Ұлттық лигадағы ерлер командалары арасындағы XXVIII Қазақстан чемпионаты
Астана
Нұр-Сұлтан
Ұлттық лига, Тұрақты біріншілік
24.10.2019, 19:30 Бс
Арена: Велотрек «Сары-Арқа» (Нұр-Сұлтан)
81:55
Негізгі уақыт
19:13 17:21 19:11 26:10
Ойын нөмірі: 11
Көрермен: 0
Синегорье
Көкшетау

«Астананың» Ұлттық лигадағы бірінші қонағы – «Синегорье»

21.10.2019, 18:00    Просмотров: 93
Источник: Баспасөз қызметі
Автор:
НАЗАР АУДАРЫҢЫЗДАР! Көпшіліктің өтініші бойынша, «Астана» Президенттік баскетбол клубы маусым абонементтерін сату кезеңін 31 қазанға дейін ұзартты. Алдын-ала тапсырыс беру және сатып алу клуб серіктесінің, яғни «Easy Bounce» баскетбол дүкенінің сайтында және шоу-румында жүзеге асырылады. Толық мәліметтер – сілтемеде.
«Астана» Президенттік баскетбол клубы Ұлттық лиганың жаңа маусымдағы қос ойынын бірінші рет өз алаңында өткізіп, Көкшетаудың «Синегорье» клубын қабылдайды.

«Синегорье»
 – Қазақстанның ерлер арасындағы кәсіби баскетбол клубы, Көкшетау қаласынан. 2017 жылы құрылған.

Жетістіктері:
  • Қазақстан чемпионаты Жоғарғы лигасының қола жүлдегері: 2017/2018.

Көкшетау командасының тізгінін биыл Олег Киселев қолына алды. Өткен маусымдарда ол «Алматы Легионын» жаттықтырған, сондай-ақ «Атырау Барыстары» мен «Каспий» клубтарының бас бапкері болған. Айта кету керек, былтырғы маусымда «Синегорьені» Андрей Меховых жаттықтырған болатын. Ал ол бірнеше маусым бойы астана командасының бапкерлері құрамында болған. Маусым аралығында Көкше командасы сапынан «Астананың» бұрынғы ойыншысы Денис Дегтярев, сондай-ақ «алыптарының» бәрі, яғни Александр Данильченко, Михаил Евстигнеев және ресейлік Сергей Дубинин кетіп қалды. «Синенгорье» көкшетаулық ойыншыларын, сонымен қатар, ойын үйлестірушісі Азим Ягодкинді сақтап қалды. Жаңа ойыншыларына келер болсақ, құрамын орталық шептегі тәжірибелі екі баскетболшымен толықтырды – украин Станислав Завадский және Дмитрий Свиридов «Легионнан». Сондай-ақ «Синенгорьеге» Алматы командасының былтырғы құрамынан қорғаушы Вадим Коржов, шабуылшы Роман Марчук және тағы бір шабуылшы, ресейлік Роман Лагутин келді. Бұларға қоса, «Тобылдан» Василий Петришинец ауысты.

Кездесулер тарихы: «Синегорье» Ұлттық лигада былтырдан бері ғана ойнап жүр. Әрі «Астана» мен Көкшетау командасы бірінші рет өткен маусымда кездесті. Былтыр екі ұжым 6 мәрте Ұлттық лига аясында және бір рет Қазақстан кубогы додасында жолықты. Жеті ойынның бәрінде де астана командасы айқын басымдықпен жеңіске жетіп, қарсыласына ешқандай мүмкіндік берген жоқ.

Турнир кестесіндегі жағдай: «Астана» «Каспиймен» өткен алғашқы екі ойыннан соң Ұлттық лигада көш бастап келеді, ал «Синегорье» соңғы орында тұр. Әрі, әлі бірде-бір ойын өткізген жоқ. Яғни Нұр-Сұлтанда биылғы маусымдағы алғашқы ойындарын өткізеді.

Қызықты деректер:
  • Екеуара соңғы ойында «Астана» 129 ұпай жинап, сонау 2011/2012 жылдар маусымында орнатқан, бір матчтағы өз рекордын қайталады.
  • «Синегорь» командасының бас бапкері Олег Киселев –астана командасын Қазақстан чемпионы атағынан айырған жалғыз жаттықтырушы. Бұл 2015/2016 жылдар маусымында, Олег Киселев «Атырау Барыстарын» жаттықтырып жүрген кезде жүзеге асқан.

«Астана» үшін бұл Ұлттық лига аясында, өз алаңында өткізетін алғашқы матчтар болады. «Синегорье» биыл өз ойынын әлі көрсетпесе де, Нұр-Сұлтандағы матчтарда, сөз жоқ, «Астана» фаворит болып саналады.

