«Астана» «Нижний Новгородтан» ұтылды

06.01.2018, 20:00    Оқылғаны: 573
Дереккөз: Баспасөз қызметі
Автор: Альмира Шахаева
Матчтың басынан-ақ екі команданың де жеңіске жетуді көздейтіндіктері анық байқалды. Ойынның бірінші ширек бөлігі бірқалыпты өтті. «Астана» жігіттері допты алыстан лақтыра бастады, бұл әрі нәтижесіз болған жоқ. Жалпы, бірінші онминуттық тең дәрежеде өтіп, 18:17 есебімен аяқталды. «Астана» сәл басым болды. Екінші онминуттықта дода көрігі қыза түсті. Екі команда да аянған жоқ. Ойынның бірінші жартысы 38:34 есебімен аяқталып, алаң иелері алда тұрды.

Матчтың үшінші ширек бөлігі елорда баскетболшылары үшін сәтті болмады. «Астана» қателіктер жібере бастады, доп оймақторға түспей қойды. Ал қонақтар мұны ұтымды пайдалана білді, олардың әрбір шабуылы нәтижелі аяқталып, ұпайларын ұлғайта түсті. Соңғы кезеңге командалар 46:60 есебімен шықты, енді алға нижегородтықтар шықты. Матч тағдыры соңғы онминуттықта шешілді. «Астана» қарқынын үдетіп, есепті қысқартты-ақ, алайда жалпы есепке басқа жағдайлар әсер етті. Ике Удано бесінші рет ескету алып, ойынды жалғастыру құқығынан айырылды. Екі минуттай уақыттан соң Энтони Клеммонс та бесінші ескертуін алып, Ике Уданоның ізімен кетті. Қонақтар мұны қалт жіберсін бе, жігерлік танытып, жеңіске жетті.

Кездесу 73:85 есебімен аяқталып, нижегородтықтар жеңіске жетті.

Көп ұпай жинағандар:
  • «Астана»: Джастин Картер (20 + 7 рет доп қақшып алды), Леонидас Каселакис (14), Энтони Клеммонс (12).
  • «Нижний Новгород»: Джейкоб Одум (29 + 7 рет доп қақшып алды), Стеван Еловац (24 + 6 рет доп қақшып алды), Владимир Веремеенко (9 + 6 рет доп қақшып алды).

«Астана» клубының бас бапкері Костас Флеваракис:
— Қазір біз командамызға жаңа ойыншы енгізіп, команда құрамын нығайтып жатырмыз. Ол – ойын үйлестіруші Малькольм Грант. Бұл – біршама уақытты қажет ететін, ауыртпалығы әжептәуір үдеріс. Бүгін бізге Еловац пен Одумды тұсаулап ұстау қиын болды, әрі оның шешімін таппадық та. Сондай-ақ бізге айып соққысын мүлтіксіз орындауды да қадағалау керек болып тұр. Дәл осы көрсеткіш жағынан кезекті рет ұтылып отырмыз.


«Нижний Новгород» клубының бас бапкері Зоран Лукич: 
— Өте маңызды ойын! Астанаға келерде мен, біз соңғы күш-жігеріміз қалғанша аянбаймыз деген болатынмын. Біз өз алаңымызда бірнеше рет ойламаған жерден ұтылып қалғанбыз. Енді, бүгінгі жеңіс бізді жігерлендіре түседі деп үміттенемін. Ең бастысы, бүгін біз ойын тәртібіне көңіл бөліп, өте мұқият ойнадық. Әсіресе, матчтың үшінші ширек бөлігінде қалай ойнау және қорғану керек екендігін паш еттік.


Естеріңізге сала кетейік, «Астана» келесі ойынын 15 қаңтар күні өз алаңында Риганың ВЭФ клубымен өткізеді.


«Самұрық-Қазына» ұлттық әл-ауқат қоры

Бірыңғай оператор «Туризм индустриясы мен спортты қолдау қоры»