Ұлттық лигадағы ерлер командалары арасындағы XXVIII Қазақстан чемпионаты
Атырау Барыстары
Атырау
Ұлттық лига, Тұрақты біріншілік
29.10.2019, 19:00 Сс
Арена: ДШДК «Авангард» (Атырау)
67:102
Негізгі уақыт
15:19 23:30 21:30 8:23
Ойын нөмірі: 13
Көрермен: 0
Астана
Нұр-Сұлтан

«Астана» Атырауда «Барыстармен» екі рет додаға түседі

28.10.2019, 19:00    Просмотров: 50
Источник: Баспасөз қызметі
Автор:
«Астана» Президенттік баскетбол клубы биылғы маусымда бірінші рет Ұлттық лигададағы соңғы жылдарғы ең қауіпті қарсыласымен, яғни «Атырау Барыстарымен» кездеседі.

«Атырау Барыстары»
 – Қазақстанның ерлер арасындағы кәсіби баскетбол клубы, Атырау қаласынан. 2003 жылы құрылған.

Жетістіктері:
  • Қазақстан чемпионатының жеңімпазы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014, 2016/2017, 2017/2018, 2018/2019
  • Қазақстан чемпионатының Жоғары лигадағы жеңімпазы: 2014/2015
  • Қазақстан кубогының иегері: 2009
  • Қазақстан кубогының финалына шықты: 2010, 2011, 2012, 2017, 2018
 
«Атырау Барыстарын» биылғы маусымда Латвия маманы Арнис Вецвагарс жаттықтырады. Ол атыраулық командаға өткен маусымның тап ортасында келіп, осы маусымда «Барыстармен» келісімшартқа қайта отырды. Арнис Вецвагарс кезінде Юрмала командасын жаттықтырған. Сондай-ақ, Латвия құрамасының бас бапкері болған. Маусым аралығында атыраулықтар сапынан бірнеше маңызды ойыншысы кетіп қалды. Олар – америкалық Кристофер Эдвард Макичин, црнагоралық Боян Бакич, ресейлік Аркадий Мкртчян және қазақстандық Дмитрий Климов. Ал егер келісімшарттарын ұзартқан ойыншыларға көз жүгіртер болсақ, онда олар – өткен маусымда команданың көшбасшылары болған америкалық Донте МакГилл және қазақстандық Владимир Иванов. Сонымен қатар, комнда өз түлектерін де сақтап қалды. Атап айтқанда – Олег Болашов, Әділхан Марат, Рустам Өтеген және Асқар Ахметжан. Жаңа ойыншыларының ішінен Райан Кукті бөле-жара атап өтуге болады. Ол «жасыл-ақ» жейделілер сапында «Барыстар» чемпион болған маусымда ойнаған. Райан Кук соңғы жылдарды Венгрия чемпионатында өткізді. Сондай-ақ биыл «Барыстар» сапына тағы бір америкалық ойыншы қосылды. Ол – Лисандер Брейси, соңғы үш маусымда Американың студенттік лигасында өнер көрсетіп, Хэмптон университеті намысын қорғаған. Сонымен қатар, атыраулық команда құрамын ресейлік екі ойыншымен нығайтты. Шабуылшы Игорь Савченко өз карьерасын Испанияда өткізген. Бірақ соңғы екі маусымда Ресей Суперлигасындағы «Спартак» және «Рязань» командалары сапында ойнады. Шабылшы Максим Сахаров – Мәскеу облысындағы «Химки» клубының түлегі. Соңғы маусымда «Рязань» командасының намысын қорғады. Рас, Максим Сахаров Ұлттық лига аясында алаңға әлі шыққан жоқ.

Кездесулер тарихы: Командалар өз тарихтарында бір-бірімен 60 рет Ұлттық лига және Қазақстан кубогы аясында кездесті. Өзара кездесулердің басым көбісі «Астананың» жеңісімен аяқталды. Елорда ұжымы «Барыстарды» 53 рет тізе бүктіріп, 7 матчта ұтылып қалды. Осы ретте айта кетуге тиіспіз, 7 жеңілістің бәрі де 2015/2016 жылдар маусымында жүзеге асты. Тура сол маусымда «Атырау Барыстары» чемпион атанған болатын. Соңғы кездесулерге тоқталар болсақ, бұл – өткен маусымдағы финалдық ойындар. «Барыстар» сол екі матчта да біздің командамен тайталасып, табан тіресе додаға түсті. Бірақ екеуінде де «Астана» айласын асырып кетті.

Турнир кестесіндегі жағдай: «Астана» төрт ойыннан кейін Ұлттық лигада көш бастап келеді, ал «Атырау Барыстары» – дәл қазір екінші орында, әрі елорда командасынан бір жеңісі ғана кем.

Қызықты деректер:
  • Біздің команда Ұлттық лигада ойнап келе жатқан 8 маусымда «Астана» мен «Атырау Барыстары» финалда 7 рет жолықты. Тек 2014/2015 жылдар маусымында жолдары түйіскен жоқ. Өйткені сол жолы «Атырау Барыстары» Жоғарғы лигада ойнаған.
  • Қазақстан командалары ішінде «Астанаға» бірнеше рет азуын батырған – «Атырау Барыстары» ғана. Бір рет тіпті алорда командасын чемпиондық атағынан да айырған.

«Астана» үшін бұл – «Барыстармен» айқасатын және Қазақстан біріншілігінде үлкен сынақтан өтетін бірінші кездесулер. Өйткені соңғы жылдары Атырау командасы Қазақстандағы ең қауіпті қарсыласы болып жүр.

