақ, көк
Мемлекет: Белоруссия Арена: Falcon Club
Қала: Минск Сайт: www.bc-tsmoki.by

Сипаттамасы

«Цмоки-Минск» – беларустің ерлер арасындағы кәсіпқой баскетбол клубы, Минск қаласынан, 2006 жылы құрылған.

Жетістіктері:
  • Беларусь чемпионы – 2009/2021
  • Беларусь кубогының жеңімпазы – 2010/2021
  • Азовмаш Кубогының қола жүлдегері – 2010

Команданың жалпы суреті

Минск