«Астана» – 2017 жылғы Азия чемпиондары кубогының қола жүлдегері

30.09.2017, 16:00    Оқылғаны: 56
Дереккөз: Баспасөз қызметі
Автор: Альмира Шахаева
Бүгін, 2017 жылғы Азия чемпиондары кубогының қола жүлдесі сарапқа салынған матчта елорда клубы Иранның «Петрохими» командасын 81:78 есебімен тізе бүктірді.
 

Матчтың жарық жұлдызы Энтони Клеммонс болды, ол команда қоржынына 22 ұпай салды. Джастин Картер 19 ұпай, Рустам Ерғали 11 ұпай, ал Александр Жигулин 8 ұпай еншіледі.

Айрықша атап өтерлігі, Қазақстан клубы Азия турнирі тарихында тұңғыш рет FIBA чемпиондары кубогының жүлдегері атанды. «Астана» клубын түгелдей, жаттықтырушылар құрамын, ойыншыларын және әкімшілігін халықаралық аренадағы ерен жетістігімен құттықтаймыз.

Команда Астанаға ертең, 1 қазан күні сағат 00:30-да ұшып келеді. Барлық жанкүйерлерді команданы салтанатты түрде күтіп алу үшін әуежайға шақырамыз.