«Астана» «Нижний Новгород» клубын қабылдайды  

Сенбі күн, 6 қаңтарда елорда баскетбол клубы жаңа жылдағы алғашқы ойынын ВТБ Бірыңғай лигасы аясында өткізіп, өз алаңында Нижний Новгород қаласының өзі аттас клубын қабылдайды.
 
Өткен кездесулер хроникасы:
Нижний Новгород қаласының баскетбол клубы ВТБ Бірыңғай лигасында, «Астана» секілді 2011 жылдан бері ойнап жүр. Осы уақыт ішінде «нижегородтықтар» Лигада бірнеше рет көпшілікті қайран қалдырды. 2013/2014 жылдар маусымында «Нижний» ВТБ Бірыңғай лигасының күміс жүлдегері атанып, күтпеген нәтижеге қол жеткізді. Жартылай финалда «Летувос Ритас» клубын төрт ойынның үшеуінде жеңіп, финалда Мәскеудің ЦСКА командасынан ұтылды. Ең бастысы, осы доданың күміс жүлдесін ғана емес, Еуролига жолдамасын да жеңіп алған болатын.

«Астанамен» өзара ойындарына келер болсақ, екі команда 10 рет кездесіп, оның үшеуінде «Астана» жеңіске жетті.
 
Қазіргі жағдай:
2017 жылдың наурыз айында «Нижний» клубына бұрынғы жаттықтырушысы Зоран Лукич қайтып келді. 2013/2014 маусымында команданы ерен жетістіке жетелеген осы бапкер болатын. Өткен маусымда ол спорттық директор қызметін атқарған болатын, бірақ мамыр айының соңында бас бапкер болып бекітілді. Команда құрамы тағы да Суперлига мен ВТБ Бірыңғай лигасындағы жас ойыншылармен толықтырыла бастады. Үш жылдан кейін тәжірибесі мол Вадим Панин де «Нижний» сапына оралды. Иван Стребков пен Петр Губанов күні бүгінге дейін «нижегородтықтардың» көшбасшылары болып саналады.         
 
Турнир кестесі:
«Нижний Новгород» баскетбол клубы ВТБ Бірыңғай лигасында 2 жеңіс, 6 жеңіліспен тоғызыншы орынды иемденіп тұр. Ал «Астана» баскетболшылары 2 жеңіс, 8 жеңіліспен 12-орынға орналасқан. 
 
Бас бапкерінің пікірі:
– «Нижний Новгород» клубының Еуропа турнирлеріндегі нәтижелері олардың әлеуеті жоғары екендігін көрсетеді. Командада сенімді ақтайтын еңгерзедей ойыншылар бар, олар тек оймақтор түбінде ғана тиімді ойын өрнегін көрсетіп қоймай, алыстан да доп лақтырып, қауіп төндіре алады. Темірдей тәртіптері – біздің қарсыласымыздың негізі артықшылықтарының бірі. Бізге олардың алдын орап кету үшін қорғаныста шектен тыс мұқият болу керек, сонымен қатар шабуылда ұйымдасқан түрде тізе қоса қимылдау керек.
 
Қайда, қашан, нешеде?
Арена: «Сарыарқа» республикалық велотрегі
Уақыт: 15.00 Астана уақыты бойынша
Трансляция: ВТБ Бірыңғай лигасының сайты, «Астана» ПБК сайты, «QazSport» телеарнасы.