Матчтар бейсенбі және жұма күндері – 24 және 25 қазанда Нұр-Сұлтандағы «Сарыарқа» велотрегі аренасында өтеді. Матчтардың басталуы – астана уақытымен 19:30-да. Кіру тегін.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Естеріңізге сала кетейік, астана командасының ВТБ Бірыңғай лигасы аясындағы өз алаңында өтетін келесі ойындарына билетер сатыла бастады – 4 қарашада Петербордың «Зенитімен» және 9 қараша күні Белорустің «Цмоки Минск»  клубтарымен өтетін матчтарға.

«Астана» Ұлттық лиганың өз алаңындағы алғашқы матчында «Синегорьені» сүріндірді

24.10.2019, 21:30    Просмотров: 81
Источник: Баспасөз қызметі
Автор:
«Астана» Президенттік баскетбол клубы өз алаңында Ұлттық лига аясындағы алғашқы матчын өткізіп, елорда төрінде Көкшетаудың «Синегорье» клубынан басым түсті.

Бұл матчта «Астана» фаворит болып саналғанымен, ойын тең дәрежеде басталды. Эмиль Райковичтің шәкірттері деңгейлерінің жоғары екендігін бірден паш ете алмады. Қарсыласымыздың матч басындағы жігерлері адам қызығарлықтай болды. Әрі кездесу басында өз мүмкіндіктерін мүлт жібермеуге мейілінше тырысып бақты. «Синегорье» алға шыға алмағанымен, астаналықтарға төтеп берді. Әйткенмен, алғашқы 10 минуттан кейін «Астана» 6 ұпай айырмасымен ұтып жатты. Екінші кезеңді де Көкшетаудан келген қонақтар жоғары қарқында бастап, есеп айырмасын қысқарта түсті. Тіпті алға да шығып кетті. Бірақ бұл ұзаққа созылмады. «Астана» таразы басын қайтадан өзіне қарай аударды. Алайда алысқа ұзап кете алмады. «Синегорье» қайтадан алға шыққанымен, біздің жігіттер үлкен үзіліске дейін алға озды – 36:34.

Ойынның дәл осылай өрбуі Эмиль Райковичке де, «Астананың» бапкерлері құрамындағы басқаларына да ұнамады, әрине. Сондықтан үзіліс кезінде команданың ойын үлгісіне өзгерістер енгізілді. Сөйтіп, біздің команда үшінші және төртінші кезеңдерде қарсыласынан асып түсті. Әрі есеп айырмасын бірте-бірте ұлғайта бастады. Қонақтар «Астанаға» тойтарыс беруге тырысып, тәп-тәуір ойын үлгісін көрсетті. Бірақ біздің жігіттерді тоқтата алмады. Төртінші кезеңнің басында есеп айырмасы 10 ұпайға дейін жетті. Қонақтар сонда да айылдарын жимай, тайталасып бақты. Бірақ «Астана» олардың аптықтарын басып, 5 минуттан кейін қара үзіп кетті. Әрі біздің баскетболшылар матч соңына дейін көсіле шауып, бұл ойында да ірі сеппен жеңіске жетті – 81:55 (19:13, 17:21, 19:11, 26:10).

«Синегорье» биылғы маусымды жеңіліспен бастап, біздің командадан ұтылып қалды. Бірақ үш кезең бойы жанкештілік танытып, тайталасып бақты. Ал «Астана» айқын басымдықпен жеңіске жетіп, Ұлттық лиганың турнир кестесінде сол бұрынғысынша жүз пайыздық көрсеткішпен көш бастап келеді.
 

Ең көп ұпай еншілегендер: Джеремая Хилл «Астана» сапында бәрінен де көп ұпай жинады – 15, сонымен қатар, ол 6 рет доп қағып алды және 3 нәтижелі пас берді. Душан Ристич 13 ұпай еншілеп, 4 рет доп қағып алды және 3 пас берді. Ал Максим Марчуктің еншісінде – 10 ұпай, 4 рет доп қағып алды және 4 рет допты «тартып» әкетті. «Синегорье» сапында орталық шептегі Станислав Завадский үздік шықты – 10 ұпай, 7 рет доп қағып алды және 2 блокшот, ал бәрінен де көп ұпай жинаған Роман Лагутин – 17.

Келесі матч: ертең, яғни 25 қазан күні Нұр-Сұлтан қаласында «Астана» мен «Синегорье» арасындағы екінші ойын өтеді.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Естеріңізге сала кетейік, астана командасының ВТБ Бірыңғай лигасы аясындағы өз алаңында өтетін келесі ойындарына билетер сатыла бастады – 4 қарашада Петербордың «Зенитімен» және 9 қараша күні Белорустің «Цмоки Минск»  клубтарымен өтетін матчтарға.

Қарсылас жайлы мәлімет

Құлылған жылы: 2000 Клубтық түстері: ақ, көк
Мемлекет: Қазақстан Арена: БЖСМ «Триатлон»
Қала: Көкшетау Сайт: www.scsg.kz

Сипаттамасы