Матчтар сейсенбі және сәрсенбі күндері – 29 және 30 қазанда Атыраудағы «Авангард» ДСК алаңында өтеді. Матчтардың басталуы – астана уақытымен 19:00-де.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Естеріңізге сала кетейік, астана командасының ВТБ Бірыңғай лигасы аясындағы өз алаңында өтетін келесі ойындарына билетер сатыла бастады – 4 қарашада Петербордың «Зенитімен» және 9 қараша күні Белорустің «Цмоки Минск»  клубтарымен өтетін матчтарға.

«Астана» «Атырау Барыстарымен» өткен түздегі матчта маусымда бірінші рет жүздіктен асты

30.10.2019, 10:00    Просмотров: 36
Источник: Баспасөз қызметі
Автор:
«Астана» Президенттік баскетбол клубы түздегі бірінші матчта «Атырау Барыстарын» ойсырата ұтып, биылғы маусымда бірінші рет «жүздіктен» асып түсті.

«Астана» Атырауға Ұлттық лигадағы басты қарсыласы, яғни жергілікті «Барыстармен» додаға түсу үшін келген. Бірінші ойында елорда командасының легионерлері сапынан алаңға Джеремая Хилл мен Малкольм Хилл шықты.
Алаң иелері біздің командамен бірінші кезеңнің басында табан тіресе тайталасты. Бірақ бұдан кейін «Астана» тез екпін алып, көсіле сілтеді. «Барыстардың» бапкерлері мұны тек тайм-аут алып қана тежей алды. Астана командасы бірінші кезең аяқталғанша алда тұрды. Бірақ есеп айырмасы арқаны кеңге саларлықтай болған жоқ – 4 ұпай. Екінші кезеңде де алаңдағы дүлей дода жалғасын тапты. «Астана» аракідік құйындай орап соғып отырды. «Барыстар» да қарап қалмай, қайсарлық танытып, біздің жігітерді алысқа ұзатпады. Кезеңнің ортасында есеп айырмасы мейілінше қысқарып, бір ұпай ғана болды. Бірақ «Астана» алаң иелерінің таразы басын теңестірулеріне мүмкіндік бермеді. Керісінше, біздің жігіттер матчтың бірінші жартысының соңын аса жоғары қарқында өткізіп, есеп айырмасын да ұлғайтты – 38:49.

Эмиль Райковичтің шәкірттері үшінші кезеңнің бірінші жартысында есеп айырмасын ұстап тұрды. Бірақ алаң иелері тағы бір рет ойын өрбісін өзгертуге талпынып, есеп айырмасын 6 ұпайға дейін қысқарта түсті. Бұл «Астана» ойыншыларын осып жібергендей әсер етіп, олар үшінші кезеңнің соңғы минуттарында көсіле шапты. Әрі есеп айырмасын 20 ұпайға дейін ұлғайтты. «Астана» дәл осы қарқынын соңғы кезеңде де жоғалтқан жоқ. Осылай қарсыластарының сағын сындырды. Есеп айырмасы тез ұлғая бастады. Матчтың аяқталуына 5 минут қалғанда ол 30 ұпайды жуықтады. Ақыры біздің жігіттер биылғы маусымда бірінші рет жүз ұпайдан артық жинап, айқын басымдықпен жеңіске жетті –  67:102 (15:19, 23:30, 21:30, 8:23). 

«Атырау Барыстары» біздің командамен тайталасып, 20 минуттан астам уақыт қана төтеп бере алды. Бірақ астаналықтардың жоғары қарқындарына қарсы тұруға күш-қуаттары жетпей, соңғы 15 минутта 30 ұпайдан артық есеп айырмасымен ұтылып қалды. «Астана» болса, ел біріншілігіндегі жеңіліссіз жолын жалғап, Ұлттық лиганың турнир кестесінде көш бастап келеді.



Ең көп ұпай еншілегендер: Александр Жигулин бұл ойында ең көп ұпай жинады. Бұл ретте, екі ұпайлық 10 мүмкіндікті мүлт жібермей, матч қорытындысы бойынша 26 ұпай еншіледі, 6 рет доп қағып алды және 4 пас берді. Малкольм Хилл 23 ұпай еншілеп, 7 рет доп қағып алды және 5 пас берді. Джеремая Хиллдің еншісінде – 17 ұпай, 6 пас. Және 3 рет допты «тартып» әкетті. Қарсыластарымыз сапында үздік шыққандар – америкалықтар Райан Кук (23 ұпай, 4 рет доп қағып алды, 3 пас, 9 рет допты «тартып» әкетті) және Лисандер Брейси (18 ұпай, 6 рет доп қағып алды, 3 пас).

Келесі матч: ертең, яғни 30 қазан күні екі команда «Авангард» ДСК алаңында тағы да кездесіп, қосарланған кездесудің екіншісін өткізеді. Басталуы – астана уақытымен 19:00-де.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Естеріңізге сала кетейік, астана командасының ВТБ Бірыңғай лигасы аясындағы өз алаңында өтетін келесі ойындарына билетер сатыла бастады – 4 қарашада Петербордың «Зенитімен» және 9 қараша күні Белорустің «Цмоки Минск»  клубтарымен өтетін матчтарға.

Қарсылас жайлы мәлімет

Құлылған жылы: 2005 Клубтық түстері: ақ, жасыл
Мемлекет: Қазақстан Арена: АМУ Х. Досмұхамедов атындағы
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан чемпионатының жеңімпазы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014
  • Жоғары лигасының жеңімпазы: 2014/2015
  • Қазақстан кубогының иегері: 2009
  • Қазақстан кубогының күміс жүлдегері: 2010, 2011, 2012, 2016, 2017