ВТБ Бірыңғай лигасы 2018/2019
ЦСКА (МСК)
Мәскеу
ВТБ Бірыңғай лигасы, Тұрақты біріншілік
11.04.2019, 22:30 Бс
Арена: ӘСК ЦСКА (Мәскеу)
91:72
Негізгі уақыт
21:19 24:15 18:18 28:20
Ойын нөмірі: RS-163
Көрермен: 1629
Астана
Нұр-Сұлтан

«Астана» түзде ВТБ лигасының көшбасшысы ЦСКА командасымен додаға түседі

08.04.2019, 08:00    Просмотров: 30
Источник: Баспасөз қызметі
Автор: Шыңғыс Түсіпбаев
Бейсенбі күні, 11 сәуірде, Мәскеу қаласындағы ОӘСК ӘСК спорттық аренасында, «Астана» Президенттік баскетбол клубы мен Мәскеудің ЦСКА командасы арасында ВТБ Бірыңғай лигасы чемпионатының кезекті ойыны өтеді.

ЦСКА – Ресейдің ерлер арасындағы кәсіпқой баскетбол клубы, Мәскеу қаласынан, 1923 жылы құрылған. ВТБ Бірыңғай лигасынан бөлек, Еуролига додасында бақ сынайды.

Жетістіктері:
  • КСРО чемпионы − 1945, 1960-1962, 1964-1966, 1969-1974, 1976-1984, 1988, 1990. 
  • Ресей чемпионы – 1992-2000, 2003-2015. 
  • КСРО кубогының жеңімпазы − 1972, 1973, 1982. 
  • Ресей кубогының жеңімпазы – 2005-2007. 
  • Еуропа чемпиондары кубогының жеңімпазы − 1960/1961, 1962/1963, 1968/1969, 1970/1971. 
  • NEBL чемпионы − 1999/2000. 
  • Еуролига чемпионы − 2005/2006, 2007/2008, 2015/2016 
  • ВТБ Бірыңғай лигасының чемпионы − 2009/2010, 2011/2012, 2012/2013, 2013/2014, 2014/2015, 2015/2016, 2016/2017, 2017/2018
  • ВТБ Бірыңғай лигасының күміс жүлдегері − 2010/2011

Екі команда биылғы маусымда кездескен. Өткен жылғы 7 қазан күні Нұр-Сұлтан қаласында өткен матчта «әскерилер» елорда командасынан басым түскен болатын – 61:86 (15:14, 12:27, 20:24,14:21). Дәл қазір Мәскеудің ЦСКА командасы ВТБ Бірыңғай лигасының турнир кестесінде 1-орынды иемденіп тұр. Ал «Астана» 5-орынға орналасқан. Елорда баскетболшылары қызыл-ақ жейделілермен тайталасып, тағы бір тарихи оқиғаны жүзеге асыра ала ма, ол бейсенбі күні, яғни 11 сәуірде белгілі болады.

Матчтың онлайн-трансляциясы QAZSPORT телеарнасында және біздің сайтымыздың Ойын орталығы бөлімінде жүргізіледі. Басталуы – Нұр-Сұлтан уақытымен 22:30-да.

Естеріңізге сала кетейік, елорда клубының ВТБ Бірыңғай лигасы аясындағы өз алаңында өтетін келесі екі ойынына билеттер сатыла бастады: 15 сәуір күні – «Лококмотив Кубань» клубымен және 21 сәуірде – «Енисей» командасымен.

Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

ЦСКА чемпионатты жеңіспен түйіндеп, «Астанадан» басым түсті

12.04.2019, 08:00    Просмотров: 19
Источник: ВТБ Бірыңғай лигасы
Автор:
Ресейдің ЦСКА командасы өз алаңында қазақтың «Астанасын» жеңді – 91:72 (21:19, 24:15, 18:18, 28:20).

Көшбасындағы 1-ші орынды сақтап қалуға тырысқан ЦСКА (21-4) чемпионаттың негізгі бөлігіндегі соңғы ойынын өткізді. «Астана» (14-8) бұл ойынға шықанда, 5-ші орында тұрған. Нұр-Сұлтан клубы екінші кезеңнің ортасына дейін дес берген жоқ. Алайда Уилл Клайберн 30 секундқа да жетпейтін уақыт аралығында 5 ұпай еншілеп, жазасын өтеп келген Кайл Хайнс есеп айырмасын ұлғайта түсті (37:27). Алмастырып ойыншылары өте көп әскерилер клубы шығыршықтан қайтқан допты қағып алуда басымдық танытты (22-16) және қателері де аз болды (3-6). Командалар үзіліске шықанда, есеп 45:34 болып, ЦСКА қара үзіп кетті.

Ойынның екінші жартысында «Астана» бірнеше рет есеп айырмасын бір таңбалы санға дейін қысқартты (49:58, 54:63, 57:65), бірақ одан әріге ЦСКА ешқандай мүмкіндік бермеді. Төртінші кезең басталған бетте Никита Курбанов допты шығыршыққа дәл түсіріп, ұпай айырмасын қайтадан екі таңбалы санға жеткізді (70:57). Бұдан кейін олар ойын тізгінін уыстарынан шығармай, ірі есеппен жеңіске жетті.

Мәскеуліктер ВТБ лигасының негізгі бөлігін 22-4 нәтижесімен аяқтады. Әрі дәл қазір 1-ші орында тұр. Бірақ УНИКС (18-4) қуып жетіп, көрсеткіштері теңессе, қосымша көрсеткіштері бойынша қазандықтардан төмен орналасады.
 

Ең көп ұпай еншілегендер:
  • ЦСКА: Кайл Хайнс (18), Дэниэл Хэккетт (16), Никита Курбанов (13 + 5 рет доп қағып алды).
  • «Астана»: Джей Джей О’Брайен (25), Джеффри Гросселл (12 + 7 рет доп қағып алды), Энтони Клеммонс (10 + 6 пас).

ЦСКА клубының бас бапкері Димитрис Итудис:
— Біріншіден, команданы құттықтаймын. Біз бұл ойынға өте маңызды матч ретінде қарадық, оны ойын нәтижесі де дәлелдеп тұр. Біз бүгін үздік шықтық, ойын тізгінін уысымыздан шығарған жоқпыз, жеңіске лайық болдық. Сегіз күнде төрт ойын өткіздік, оның біреуін түзде ойнадық. Әрі жүз пайыздық нәтижеге қол жеткіздік. Ойын уақытын бәріне тең бөлдік, әрқайсысы өз үлесін қосты. Бүгін алаңда ең көп ойнаған Никита Курбанов болды – 24 минут. Жалпы, өткен ойындарда да ешкім 24-25 минуттан артық ойнаған жоқ. Біз енді плей-оффқа дайындаламыз. Бүгін бізге қолдау көрсеткен жанкүйерлерге алғыс білдіргім келеді. Сондай-ақ плей-оффқа лайық команда екенін көрсете білген «Астанаға» сәттілік тілеймін.    


«Астана» клубының бас бапкері Эмиль Райкович:
— ЦСКА командасын құттықтаймын. Олар жеңіске лайық ойын үлгісін көрсетті. Қарсыласымыз өзінің деңгейі мен атлетизмін көрсетті. Біз бетпе-бет келгенде, көбісінде есе жіберіп алдық. Әрі алмастырып ойнайтын жігіттеріміз аз болып, бұл да септігін тигізді. Бұл жеңілістің ешқандай әбестігі жоқ. Біз үшін алдағы үш ойын маңызды болады. Қарсыластарымыз да азулы командалар – «Локомотив» пен «Енисейді» үйде қабылдап, «Зенитпен» түзде ойнаймыз. Осы ойындарда өз шеберлігімізді көрсетуіміз керек.


Елорда баскетболшылары келесі ойындарын өз алаңында өткізіп,  15 сәуір күні – «Лококмотив Кубань» клубымен және 21 сәуірде – «Енисей» командасымен кездеседі. Бұл «Астананың» ВТБ Бірыңғай лигасы чемпионатының биылғы маусымда өз алаңында өткізетін соңғы ойындары болады.
 
Жалпы, клубымыздың ойындары жайлы толық ақпараттар, турнир кестелері, ойындар күнтізбесі мен нәтижелері Доп додалары бөлімінде жарияланған.

Қарсылас жайлы мәлімет

Құлылған жылы: 1923 Клубтық түстері: қызыл, көк
Мемлекет: Ресей Арена: ӘСК ЦСКА
Қала: Мәскеу Сайт: www.cskabasket.com

Сипаттамасы

ЦСКА – Ресейдің ерлер арасындағы баскетбол клубы, Мәскеу қаласынан.

Жетістіктері:
  • КСРО чемпионы − 1945, 1960-1962, 1964-1966, 1969-1974, 1976-1984, 1988, 1990
  • Ресей чемпионы – 1992-2000, 2003-2015
  • КСРО кубогының жеңімпазы − 1972, 1973, 1982
  • Ресей кубогының жеңімпазы – 2005-2007
  • Еуропа чемпиондары кубогының жеңімпазы − 1960/1961, 1962/1963, 1968/1969, 1970/1971
  • Еуролига чемпионы − 2005/06, 2007/08, 2015/16 
  • NEBL чемпионы − 1999/2000. 
  • ВТБ Бірыңғай лигасының чемпионы − 2009/2010, 2011/2012, 2012/2013, 2013/2014, 2014/2015, 2015/2016, 2016/2017, 2017/2018
  • ВТБ Бірыңғай лигасының күміс жүлдегері − 2010/2011

Команданың жалпы суреті

ЦСКА (МСК)